Ձեր լեզվով եմ ասում` ձեզ խելոք պահեք, զղջացեք, ապաշխարեք. Բագրատ Սրբազանը` իշխանություններին

Այս շարժումը ձեզ համար էլ է, որ ձեզ էլ ազատագրի այս կապանքներից եւս հստակ ասում եմ, այն օրակարգը, որ մենք թելադրել ենք եւ թելադրում ենք, ճշմարտության մասին է, լայն հասարակական հաշտեցման մասին է եւ Տեր Աստծո օրհնության մասին է: Այս մասին այսօր՝ մայիսի 5-ին, Հաղարծինի վանքի բակում պատարագից հետո հավաքվածներին հայտարարեց Տավուշը հանուն հայրենիքի շարժումն առաջնորդող Բագրատ Սրբազանը:

Սրբազանն ընդգծեց` վեց տարի շարունակ մարդկանց դարձրել են ոխերիմ թշնամիներ, ատելության գործիքներ, մարդկանց դարձրել են կեղծ պրոֆիլներ, արժեք կամ գնահատական չտալով մարդուն:

«Ձեր լեզվով եմ ասում` ձեզ խելոք պահեք, պարզապես ձեզ խելոք պահեք, զղջացեք, ապաշխարեք, հեռացեք բոլոր տեսակի մեղքերից, ինքնաքննեք: Որեւէ մեկը չի կարող ոչ քար նետել, ոչ ցեխ նետել, չարիքի գործիքներից»,- ասաց Բագրատ Սրբազանը` դիմելով իշխանություններին:

 NEWS.am