Ինչպես Իսրայելին հաջողվեց անակնկալի բերել Իրանին մի հարվածով, որի մասին բոլորը գիտեին

Իսրայելը դիտավորյալ ձևացրել է, որ հինգշաբթի երեկոյան անվտանգության կաբինետի նիստը ներկայացրել է որպես Պաղեստիոնւմ պահվող պատանդների մասին բանակցությունների շուրջ քննարկումներ՝ Թեհրանին զգոնությունը թուլացնելու և բանակին Իրանին հարվածելու թույլտվություն տալու համար, հաղորդում է The Jerusalem Post-ը: Նիստում կաբինետը միաձայն հաստատել է ռազմական գործողությունը, որի ընթացքում յուրաքանչյուր նախարար ստորագրել է խիստ գաղտնիության մասին համաձայնագիր, որը հայտնի է որպես «Շոմեր Սոդ» (գաղտնի պահող): Միայն Նեթանյահուն, ռազմավարական հարցերով նախարար Ռոն Դերմերը, «Մոսադի» տնօրեն Դեյվիդ (Դեդի) Բարնեան և ռազմական բարձրագույն հրամանատարությունն էին լիովին տեղյակ ծրագրի մասին:

Բոլորին մոլորեցնելու համար Նեթանյահուի գրասենյակը կազմակերպեց մի շարք արտահոսքեր։

Նեթանյահուի օգնականները լրագրողներին ասել են, որ նա պլանավորում է ընտանեկան արձակուրդ անցկացնել Գալիլեայում և հաջորդ երեքշաբթի կմասնակցի որդու՝ Ավների հարսանիքին, ինչը ամրապնդում է այն տպավորությունը, որ որևէ խոշոր ռազմական գործողություն տեղի չի կարող ունենալ: Թել Ավիվը նաև հայտարարություն է տարածել, որում պնդել է, որ Դերմերն ու Բարնեան ուրբաթ կմեկնեն Վաշինգտոն՝ հանդիպելու ԱՄՆ դեսպան Սթիվ Վիտկոֆի հետ՝ Օմանում կայանալիք Իրան-ԱՄՆ միջուկային բանակցությունների «վեցերորդ փուլի» համար:

Ի դեպ, միջազգային լրատվամիջոցներից շատերը ընկան հենց այս ապատեղեկատվության թակարդը։

Նեթանյահուի գրասենյակը հրաժարվել է հերքել վարչապետի և ԱՄՆ նախագահ Դոնալդ Թրամփի միջև հնարավոր հարձակման շուրջ վեճի մասին պատմող կեղծ մեջբերումները, որոնք ստեղծել են դիվանագիտական ​​​​պառակտման տպավորություն «և ավելի են նվազեցրել Իրանի զգոնության մակարդակը»։

Ապատեղեկատվական արշավ սկսեց ծավալվել նաև Իսրայելի պաշտպանության ուժերի մասին օրինագծի շուրջ ներքաղաքական դրամայի և կոալիցիայի փլուզման մասին լուրերի ֆոնին։ «Դա կատարյալ ծխի վարագույր էր», - ասել է Իսրայելի վարչապետի աշխատակազմում աղբյուրը՝ հավելելով, որ չնայած հրապարակային թատերականացվածությանը, ԱՄՆ պաշտոնյաները լիովին գիտակցում էին սպասվելիք հարվածի լրջությունը։