Իշխան Գևորգյանը 72 ժամ նստացույցից հետո կշարունակի քաղաքական ակցիան
Երեկ ժամը 18:00 ին, լրացավ իմ կողմից նախօրոք հայտարարված 72 ժամյա նստացույցի ժամկետը` ՀՀ կառավարության շենքի դիմաց։ Այս մասին գրել է կառավարության շենքի դիմաց արդեն 3-րդ օրը նստացույց անող ազատամարտիկ Իշխան Գևորգյանը:
«Ես երեք օր ու գիշեր (անկախ եղանակային պայմաններից) շուրջս հավաքեցի ֆորմալ և ոչ ֆորմալ քաղաքական և քաղաքացիական շարժման ներկայացուցիչների, հայ մարդկանց որոնց հետ խոսակցության թեման մեկն էր
#ԵսՀաշտՉեմ`
Սահմանադրական կարգի տապալմանը,
Ստին,
Հայաստանի պակասմանը... և այլ մերօրյա կեղծիքներին։
Նստացույցի ավարտին, հաշվի առնելով որ արդեն ժամը 15ին, Տավուշի մեր հայրենակիցների կողմից մեկնարկեց Բագրատ Սրբազանի գլխավորած երթը դեպի Երևան, որոշվեց որ նույն նստացույցի տեղը, շարունակենք անհաշտության քաղաքացիական ակցիան, մինչև մայիսի 9-ը, մինչև Տավուշի մեր հայրենակիցների և սրբազանի ժամանումը Երևան։
Այդ նպատակով, ամենօրյա ռեժիմով հերթապահություն կսահմանվի նույն վայրում, մինչև մայիսի 9-ը։
Կարող եք գալ այդ ընթացքում կամայական ժամի:
Նաև ամեն օր, ժամը 19:30 ին սիրով սպասում ենք բոլորին, ամենօրյա թարմացումների, քննարկումների և իրար հետ խելք խելքի տալու» ։