Հանրահայտ ու թանկարժեք օղիներ կեղծելու համար բերման է ենթարկվել մի քանի ռեստորաններ աշխատեցնող, «Գոռ» սգո սրահի տնօրենը
ՀՀ Ներքին գործերի նախարար Արփինե Սարգսյանը, ՀՀ ՆԳՆ ոստիկանության պետ, ՆԳ նախարարի տեղակալ, ոստիկանության գեներալ-մայոր Արամ Հովհաննիսյանը ու ՀՀ ՆԳՆ ոստիկանության համայնքային ոստիկանության գլխավոր վարչության պետ, ՀՀ ոստիկանության պետի տեղակալ, ոստիկանության գնդապետ Կարեն Հակոբյանը ՀՀ ՆԳՆ ոստիկանության քրեական և համայնքային ոստիկանության ղեկավար կազմի հետ վերջերս տեղի ունեցած օպերատիվ խորհրդակցությունների ժամանակ նաև տվել են հանձնարարականներ, որ պետք է ոստիկանությունը ուժեղացված պայքար տանի նաև ապօրինի ձեռնարկատիրական գործունեությամբ զբաղվողների նկատմամբ։
Այն, որ վերջին տարիներին Հանրապետությունում արձանագրվել են ոգելից խմիչքներից թունավորման դեպքեր, գաղտնիք չէ։ ՀՀ ՆԳՆ ոստիկանության համայնքային ոստիկանության գլխավոր վարչության Շենգավիթի բաժնի ծառայողները՝ բաժնի պետ Արթուր Մկրտչյանի, բաժնի պետի տեղակալներ Արծրուն Միքայելյանի, Մանվել Թամրազյանի գլխավորությամբ երեկ՝ հունվարի 24-ին, կարողացել են իրականացնել պրոֆեսիոնալ հատուկ օպերացիա, որի ժամանակ բացահայտվել է ապօրինի ձեռնարկատիրական գործունեությամբ զբաղվելու բավականին լուրջ դեպք։
Ինչպես հայտնում է ֆոտոլրագրող Գագիկ Շամշյանը, Շենգավիթի ոստիկանությունում հերթական օպերատիվ տեղեկություններ էին ստացվել, որ Աջափնյակ վարչական շրջանի Շիրազի փողոցի 39 հասցեում գործող «Բաբաջանյան Հոլ» ԱՁ-ի տարածքում զբաղվում են ապօրինի ձեռնարկատիրական գործունեությամբ և կատարում են հայտնի ու թանկարժեք օղիների կեղծ շշլացում։
Տեղում Շենգավիթի ոստիկանները օպերատիվ խումբ են կազմում և ժամանում են նշված հասցե, որտեղ էլ պարզվում է, որ ստացված օպերատիվ տեղեկությունները հավաստի են։
Դեպքի փաստով փաստաթղթեր են կազմվում, որոնք ներկայացվում են ՀՀ Քննչական կոմիտեի տնտեսական հանցագործությունների և մաքսանենգության քննության վարչություն։
Ֆոտոլրագրողի տեղեկություններով՝ Շենգավիթի ոստիկաններին հաջողվում է հենց նշված տարածքում հայտնաբերել իրեղեն այնպիսի ապացույցներ, որ փաստերի ճնշման տակ Երևանի բնակիչ 44-ամյա Ատոմ Բաբաջանյանը բանավոր հայտարարում է, որ նշված ԱՁ-ի տարածքում ինքը շշլացրել է կեղծ օղիներ և շենքի տարածքում ոստիկանները, ապա նրանց միացած քննիչները հայտնաբերում են այդ ամենը։
Ֆոտոլրագրողի տեղեկություններով՝ Ա․ Բաբաջանյանը հանրությանը հայտնի է՝ որպես մի քանի ռեստորաններ աշխատեցնող, ինչպես նաև «Գոռ» սգո սրահի տնօրեն:
Հետևեք մեզ Viber-ում
