Հայաստանի ժողովրդի ուղեղը լվացել են, ինչպես ուկրաինացիների․ Միխայիլ Շահնազարով

Ռուս լրագրող և մեդիա մենեջեր Միխայիլ Շահնազարովը Alpha News-ին տված հարցազրույցում կիսվել է Հայաստանում տեղի ունեցող բողոքի ցույցերի վերաբերյալ իր դիտարկումներով, ինչպես նաև հիասթափեցնող կանխատեսումով՝ Հայաստանի ղեկավարության կողմից Ադրբեջանին ավելի ու ավելի շատ տարածքներ հանձնելու վերաբերյալ։

«Գիտե՞ք, հիշում եմ, երբ մանուկ հասակում, պատանեկության տարիներին լինում էի հայկական ընտանիքներում, ուշադրություն էի դարձնում Վազգեն կաթողիկոսի դիմանկարին, նա գրեթե ամեն բնակարանում էր։ Երբ փոքր էի, հարցրի՝ ո՞վ է նա, ինձ բացատրեցին, որ նա Հայ Առաքելական եկեղեցու առաջնորդ Վազգեն Կաթողիկոսն է։ Հայ եկեղեցու առաջնորդի նկատմամբ հարգանքն անսահման էր։ Այդ դիմանկարը կար յուրաքանչյուրի տանը: Ժամանակի ընթացքում, ինչպես հասկացա, դաստիարակության գործընթացները, երիտասարդներին ինչ-որ անառարկելի ճշմարտություններ հասցնելու գործընթացները ձախողվեցին Փաշինյանի նմանների շնորհիվ։ Եթե նա իրեն թույլ է տալիս այդպես դիմել հոգևորականին․.. Ես տեսել եմ նրա շրջապատը, նրանք մարդիկ են, որոնք ոչ մի դեպքում չեն մարմնավորում հայ ժողովրդին»,-ասել Է Շահնազարովը։

Նրա խոսքով՝ դա խոսում է այն մասին, որ Փաշինյանն ու իր թիմը կարծում են, թե կարելի է անհարգալից վերաբերմունք ցուցաբերել հոգևորականների նկատմամբ:

«Այսինքն, նա հասկանում է, որ ինչ-որ տեղ կարելի է թույլ տալ հանդուրժել նման վերաբերմունքը հոգևորականների նկատմամբ։ Ուրիշ ինչպե՞ս կարելի է դա բացատրել։ Համոզված եմ, որ եթե խորհրդային տարիներին ինչ-որ մեկն իրեն թույլ տար նման վարքագիծ քահանաների նկատմամբ, ապա շատ արագ կզբաղվեին նրա հարցերով։ Այդքանը։ Իսկ հիմա վարչապետն իրեն թույլ է տալիս բացահայտ լկտի արտահայտություններ, իրեն թույլ է տալիս նման վարքագիծ դրսևորել»,-նշել է Շահնազարովը։

Ըստ Alpha News-ի զրուցակցի՝ հայ ժողովուրդը չափազանց մեծ համբերություն ունի, և դա բխում է նրանից, որ ժողովրդի գիտակցությունը ակտիվորեն շահարկվում է։

«Եթե հայ ժողովուրդը դա հանդուրժում է, ապա ես հարց ունեմ ժողովրդին՝ որքանո՞վ է անսահման այս համբերությունը։ Հիմա գնաց, իսկապես սրբի դեմ գնաց։

Ես խորհուրդ կտայի հայերին, որոնք նրա կողքին են, դիտել տեսանյութեր Ուկրաինայից։ Հիշեք, թե ինչպես էին նրանք բղավում․ «Մենք թույլ չենք տա, որ մոտենան Լավրային»: Հիշեք, թե ինչպես էր հայտնի բռնցքամարտիկ Ալեքսանդր Ուսիկը ասում՝ «Ես կրծքով կկանգնեմ նրանց առջև»: Այժմ նա կրծքով կանգնած է բոլորովին այլ խորհրդանիշների և գաղափարների համար: Պաշտպանեցի՞ն նրանք արդյոք Լավրան: Ո՛չ, Լավրան պղծված է»,-ասում է մեդիամենեջերը։

