Ադրբեջանի պատասխանատվությունն է ցույց տալ, որ ուզում է հասնել խաղաղության նախքան COP29-ը. Ֆրանսիայի ԱԳ նախարար

11:30 - 16/սեպտեմբերի/2024

Չնայած Ռուսաստանի ճնշումներին և ակնհայտ թշնամանքին՝ Հայաստանը շաունակում է իր ուղին դեպի ժողովրդավարություն և ազատություն։ Այս մասին Երևան այցի ընթացքում ՀՀ ԱԳ նախարար Արարատ Միրզոյանի հետ համատեղ ասուլիսում ասաց Ֆրանսիայի արտգործնախարար Ստեֆան Սեժուրնեն։

«Դուք միշտ կարող եք ապավինել մեր աջակցությանը ժողովրդավարական արժեքների պաշտպանության հարցում, մենք աջակցում ենք բոլոր երկրներին, ովքեր պայքարում են հանուն այդ արժեքների։ Ֆրանսիան միշտ ձեր կողքին է։ Ֆրանսիայում քիչ են այն թեմաները, որոնց շուրջ համաձայնություն կա քաղաքական ուժերի միջև։ Հայաստանը նման սակավաթիվ թեմաներից է, ահա ինչու Ֆրանսիայի քաղաքական, մարզային առաջնորդներ հաճույքով ու սիրով են գալիս Հայաստան»։

Նախարարը նաև նշեց, որ իրենք աջակցում են նաև Խաղաղության պայմանագրի ստորագրմանը։ «Այդ պայմանագիրը արդար ու կայուն խաղաղություն կհաստատի հարգելով սուվերենությունը և 2 երկրների տարաքային ամբողջականությունը»։

Նա նաև հայտնեց, որ աջակցում են նաև 2 երկրների սահմանազատման գործընթացին։ «Կարծում ենք, որ Հարավային Կովկասը պետք է դառնա խաղության և համագործակցության մի շրջան, որը հնարավորություն կտա առևտրի զարգացում։ Քանի որ Ադրբեջանը պատրաստվում է հյուրընկալել COP29-ը, ապա նրա պատասխանատվությունն է ցույց տալ, որ ցանկանում է հասնել այդ խաղաղոսւթյան՝ նախքան COP29-ը, կարծում եմ, պետք է կարողանանք առաջ գնալ շատ արագ»։