Մենք արձանագրեցինք Բաքվի բացասական արձագանքը ԱՄՆ-ի հայտարարություններին. Զախարովան՝ Սպիտակ տան՝ հայ գերիներին ազատ արձակելու կոչի մասին

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է բոլոր հայ գերիներին ազատ արձակելու վերաբերյալ ԱՄՆ կոչին Բաքվի բացասական արձագանքի մասին՝ մեկնաբանելով Սպիտակ տան ազգային անվտանգության հարցերով խորհրդական Մայք Ուոլցի վերջին հայտարարությունը։

Զախարովան, մասնավորապես, ասել է. «Նախ՝ մենք արձանագրեցինք Բաքվի բացասական արձագանքը ԱՄՆ-ի համապատասխան հայտարարություններին։ Երկրորդ՝ մեր դիրքորոշումն այն է, որ մենք բազմիցս խոսել ենք հակամարտության ընթացքում կուտակված բոլոր հումանիտար խնդիրների լուծման անհրաժեշտության մասին, նկատի ունեմ հայ-ադրբեջանական հակամարտությունը, երկու երկրների հարաբերությունների կարգավորման գործընթացի շրջանակում, ինչպես նախատեսված է համապատասխան համաձայնագրերով, ինչին այսօր արդեն անդրադարձել եմ։

Եվ մենք հաստատում ենք մեր հավատարմությունը այդ պայմանավորվածություններին և պատրաստ ենք անհրաժեշտ օգնություն ցուցաբերել մեր գործընկերներին և բարեկամներին»:

Նա նաև հայտարարել է, որ Հայաստանի և Ադրբեջանի միջև հարաբերությունների կարգավորմանն աջակցելու հարցերով նախարարի հատուկ ներկայացուցիչ Յուրի Անատոլևիչ Խովաևը պատրաստ է ժամանել տարածաշրջան՝ համապատասխան խորհրդակցություններ անցկացնելու համար։

«Մենք, առաջին հերթին, ողջունում ենք այն առաջընթացը, որը ձեռք է բերվել Բաքվի և Երևանի միջև խաղաղության գործընթացում, խաղաղության համաձայնագրի տեքստի շուրջ բանակցությունների ավարտը և Ադրբեջանի և Հայաստանի միջև միջպետական ​​հարաբերությունների հաստատումը։ Սա նշանակալի քայլ է Հարավային Կովկասում երկար սպասված անվտանգության և բարգավաճման ուղղությամբ։ Համապատասխան մեկնաբանություն է զետեղվել կայքում, գիտեք: Եվ, իհարկե, խաղաղության օրակարգում դեռ կան մի շարք հարցեր, կարևոր, նույնիսկ համաշխարհային, ես կասեի, որորոնք սպասում են իրենց լուծումներին։

Սա ներառում է տարածաշրջանում տրանսպորտային և տնտեսական կապերի ապաշրջափակում, և, իհարկե, սահմանազատում և հումանիտար բլոկը: Բայց մենք, մեր հերթին, հաստատում ենք մեր պատրաստակամությունը՝ աջակցելու մեր գործընկերներին Ադրբեջանում և Հայաստանում բոլոր ուղղություններով, այս ձևով, նկատի ունեմ այս ոլորտում, այն ձևով, ծավալով, որով դա պահանջված կլինի երկու կողմից: Հայաստանի և Ադրբեջանի միջև հարաբերությունների կարգավորմանն աջակցության հարցերով նախարարի հատուկ ներկայացուցիչ Յուրի Անատոլևիչ Խովաևը պատրաստ է ժամանել տարածաշրջան՝ համապատասխան խորհրդակցություններ անցկացնելու համար»,-ընդգծել է Զախարովան։