Նոր զգուշացում Մոսկվայից Փաշինյանին և դեմարշ` ընդդեմ Ադրբեջանի

«Դա աղետալի կլինի հենց Հայաստանի համար». Ուղերձ ՌԴ-ից` Երևանին

Ռուսաստանն ակնկալում է, որ Հայաստանի ղեկավարությունն աղետալի ծրագրեր չունի երկու երկրների ժողովուրդներին գժտեցնելու համար, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ՏԱՍՍ-ին տված հարցազրույցում: «Հուսով եմ, որ դա տեղի չի ունենա: Ես անկեղծորեն հուսով եմ, որ Հայաստանի ղեկավարության մեջ ոչ ոք նման նպատակ և խնդիր չունի: Որովհետև, իմ կարծիքով, դա աղետալի կլինի հենց Հայաստանի համար», - ասել է Զախարովան:

ԱԳՆ պաշտոնական ներկայացուցիչն ասել է, թե պատմականորեն Ռուսաստանը «ոչ միայն իրեն դրսևորել է, այլև վերահաստատել է որպես Հայաստանի և հայ ժողովրդի վստահելի դաշնակից, բարեկամ, ամենամոտ գործընկեր՝ օգնության հասնելով ամենադժվարին պահերին, աջակցելով»:

Ռուսաստանը նույնպես միշտ կարողացել է ուրախանալ Հայաստանի ձեռքբերումներով և ընդունել նրա ընտրությունը, նույնիսկ երբ չի կիսել որևէ որոշում, ընդգծել է Զախարովան։ «Բայց ընդունել է, քանի որ հարգել է այդ երկրի ինքնիշխան ընտրությունը», - ասել է նա։ «Վստահ չեմ, որ Հայաստանի նկատմամբ նման վերաբերմունքից հրաժարվելը օգուտ կբերի և՛ այս երկրին, և՛ ժողովրդին»», - նշել է ՌԴ ԱԳՆ ներկայացուցիչը՝ հավելելով, թե «նման հարաբերություններ չեն կարող կառուցվել մեկ տարում կամ հինգ տարում»:

Արևելյան տնտեսական ֆորումի շրջանակում կայացած ճեպազրույցում էլ Զախարովան հայտարարել է, թե Մոսկվայի մոտ ավելի ու ավելի շատ հարցեր են ծագում՝ ուղղված Երևանին և կապված Հայաստանի վերջին գործողությունների հետ, հատկապես՝ Միջազգային քրեական դատարանի Հռոմի կանոնադրության սպասվող վավերացման լույսի ներքո։ «Ոչ թե մենք, այլ հայկական կողմն ինքը պետք է գնահատի, բացատրի Երևանի շարժառիթները։ Նրանք, ի դեպ, ներկայացրել են իրենց գնահատականները, սակայն մենք դրանք ոչ բարեկամական քայլեր ենք որակում։ Այդ մասին մենք բազմիցս ասել ենք մեր հայ գործընկերներին երկկողմ խողովակներով, որոշ պահից սկսած՝ նաև հրապարակայնորեն ,քանի որ հարցերը գնալով շատանում են», - պնդել է նա։

Անդրադառնալով Միջազգային քրեական դատարանի Հռոմի կանոնադրության՝ Հայաստանի Ազգային ժողով վավերացմանն ուղարկելուն, Ռուսաստանի ԱԳՆ մամուլի խոսնակը նշել է․ - «Դա պարզապես ինչ որ քայլ չէ։ Հայկական կողմն ակնհայտորեն հասկանում էր, որ դա մեզ մոտ հարցեր է առաջացնելու։ Դա քայլերի մի համալիր է։ [Հայաստանի] դեսպանին [Ռուսաստանի ԱԳՆ] հրավիրելու ընթացքում, երբ ներկայացնում էինք մեր բացատրությունները, խոսել ենք այդ մասին։ Խոսել ենք նաև հրապարակավ», - Մարիա Զախարովայի խոսքերն է մեջբերում ТАСС գործակալությունը։

