Ինչ սպասել Հայ առաքելական եկեղեցուց՝ ի պատասխան Փաշինյանի հարձակումների

11:04 - 31/մայիսի/2025

Դիտել նաև Թշնամին ոգևորվել է․ Ադրբեջանը կարող է զգալի օգուտներ ստանալ Փաշինյանի անպարկեշտ լեզուն արժեզրկում է երկրի վարչապետի ինստիտուտը․ Ռուսաստանի հայերի միություն Փաշինյանը շարունակում է անբարո պահվածքը․ պատասխանում է Միքայել Աջապահյանին «Կրթությունը պետք է լինի ազգային ռազմավարություն, ոչ թե շոու»

«Ժողովուրդ» օրաթերթը գրում է. «Վարչապետ Նիկոլ Փաշինյանի՝ մայիսի 29-ին արած սուր ու սկանդալային գրառումը՝ «Սրբազան, գնա շարունակիր քեռուդ կնգան դոմփել, ինձ հետ ի՞նչ գործ ունես», ինչպես նաև նրա տիկնոջ՝ Աննա Հակոբյանի հայտարարությունը, թե «Երկրի գլխավոր մանկապիղծները չուլան բառից դիվահարվել են։ Դե իհարկե, այդպես էլ պետք է լիներ. չէ՞ որ չուլանները սեւ սքեմ հագնող մոլագարների կյանքի մութ անկյուններն են: Հենց չուլաններում են տեղի ունենում այլասերվածություններ, որոնք արդեն հավատավոր ժողովրդի ցասմանն անգամ չեն արժանանում։ Հավատավոր ժողովուրդը, վաղուց արդեն համակերպված, իր ուսերի վրա քարշ է տալիս երկրի գլխավոր մոլագար այլասերվածներին», լուրջ ալիք են բարձրացրել հասարակական և հոգևոր շրջանակներում։

Փաշինյանը և Հակոբյանը, ըստ էության, եկեղեցու հասցեին հնչեցնում են մանկապղծության և ոչ առաքինի վարքի հրապարակային մեղադրանքներ։

Մինչդեռ Հայ Առաքելական Եկեղեցին այս պահի դրությամբ պաշտոնական արձագանք չի ներկայացրել։

«Ժողովուրդ» օրաթերթի տեղեկություններով՝ Ամենայն հայոց կաթողիկոս Գարեգին Բ-ն, որ գտնվում է արտերկրում՝ Շվեյցարիայում՝ մասնակցելու Արցախի հայության իրավունքներին նվիրված բարձր մակարդակի քննարկումներին, կվերադառնա հաջորդ շաբաթվա վերջին։ Ըստ ամենայնի, սրանով էր պայմանավորված, որ տարբեր բարձրաստիճան հոգևորականներ արձագանքեցին վարչապետին՝ կոշտ պատասխանելով նրան, սակայն Հայ առաքելական եկեղեցին հավաքական իմաստով չարձագանքեց Փաշինյան և Հակոբյան զույգին»։