Շուռնուխի նոր տները պատրաստ չեն, բայց փոխհատուցումները կտրել են․Դավիթ Գալստյան

Շուռնուխի նոր տները պատրաստ չեն, բայց փոխհատուցումները կտրել են: Այս մասին իր ֆեյսբուքյան էջում գրել է լրագրող Դավիթ Գալստյանը:

«Անցած տարի կառուցման ժամկետների հերթական երկարաձգումից հետո (մինչև 2023-ի վերջ) կառավարությունն էլ երկարաձգեց ամենամսյա «օգնությունը» (68 հազ)։
«Հաշվի առնելով, որ բնակելի թաղամասի կառուցման աշխատանքները երկարաձգվել են, Քաղաքաշինության կոմիտեն առաջարկել է հատկացվող դրամական աջակցության տրամադրման ժամկետները ևս երկարաձգել մինչև 2023 թվականի դեկտեմբեր ամիսը՝ ներառյալ»:
* Դրանից հետո կառուցումը էլի (6-րդ անգամ) երկարաձգել էին՝ մինչև 2024 թ. ապրիլի 1։
* Մինչև հիմա տները չեն փոխանցել բնակիչներին։
* Փոխհատուցում / «օգնություն», ստեղ-ընդեղ (ու վարձով) ապրող գյուղացիները 2024 թ.-ից չեն ստանում»,- գրել է նա։

Հիշեցնենք, որ Նիկոլ Փաշինյանը ապրիլի 21-ին, 2021թվականի՝ իր ավտոշարասյունով հեռացավ՝ անտեսելով շուռնուխցիներին, որոնք մի քանի ժամ կանգնած էին ճանապարհին ու սպասում էին վարչապետին, որ բարձրացնեն իրենց հուզող հարցերը։ Ոստիկանները պատ էին կազմել, որպեսզի Փաշինյանի ավտոշարասյունն անարգել անցնի։ Բարկացած շուռնուխցիները ձվերով հարվածել էին Փաշինյանի ավտոշարասյանը։