Այնուհետև նա հավելել է․ «Փաշինյանը հասկացավ, որ բռնել է իր խաղը։ Նա մտածում է. «Ինձ սրա համար ներեցին, նրա համար ներեցին, ներեցին Ադրբեջանի հետ սիրախաղի համար, ներեցին ինձ Ադրբեջանի հետ հարաբերություններում վախկոտ պահվածքի համար, ներեցին ինձ մի ստորության համար, ներեցին ինձ լկտիության համար, ինչը նշանակում է, որ դրա համար էլ կներեն։ Ի դեպ, գիտեք, ոչինչ չի խոսում այն մասին, որ նրան այս հայտարարություններից հետո պարզապես կտոր-կտոր են անելու ինչ-որ հրապարակում։ Լավ, ես սկզբունքորեն հասկանում եմ, որ սա քաղաքականապես կոռեկտ չէ, բայց որտե՞ղ է հայ ժողովրդի հավատը, եթե նման բան թույլ են տալիս։

Ադրբեջանի կողմից կլինի ագրեսիա։ Եվ լուրջ ագրեսիա կլինի։ Ասենք, որ ես բազմիցս ասել եմ, որ այս գործառույթները, որոնք լիմիտրոֆների գլխին են դնում՝ փոքր այնպիսի պետություններ, ինչպիսիք են Լատվիան, Լիտվան, Էստոնիան, Մոլդովան, նույնը, իմիջիայլոց, Հայաստանի նման փոքր պետության, թքած ունեն իրենց ժողովրդի վրա, թքած ունեն տարածքի վրա, թքած ունեն բացարձակապես ամեն ինչի վրա: Սորոսը նրանց սովորեցրել է այսպես։ Այժմ դասավանդելու է Սորոսի որդին՝ Ալեքսանդրը, որը շարունակելու է հայրիկի գործը:

Հետևաբար, այդ գյուղերը միայն սկիզբն են։ Եվ հայտարարություններն այն մասին, որ ՀԱՊԿ երկու երկիր մասնակցել է Հայաստանի դեմ պատերազմի նախապատրաստությանը։ Դա նույնպես նույն օպերայից է։ Նա ստում է, իսկ ստում է, որ Հայաստանի ժողովրդին տրամադրի Ռուսաստանի դեմ։ Իսկ Հայաստանի ժողովրդի ուղեղը լվացել են ոչ ավելի վատ, քան Ուկրաինայի ժողովրդի ուղեղը»։

Անդրադառնալով Ռուսաստանի կողմից Հայաստանի շահերին դավաճանելու մասին ակնարկներին՝ նա մեղադրողներին կոչ է արել «սովորել նյութը և ավելի քիչ լսել արտասահմանյան կուրատորներին»։

«Ձեզ շրջապատում է Ադրբեջանը, Թուրքիան, ոչ բարեկամ Վրաստանը։ Լավ, ինչպե՞ս կարելի է գոռալ, որ թշնամին Ռուսաստանն է։ Դե, ի վերջո, կարդացեք պատմությունը: Կարդացեք պատմությունը կոմիքսներում: Պետք չէ այդքան խորը սուզվել:

Երբ նման բնույթի հայտարարություններ են արվում, լավ կլինի նայել այն ապացույցներին, որոնք նա չունի։ Նա իրեն պահում է շուկայի բամբասող կնոջ պես. «Ես տեղեկություն ունեմ», «Լավ, տրամադրիր» և այլն։ Գիտե՞ք, թե որտեղից է այդ տեղեկությունը՝ բրիտանական MI6-ից։ Ասել է՝ «Գնա ասա, որ Ռուսաստանն ու Բելառուսը քո դեմ օգնել են Ադրբեջանին ինտերվենցիա պատրաստել»։ Նա գնաց ու ասաց։ Նրա համար MI6-ը հեղինակություն է: Գումարած գործիք՝ նրա վրա ազդելու համար: Նա վախենում է նրանցից, ինչպես շները»,-եզրափակել է Շահնազարովը։

