Վարորդը ոչ սթափ վիճակում դիմել է փախուստի. սկսվել է հետապնդում. Նա հարվածել է ոստիկանական մեքենային
![Վարորդը ոչ սթափ վիճակում դիմել է փախուստի. սկսվել է հետապնդում. Նա հարվածել է ոստիկանական մեքենային](/timthumb.php?src=/disc/18-09-23/598233af117d72a0e232d15f5ab26b39.jpg&w=708)
Սեպտեմբերի 17-ին, գիշերվա ժամը 2-ի սահմաններում, ծառայություն կատարելու ժամանակ Տավուշի պարեկները, Իջևանի Մետաղագործների փողոցում կանգնեցրել են «Օպել» մակնիշի մի մեքենա: Վարորդը, սակայն, չի ենթարկվել իրենց կողմից տրանսպորտային միջոցը կանգնեցնելու օրինական պահանջին:
Ոստիկանությունից հայտնում են, որ սոկսվել է հետապնդում, և օգնության հասած ևս երկու կարգախմբերի հետ մեքենան կանգնեցվել է: Այս անգամ էլ «Օպելի» վարորդը, փորձելով դիմել փախուստի, մեքենան հետընթաց վարել ու հարվածել է պարեկային ծառայողական մեքենային:
35-ամյա վարորդը, որ գտնվում էր ալկոհոլի ազդեցության տակ, ձերբակալվել և, մեքենայով հանդերձ, տեղափոխվել է ոստիկանության Իջևանի բաժին:
Տավուշի մարզային քննչական վարչությունում սեպտեմբերի 17-ին նախաձեռնված քրեական վարույթի շրջանակներում վարորդը ձերբակալվել և տեղափոխվել է ձերբակալվածների պահման վայր: