16-ամյա պատանու սպանության գործով մեկ անձ է կալանավորվել

Քանաքեռ-Զեյթուն վարչական շրջանում 16-ամյա պատանու սպանության գործով ձերբակալված երիտասարդը կալանավորվել է։ Այս մասին «Փաստինֆո»-ի հետ զրույցում հայտնեցին ՀՀ ՔԿ-ից։

Հիշեցնենք, որ ապրիլի 19-ի երեկոյան՝ ժամը 22։20-ի սահմաններում օպերատիվ տեղեկություններ էին ստացվել, որ մահացած վիճակում «Միքայելյան վիրաբուժության կենտրոն» է տեղափոխվել անչափահաս տղա: Նրանից բացի վիրավորմամբ հիվանդանոց է տեղափոխվել երկու անձ՝ եղբայրներ, որոնք ոստիկանների կողմից ավելի ուշ՝ տեղափոխվել ոստիկանություն։ Դեպքի առթիվ նախաձեռնվել է քրեական վարույթ, մեկ անձ ձերբակալվել։ Ըստ ամենայնի՝ ձերբակալվածը եղել է եղբայրներից մեկը։

ՔԿ մամուլի քարտուղար Կիմա Ավդալյանը «Փաստինֆո»-ի հետ զրույցում հայտնեց, որ գործով մեկ տուժող կա՝ սպանված անձը։ Ինչ վերաբերում է ձերբակալված անձին, ապա նրան մեղադրանք է ներկայացվել ՀՀ քրեական օրենսգրքի 155-րդ հոդվածի 2-րդ մասի 5-րդ կետով՝ անչափահասի սպանության հատկանիշներով։ Նրա նկատմամբ որպես խափանման միջոց է ընտրվել կալանավորումը։

Ի. Ս.

facebook sharing button twitter sharing button