Զավեշտալի է, որ Փաշինյանն է դա ասում. մարդ, ով այս ամբիոնից բացահայտ ասել է, որ ինքը խաբել է ժողովդին. Հայկ Մամիջանյան

Մի քանի ժամ առաջ այս ամբիոնից Նիկոլ Փաշինյանը հայտարարեց, որ աշխարհը մեզ ընկալում է որպես «ազգ-նահատակ», ցավոք, աշխարհը մեզ ընկալում է Նիկոլ Փաշինյանով, դրանով է պայմանավորված Բելառուսի նախագահի երկու հայտարարություններն ու արտահայտությունները։ Այս մասին ԱԺ-ում հայտարարությունների ժամին ասաց «Պատիվ ունեմ» խմբակցության ղեկավար Հայկ Մամիջանյանը։

«Դրանով է նաև պայմանավորված, որ աշխարհի շատ երկրներում մարդիկ իրար մեջ ասում են, որ հայ ազգը համակերպվել է ցավալի պարտության հետ, իսկ որոշ երկրների՝ Ադրբեջանի ու Թուրքիայի ղեկավարները դա ասում են հրապարակային։ Նույն երկրների ղեկավարները հրապարակային ծաղրում են Նիկոլ Փաշինյանին: Ես ազգ- նահատակի զավակ չեմ, ես հայ եմ, հայ, որը իրեն մի քանի անգամ գերազանցող հակառակորդին հաղթել է պատերազմի դաշտում, իսկ հետո հակառակորդի հետ խոսել է «կամ կրակում ենք, կամ բանակցում ենք, մենք 2-ին էլ պատրաստ ենք» սկզբունքով։

Այս նույն ամբիոնից Փաշինյանը ասում է, թե մենք անկեղծ չենք, զավեշտալի է, որ Փաշինյանն է դա ասում։ Մարդ, ով այս ամբիոնից բացահայտ ասել է, որ ինքը խաբել է ժողովդին, երբ մինչև 2020 թ-ը խոսում էր Արցախի և այլ խնդիրների մասին, մարդ, ով իր նախընտրական ծրագրով, ապա իր կառավարության ծրագով ուղղակի խաբեությամբ ստացել է մեր քաղաքացիների ձայները. Հադուրթ, Շուշի էր դեկուպացնում, Մադրիդյանով հարց էր լուծում»,-ասաց Մամիջանյանը: