Ինչ արժեքավոր նվերներ է ստացել Նիկոլ Փաշինյանը 2025 թ-ին

«Փաստինֆո»-ն ներկայացնում է ՀՀ վարչապետ Նիկոլ Փաշինյանի կողմից Կոռուպցիայի կանխարգելման հանձնաժողովի կայքում հայտարարագրած օտարերկրյա պետությունների, միջազգային կազմակերպությունների կամ այլ անձանց կողմից այս տարվա ընթացքում ստացած արարողակարգային նվերները։

Մասնավորապես, Փաշինյանը փետրվարի 24-ին ընդունել է ԵՄ-Հայաստան խորհրդարանական գործընկերության կոմիտեի համանախագահ Նիլս Ուշակոցսկու գլխավորած պատվիրակությանը, որի ընթացքում պատվիրակության ղեկավարը 925 հարգի արծաթից ձեռագործ «Waldmann-Edelfeder» ապրանքանիշի 2 գրիչ է նվիրել՝ 1-ը՝ գնդիկավոր, մյուսը՝ գրիչ-փետուր ՝ Parlamentum Europaeum։ Գրիչների ընդհանուր արժեքը գնահատվում է 233 հազար դրամ։

Նիդերլանդների ԱԳՆ-ի գլխավորած պատվիրակությանը մարտի 12-ին ընդունելու ընթացքում Փաշինյանն այդ երկրի արտգործնախարար Կասպար Վելդկամպից նվեր է ստացել RoyalDelft 1653 ապրանքանիշի «Հողմաղաց» ձեռքով նկարազարդված ափսե, որի արժեքը գնահատվում է 196 300 դրամ։

Մայիսի 5-ին նա հայտարարագրել է ապրիլի 4-ին Վիետնամի Ազգային ժողովի նախագահ Չան Թան Ման կողմից ստացած 45 000 դրամ գնահատված՝ Վիետնամի Սոցիալիստական Հանրապետության Ազգային Շողովի շենքի 3D մոդելը՝ պատրաստված մետաղից, ինչպես նաև Թան Ման Չանի նվիրած բամբուկից պատրաստված զարդանախշ տուփով կանացի շարֆը, որի արժեքը 45 000 դրամ է։

Էստոնիա կատարած այցի ընթացքում ապրիլի 28-ին նախագահ Ալար Կարիսը նվիրել է Կոնրադ Մագիի ստեղծագործությունները ներկայացնող 600 էջից բաղկացած 43 500 դրամ արժողությմաբ աշխատությունը։ Նույն այցի շրջանակներում, Էստոնիայի վարչապետ Քրիստեն Միխալից Փաշինյանը նվեր է ստացել է 57 500 դրամ գնահատված Վ. Ս. Ստավենհագենի նկարի վրա հիմնված Տալլինի տաճարի պողպատե փորագրությունը։

Մայիսին Փաշինյանն ընդունել է նաև Ֆրանսիայի Մարսելի քաղաքապետ Բենուա Պայանի գլխավորած պատվիրակությանը, որի ընթացքում Պայանը Փաշինյանին է նվիրել Մարսելում «Արամ» կոշկակարական արհեստանոցի պատրաստած գրասեղանի կաշվե գորգը, ինչպես նաև 51 000 դրամ գնահատված Իվ-Մարի Լե Գուազի կողմից հազվագյուտ փորագրությունը, որը պատկերում է Մարսելի նավահանգիստը 18-րդ դարում։

Ամենաառատաձեռնը թերևս գրտվել է Վրաստանի նախագահ Միխեիլ Կավելաշվիլին, ով Հայաստան կատարած այցի ընթացքում վարչապետին է նվիրել 425 000 դրամ գնահատված «David Kakabadze & Enamel ապրանքանիշի ձեռագործ արծաթապատ եղջյուր՝ գինի խմելու համար։