Ալեն Սիմոնյանին կփոխարինի Ռուբեն Ռուբինյանը

ՀՀ ԱԺ նախագահ Ալեն Սիմոնյանը չի մեկնի Սանկտ Պետերբուրգ, սակայն Հայաստանը կմասնակցի ԱՊՀ միջխորհրդարանական վեհաժողովի խորհրդի նիստերի աշխատանքներին։
«ԲՐԻԿՍ (BRICS) խորհրդարանական ֆորումին եւ ԱՊՀ միջխորհրդարանական վեհաժողովի խորհրդի նիստերի աշխատանքներին մասնակցելու համար 2024 թվականի հուլիսի 10-13-ը Սանկտ Պետերբուրգ գործուղել Ազգային ժողովի նախագահի տեղակալ Ռուբեն ՌՈՒԲԻՆՅԱՆԻՆ, Ազգային ժողովի պատգամավորներ Ալեքսեյ ՍԱՆԴԻԿՈՎԻՆ, Գեղամ ՆԱԶԱՐՅԱՆԻՆ, պատվիրակության քարտուղար, Ազգային ժողովի աշխատակազմի արտաքին կապերի վարչության միջազգային կազմակերպությունների բաժնի գլխավոր մասնագետ Սոֆյա ՄՆԱՑԱԿԱՆՅԱՆԻՆ, ինչպես նաեւ Ազգային ժողովի աշխատակազմի արարողակարգի վարչության այցերի եւ ընդունելությունների կազմակերպման բաժնի գլխավոր մասնագետ Էդուարդ ԿԱՐԱՊԵՏՅԱՆԻՆ»,- նշված է Ալեն Սիմոնյանի այսօր ստորագրած կարգադրության մեջ: