Հայաստանին վերապահված է միայն գործիքի դեր, որով ԱՄՆ-ն ու ԵՄ-ն ցանկանում են նոր մեծ կրակ վառել. Զախարովա
«Նախկինում Երևանում հրապարակավ վստահեցնում էին, որ արևմտյան երկրների հետ համագործակցության զարգացումն ուղղված չէ երրորդ երկրների դեմ։ Մենք, հաշվի առնելով այս գործոնները, ակնկալում ենք Հայաստանի իշխանությունների հստակ արձագանքը հայտնված տեղեկատվությանը»,- ասել է ՌԴ ԱԳՆ պաշտոնական ներկայացուցիչ Մարիա Զախարովան
Նրա խոսքով՝ ակնհայտ է, որ և՛ Բրյուսելը, և՛ Վաշինգտոնը նպատակ են դրել ոչնչացնել Հայաստանի և Ռուսաստանի միջև կապերի ողջ զանգվածը՝ թե՛ անվտանգության, թե՛ տնտեսական ոլորտում, խաթարել ՀԱՊԿ-ի և ԵԱՏՄ-ի վրա հիմնված տարածաշրջանային անվտանգության և գործընկերության մեխանիզմները։
Զախարովայի խոսքով՝ Հայաստանին վերապահված է միայն գործիքի դեր, որով ԱՄՆ-ն ու ԵՄ-ն ցանկանում են նոր մեծ կրակ վառել։