ՇՏԱՊ. Այս պահին լարված վիճակ է Ալավերդու ճանապարհին. ոստիկանները հրելով հեռացնում են մեքենաները
Այս պահին լարված վիճակ է Ալավերդու ճանապարհին։ Ոստիկանությունը ուժ է գործադրում խաղաղ ակցիայի մասնակիցների նկատմամբ՝ թույլ չտալով իրացնել խաղաղ հավաքների իրենց սահմանադրական իրավունքը։
Բնակիչները դեմ են իշխանությունների նախաձեռնած ապօրինի սահմանազատմանը, որով նախատեսվում է 4 գյուղ, այդ թվում տներ ու գերեզմաններ հանձնել թշնամուն։
Մի շարք բնակիչներ արդեն երեք օր է, ինչ փակել են Հայաստան-Վրաստան միջպետական ճանապարհի՝ Կիրանց-Ոսկեպար հատվածը, իսկ այսօր տարբեր ակցիաներ են տեղի ունեցել նաեւ Տավուշի այլ բնակավայրերում։ Անհամեմատ մեծ թվով ոստիկանական ուժեր են կուտակվել դեպի Բագրատաշեն տանող ճանապարհին, նրանց թվում՝ կարմիր ու սեւ բերետավորներ։
Տեսախցիկները ֆիքսել են, թե ինչպես են ոստիկանները ուժ գործադրում խաղաղ ակցիայի մասնակիցների նկատմամբ, հրելով ու վնասելով հեռացնում մեքենաները։