դիտվել է 1612 անգամ
Լրահոս
Ողջ հանրապետությունով մեկ ժողովուրդը հրաժարվում է բարևել կամ շփվել որևէ ոստիկանի հետ․ Բագրատ Սրբազանի հորդորը մեծ արձագանք է ստացել Նիկոլ Փաշինյանը նոր առաջարկ է ներկայացրել Ադրբեջանին Հունիսի 12-ի հրահանգները տրվել են ԱԺ-ի ներսից՝ գլխավոր ստախոսի գլխավորությամբ․ Բագրատ Սրբազան Օ’Բրայենի «անկեղծությունը» Հարութին Զիմզիմովին սեռդեչնի պռիվետ ուղարկողները Բաղրամյան պողոտայի գործով ձերբակալված բոլոր 27 անձինք ազատ արձակվեցին Երևանի Էրեբունու ՁՊՎ-ից ազատ արձակվեց լեգենդար հրամանատար Աշոտ Երկաթը Էրեբունու ՁՊՎ-ից ազատ են արձակվում հունիսի 12-ի գործով ձերբակալվածները Եղվարդի ՁՊՎ-ում պահվող քաղաքացիներն ազատ արձակվեցին Հատուկ ռազմական գործողության գոտում լսում էինք Ձեր ելույթը, որը բավարար ուժ տվեց մեզ. Անդրանիկ Գասպարյանը՝ Վլադիմիր Պուտինին Մեկնարկել է ԼՂ-ից տեղահանվածների բնակարանային ապահովման առցանց դիմումների ընդունման գործընթացը gg ընկերության նկատմամբ իրականացվողը քաղաքական պատճառ ունի եւ միտված է խոշոր ընկերության սնանկացմանը. Բաբայան Չեռնոգորիայի հավաքականի դարպասապահը հանկարծամահ է եղել 26 տարեկանում ԱՄՆ-ը 1,5 մլրդ դոլար կհատկացնի Ուկրաինային հումանիտար և էներգետիկ նախագծերի համար ԱԱԾ-ն առավել ակտիվ արցախցիներին հրավիրում է ծառայության շենք և տեղում հորդորում, իսկ ոմանց՝ նաև պահանջում ընդհանրապես չմասնակցել Հայաստանում կազմակերպվող հավաքներին. Ռոման Երիցյան Ի՞նչ է հայտարարագրել ՆԳՆ ոստիկանության Տավուշի մարզային վարչության պետ Արթուր Մկրտչյանը Առաջացել է GG ընկերությանն առնչվող 3 հասցեում խուզարկություններ իրականացնելու անհրաժեշտություն. ՔԿ Խոշոր ավտովթար` Արմավիրի մարզում. 4 մարդ վիրավոր է Աղետի գոտում տուժածները դեռ փոխհատուցում չեն ստացել. Armlur Իշխանությունն իր առաջ Արմենին հնարավորինս երկար ազատությունից զրկելու խնդիր է դրել. 37թիվ․ Աբրահամյան Նույն ժամին ԱԺ-ում իշխող վարչախմբի և նրա պարագլխի անհավասարակշիռ և սադրիչ ելույթները նպատակաուղղված էին էլ ավելի բորբոքել իրավիճակը փողոցում Աննա Հակոբյանը սկսել է մեծ գումարներ պահանջել խոշոր բիզնեսի ներկայացուցիչներից․ «Սրբազան պայքար» ԵՄ-ն Ադրբեջանից գազ է աղերսում՝ ռուսական գազը փոխարինելու համար․ Ամերիկյան Politico գործակալության անդրադարձը Արդեն ձերբակալվել է ՀՅԴ 13 անդամ, այդ թվում 2 կին. Գառնիկ Դանիելյան Արցախցիներս ոչ միայն տուն ենք կորցրել, այլ ամենաթանկը՝ հայրենիք, մարդկային կյանքեր. դրանք որևէ կերպ չեն կարող փոխհատուցվել
Ամենաընթերցվածները
Շուտով
Հունիսի 13-ին, ժամը 14:00-ին Հայելի ակումբի հյուրն է քաղաքական գործիչ Ռուբիկ Հակոբյանը Հունիսի 13-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հունիսի 12-ին՝ ժամը 12։00-ին, Հայելի ակումբի հյուրն է Արմինե Ադիբեկյանը Հունիսի 12-ին՝ ժամը 11։00-ին, Հայելի ակումբի հյուրն է Լարիսա Ալավերդյանը Հունիսի 11-ին՝ ժամը 14։30-ին, Հայելի ակումբի հյուրն է Վոլոդյա Հովհաննիսյանը Հունիսի 11-ին՝ ժամը 16։00-ին, Հայելի ակումբի հյուրն է Անահիտ Մութաֆյանը Հունիսի 11-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը Հունիսի 11-ին՝ ժամը 12։00-ին, Հայելի ակումբի հյուրն է Հովհաննես Իշխանյանը Հունիսի 11-ին՝ ժամը 16։30-ին, Հայելի ակումբի հյուրն է Տիրան Լոքմագօզյանը Հունիսի 11-ին՝ ժամը 14։00-ին, Հայելի ակումբի հյուրն է Խաչիկ Մանուկյանը
Հետևեք մեզ Viber-ում https://cutt.ly/5wn8sJBS
Hayeli.am