Պուտինը և Լուկաշենկոն Մինսկում բանակցություններ են վարում նեղ կազմով
![Պուտինը և Լուկաշենկոն Մինսկում բանակցություններ են վարում նեղ կազմով](/timthumb.php?src=/disc/24-05-24/f508ae8bfb70bc2f6c527e279b8fe6f8.jpg&w=708)
ՌԴ նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն բանակցություններ են վարում նեղ կազմով: Այդ մասին «Արմենպրես»-ը տեղեկանում է «ՌԻԱ Նովոստի» գործակալությունից։
Բանակցություններն անցկացվում են Մինսկի Անկախության պալատում։ Այնուհետև պետությունների ղեկավարները բանակցությունները կանցկացնեն ընդլայնված կազմով։
Պուտինը պաշտոնական այցով Բելառուս է ժամանել մայիսի 23-ի ուշ երեկոյան։ Ռուսաստանի Դաշնության նախագահի ինքնաթիռը վայրէջք է կատարել Մինսկի օդանավակայանում. Ռուսաստանի ղեկավարին դիմավորել է Լուկաշենկոն: Նրանք հանդիպում են անցկացրել օդանավակայանում, իսկ այնուհետև շփումը շարունակել ոչ պաշտոնական մթնոլորտում: