Կրեմլը վերջին նախազգուշացումն արեց Երևանին

Մոսկվան Բաքվի հետ որոշակի աշխատանքներ է տանում, արդեն` դատարկված Արցախի պայմաններում:

Ինչպե՞ս պետք է ռուս խաղաղապահները մնան Արցախում, երբ բնակչությունը դուրս եկավ Արցախից:

Ինչպե՞ս է Մոսկվան համոզելու Ալիևին, որ պետք է մնա Արցախում, երբ չկան Արցախի բնակիչները...

Ադրբեջանի արտաքին գործերի նախարար Ջեյհուն Բայրամովն ընդունել է ՌԴ նախագահի խորհրդական Ռուսլան Էդելգերիևին։ Հանդիպմանը, մասնավորապես, քննարկվել է Ղարաբաղում տիրող իրավիճակը, հայտնում է Ադրբեջանի ԱԳՆ-ն, հավելելով, որ հանդիպմանը քննարկել է Ադրբեջանի և Ռուսաստանի միջև ներկայիս համագործակցությունը, ներառյալ շրջակա միջավայրի պաշտպանության ոլորտում գործընկերության հնարավոր հեռանկարները, տարածաշրջանում ներկայիս իրավիճակը՝ «հակաահաբեկչական միջոցառումներից հետո»։

Ըստ Ադրբեջանի տարածած հաղորդագրության՝ կողմերը մտքեր են փոխանակել մարդասիրական օգնության հարցերի շուրջ։ Բացի այդ, «Բայրամովը տեղեկացրել է ընթացող զինաթափման գործընթացի, Ղարաբաղի հայ բնակիչների կարիքները բավարարելու համար ձեռնարկված միջոցառումների, վերաինտեգրման ինտենսիվ բանակցությունների մասին»։ Հանդիպմանը մտքեր են փոխանակվել փոխադարձ հետաքրքրություն ներկայացնող այլ հարցերի շուրջ ևս։

Հայ-ադրբեջանական խաղաղության պայմանագրի ստորագրման հարցը շարունակում է արդիական մնալ

Հայաստանի և Ադրբեջանի միջև խաղաղության պայմանագրի ստորագրման հարցը շարունակում է արդիական մնալ՝ չնայած հունվարի 1-ին Լեռնային Ղարաբաղի հանրապետության գոյությունը դադարեցնելու որոշմանը։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Նա հավելել է, որ Տրանսպորտային կապերի և լոգիստիկայի զարգացումը կարևոր է Ռուսաստանի, Հայաստանի և Ադրբեջանի համար, Մոսկվան հույս ունի շարունակել այդ աշխատանքը։

Մոսկվան ուշադիր հետևում է «Լեռնային Ղարաբաղի շուրջ ստեղծված իրավիճակին»

Ռուսաստանում ուշադրությամբ հետևում են չճանաչված Լեռնային Ղարաբաղի հանրապետության ինքնալուծարման հետ կապված զարգացումներին և առաջին հերթին ուշադրություն են դարձնում խնդրի մարդասիրական կողմին: Այդ մասին այսօր հայտարարել է Ռուսաստանի նախագահ Վլադիմիր Պուտինի մամլո խոսնակ Դմիտրի Պեսկովը: Նրա փոխանցմամբ, Ռուսաստանը շեշտը դնելու է Ադրբեջանում Լեռնային Ղարաբաղի բնակիչների վերաինտեգրման մարդասիրական բաղադրիչի վրա:
«Մենք հաշվի ենք առնում, ուշադիր ենք: Վերահսկում ենք իրավիճակը, առաջին հերթին, իհարկե, հումանիտար ասպեկտը, այն ամենակարևորն է: Մեր խաղաղապահները շարունակում են օգնել մարդկանց: Բնակիչներից շատերը ցանկություն են հայտնում տեղափոխվել Հայաստան: Խաղաղապահները նրանց սատարում են»,- ասել է Պեսկովը։
Նրա խոսքով, հատկանշական է, որ ԼՂՀ ինքնալուծարման մասին փաստաթղթի երկրորդ կետում ասվում է, որ անհրաժեշտ է ուսումնասիրել նոր ստեղծված հանգամանքներում բնակչության վերաինտեգրման պայմանավորվածությունները: «Մենք դա բազմիցս ենք ընդգծել Բաքվի հետ մեր շփումներում և կշարունակենք ուշադրություն դարձնել խնդրի հումանիտար կողմի վրա»,- ասել է Կրեմլի խոսնակը:

ՌԴ ԱԳՆ-ը պնդում է՝ Մոսկվայի առաջարկները հաշվի չեն առնվել

Կրեմլին հայտնի չեն Միջազգային քրեական դատարանի Հռոմի ստատուտի մասին Հայաստանի առաջարկի մանրամասները, բայց բուն որոշումները համարվում են ծայրահեղ թշնամական Ռուսաստանի համար: Այդ մասին այսօր ասել է Ռուսաստանի նախագահի խոսնակ Դմիտրի Պեսկովը: «Տվյալ դեպքում ես երկկողմ պայմանավորվածությունների հասնելու մասին առաջարկի մանրամասներից տեղյակ չեմ, հայկական կողմը ներկայացրել է որոշակի փաստարկներ հօգուտ այդ ստատուտի ընդունման: Եթե Հայաստանը ստանձնի միջազգային պարտավորություններ, ապա այստեղ պետք է հասկանալ, թե ինչն է համարելու գերակշռող», - ասել է խոսնակը:

Նրա փոխանցմամբ, Հայաստանը գիտի, որ Ռուսաստանը չի միացել Հռոմի ստատուտին և գիտի, թե ինչ դժվար ընկալելի որոշումներ են ընդունվել այդ կանոնադրությամբ: «Իհարկե, սա այն չէ, ինչ մենք ողջունում ենք, բայց Հայաստանն ինքնիշխան պետություն է, մենք հուսով ենք, որ նման որոշումները բացասաբար չեն անդրադառնա մեր երկկողմ հարաբերությունների վրա: Այստեղ խոսքը կոնկրետ ստատուտի մասին է, որը մենք չենք ճանաչում, մենք դրա մասնակիցներ չենք, սակայն այդ որոշումները չափազանց թշնամական են մեզ համար», - ասել է Պեսկովը։

Ռուսաստանի արտաքին քաղաքական գերատեսչությունը, մինչդեռ, հայտարարում է, թե Երևանը հաշվի չի առել Հռոմի ստատուտի վերաբերյալ Մոսկվայի առաջարկները, և Հայաստանի կողմից դրա վավերացումը «ամենաբացասական հետևանքները կունենա երկկողմ հարաբերությունների համար»։ «Ռուսաստանը հուսով է՝ Հայաստանի Ազգային ժողովում կգտնվեն ուժեր, որոնք չեն «դակի» Հռոմի ստատուտի վերաբերյալ տոքսիկ որոշումը», - ТАСС-ի փոխանցմամբ՝ հայտարարել են գերատեսչությունում։

Հռոմի կանոնադրությունը վավերացնելու մասին օրենսդրության նախագիծն հաստատվեց Հայաստանի խորհրդարանի գլխադասային հանձնաժողովում և այն ընդգրկվել է Ազգային ժողովի հոկտեմբերի 3-ին կայանալիք նիստի օրակարգում:
Միջազգային իրավական հարցերով հայաստանյան ներկայացուցիչ Եղիշե Կիրակոսյանն ասել է, որ Հայաստանը երկկողմ համաձայնագիր է առաջարկում Ռուսաստանին և ընդգծել է, որ ստատուտի ընդունումից հետո որևէ պարագայում խոսք չի կարող լինել նախագահ Վլադիմիր Պուտինի Հայաստան կատարած այցի ընթացքում ձերբակալելու մասին:

Հիշեցնենք, որ այս տարվա մարտի 17-ին Միջազգային քրեական դատարանը Ռուսաստանի նախագահ Վլադիմիր Պուտինի և երեխաների իրավունքների հարցերով հանձնակատար Մարիա Լվովա-Բելովային կալանավորելու որոշում է ընդունել՝ Ուկրաինայում կատարված հանցանքների համար: Մոսկվան խստորեն դատապարտել է այդ որոշումները և դրանք սադրանք է անվանել: Հայաստանի վարչապետ Նիկոլ Փաշինյանը մի քանի առիթներով հավաստիացրել է, որ Հռոմի ստատուտի ընդունումը կապ Հայաստանի և Ռուսաստանի հարաբերությունների հետ և առնչվում է միայն Հայաստանի անվտանգության խնդիրներն:

Հայաստան-Ադրբեջան խաղաղության պայմանագրի ստորագրումը, Մոսկվան, հույս ունի, որ կստորագրվի իր հովանու ներքո: Ու այս անորոշ վիճակում պաշտոնական Երևանը Հռոմի ստատուտի ընդունման է գնում, այն պայմաններում, երբ Մոսկվան դա ուղիղ սպառնալիք է համարում հայ-ռուսական հարաբերությունների համար:

Մոսկվայի վերջին խոսքը ասված է, որևէ անզգույշ քայլը Հայաստանից կողմից կարող է, իսկապես, ճակատագրական լինել Հայաստանի պետության համար:

Մետաքսյա Շալունց

դիտվել է 294204 անգամ
Լրահոս
Հեռացնենք Նիկոլին, որ Հայաստանը մնա․ Վահագն Չախալյանը ազատվեց տնային կալանքից Իշխան Սաղաթելյանը Բելգիայում բարձրացրել է արցախահայության վերադարձի իրավունքի հարցը Ադրբեջանական զինված ծառայողները որոշ հատվածներում Հայաստանի տարածքում են․ ՀՀ նախկին ՄԻՊ-ի ահազանգը Հայաստանը ոչ մի խոսք չունի ասելու միջազգային ասպարեզում, ամեն ինչ ասում են մեզ. Բագրատ սրբազան Իրանում հայտարարել են միջուկային գործարքը վերսկսելու պատրաստակամության մասին Մարտի 1-ը և հունիսի 12-ը ունեն մեկ ընդհանրություն. երկու դեպքում էլ մեղավորը Փաշինյանն է. Մամիջանյան Իսրայելը Գազայի հումանիտար գոտու մի մասից մարդկանց տարհանման հրահանգ է տվել 2024թ. 1-ին կիսամյակում ՀՀ ներքին պետական պարտքն առաջին անգամ գերազանցել է արտաքին պարտքը Նեթանյահուն մեկնել է Վաշինգտոն Հանրապետության 47 հասցեում գտնվող շենքի վարձակալության համար հայտարարվել է մրցույթ Երևանում տղամարդը կանգնեցրել է Արամ Խաչատրյան փողոցով երթևեկող մեքենան ու 4 կրակոց արձակել 35-ամյա վարորդի ուղղությամբ. ՔԿ Լիտվան աջակցություն է հայտնել Հայաստանի հետ ԵՄ կապերի ամրապնդմանը ՀՀ-ին ռազմական օգնություն ուղարկելու ԵՄ որոշումը վտանգավոր քայլ է, ծառայում է ՀՀ-ի հետ հարաբերություններում լարվածության սրմանը․ Ադրբեջանի ԱԳՆ «Իրանը Եվրոպայից սպասում է կամքի և կենսունակության ցուցիչ, որտեղից այն ստանա, հենց դա էլ «կհամարի» Եվրոպա»․ Հակոբ Բադալյան Ուկրաինայում շուրջ 3800 բանտարկյալ է ազատ արձակվել բանակում ծառայելու համար. Guardian Էլ քանի՞ նման դեպք պետք է լինի, որ արգելեն 30-ից 60-ամյա այս մեքենայի շահագործումը. Դավիթ Խաժակյան Վրաստանում հետերկրաշարժյան ցնցումներ են գրանցվել Քաղաքաշինության կոմիտեն պետական մասնակցությամբ ՍՊԸ-ից 30 միլիոն 780.000 դրամով հրատապ գնում է արել․ 168․am Մնում է մի քթկալ կապի ու ասի՝ չխոսկան եմ․․․ Դատարանն Ուսպենսկայային պարտավորեցրել է Կիրկորովին շուրջ 280․000 ռուբլի վճարել Խոշոր ավտովթար՝ Երևանում․ 3 հոգի տեղափոխվել է հիվանդանոց Գոնե ինքնակենսագրությունդ գրի, հասկանանք՝ ով ես, ինչացու ես․․․ Վթար՝ Նոր Գեղի-Արգել ավտոճանապարհին․ տուժածներ կան Օդի ջերմաստիճանը կբարձրանա Կիրանցի 7 բնակիչ հրաժարվել է դրամական փոխհատուցումից․ լրագրող
Ամենաընթերցվածները
Շուտով
Հուլիսի 23-ին՝ ժամը 16։30-ին, Հայելի ակումբի հյուրն է քաղաքագետ Ստեփան Հասան-Ջալալյանը Հուլիսի 23-ին՝ ժամը 15։00-ին, Հայելի ակումբի հյուրն է Կարապետ Մինասյանը Հուլիսի 23-ին՝ ժամը 14։00-ին, Հայելի ակումբի հյուրն է Բենիամին Մաթևոսյանը Հուլիսի 23-ին՝ ժամը 13։00-ին, Հայելի ակումբի հյուրն է Վոլոդյա Հովհաննիսյանը Հուլիսի 23-ին՝ ժամը 11։00-ին, Հայելի ակումբի հյուրն է Ռուզան Ադանալյանը Հուլիսի 22-ին՝ ժամը 16։00-ին, Հայելի ակումբի հյուրն է Հայկ Այվազյանը Հուլիսի 22-ին՝ ժամը 14։00-ին, Հայելի ակումբի հյուրն է Արամ Սարգսյանը Հուլիսի 22-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հուլիսի 22-ին՝ ժամը 12։00-ին, Հայելի ակումբի հյուրն է Մետաքսե Հակոբյանը Հուլիսի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Հետևեք մեզ Viber-ում https://cutt.ly/5wn8sJBS
Hayeli.am