Երեւանի հանդեպ բոլոր պարտավորություններն ուժի մեջ են մնում. ՀԱՊԿ գլխավոր քարտուղար
Հավաքական անվտանգության պայմանագրի կազմակերպությունը (ՀԱՊԿ) ակնկալում է, որ Հայաստանը պաշտոնապես կպարզաբանի Հայաստանի կարգավիճակը կառույցում։ Այս մասին լրագրողներին հայտնել է ՀԱՊԿ գլխավոր քարտուղար Իմանղալի Տասմագամբետովը կազմակերպության արտաքին գործերի նախարարների խորհրդի նիստի շրջանակում, տեղեկացրել է «ՌԻԱ Նովոստի»-ն։
«Հայաստանը եղել եւ մնում է ՀԱՊԿ գծով մեր դաշնակիցը, եւ մեր բոլոր պարտավորությունները Հայաստանի առջեւ պահպանվում են։ Իսկ ահա կազմակերպությանն անդամակցության հարցը երկրի ինքնիշխան իրավունքն ու որոշումն է»,- ասել է նա։