Այսպես, Մոսկվան Պուտինի երեկվա հայտարարություններից հետո Փաշինյանին վերջին նախազգուշացումն է ուղարկում: Ակնկալիքը մեկն է` լրջորեն մտորել, հետևություններ անել, և վերջ տալ հայ-ռուսական հարաբերություններում բարդություններ առաջացնելու քաղաքականությանը:

«Մոսկվան Ադրբեջանի դեմ դիվանագիտական դեմարշ է իրականացրել»

«Մոսկվան Ադրբեջանի դեմ դիվանագիտական դեմարշ է իրականացրել՝ բողոքելով կիրակի օրը Ռուսաստանում կայացած ընտրությունների վերաբերյալ Բաքվի պաշտոնական դիրքորոշման դեմ», - Վլադիվոստոկում հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։

Ադրբեջանի ԱԳՆ-ը դատապարտել էր Ռուսաստանի կողմից բռնակցված ուկրաինական տարածքներում ընտրությունների անցկացումը։ «Նման գնահատականները անընդունելի են, դրանք չեն համապատասխանում մեր պետությունների մեջ առկա դաշնակցային հարաբերություններին», - նշել է Զախարովան՝ հավելելով, - «մենք ելնում ենք նրանից, որ Բաքուն պետք է մեր երկրի տարածքային ամբողջականության հարցերին վերաբերվի նույն հարգանքով, որով նա ակնկալում է, որ մենք պետք վերաբերվենք Ադրբեջանի Հանրապետության տարածքային ամբողջականությանը»։

Մոսկվա-Բաքու հարաբերություններում այս «նոր» դրվագը, ամենևին էլ նորություն չէ: Թե Բաքվի, թե Անկարայի դիրքորոշումները հայտնի են Ուկրաինայի տարածքային ամբողջականությունը ճանաչելու հարցում:

Ավելին, Թուրքիայի կողմից Ուկրաինային բայրաքթարներով զինելու փաստին էլ, այսպես ասած` ընդունված չէ ՌԴ-ում ուշադրություն դարձնել, սակայն, ժամանակ առ ժամանակ` Ադրբեջանի ու Թուրքիայի հրապարակային քայլերը Մոսկվային արդեն ստիպում են իրերն իրենց անունով կոչել:

Պատմության տարբեր դրվագներից դեռ հայտնի է, որ թուրքական կեղծ «բարեկամությունն» ու «խոստումները» տրված` Ռուսաստանին, ինչով են սովորաբար ավարտվել:

Իսկ պատմությունը կրկնվելու հատկություն ունի...

Մետաքսյա Շալունց

դիտվել է 3581 անգամ
Լրահոս
Հեռացնենք Նիկոլին, որ Հայաստանը մնա․ Վահագն Չախալյանը ազատվեց տնային կալանքից Իշխան Սաղաթելյանը Բելգիայում բարձրացրել է արցախահայության վերադարձի իրավունքի հարցը Ադրբեջանական զինված ծառայողները որոշ հատվածներում Հայաստանի տարածքում են․ ՀՀ նախկին ՄԻՊ-ի ահազանգը Հայաստանը ոչ մի խոսք չունի ասելու միջազգային ասպարեզում, ամեն ինչ ասում են մեզ. Բագրատ սրբազան Իրանում հայտարարել են միջուկային գործարքը վերսկսելու պատրաստակամության մասին Մարտի 1-ը և հունիսի 12-ը ունեն մեկ ընդհանրություն. երկու դեպքում էլ մեղավորը Փաշինյանն է. Մամիջանյան Իսրայելը Գազայի հումանիտար գոտու մի մասից մարդկանց տարհանման հրահանգ է տվել 2024թ. 1-ին կիսամյակում ՀՀ ներքին պետական պարտքն առաջին անգամ գերազանցել է արտաքին պարտքը Նեթանյահուն մեկնել է Վաշինգտոն Հանրապետության 47 հասցեում գտնվող շենքի վարձակալության համար հայտարարվել է մրցույթ Երևանում տղամարդը կանգնեցրել է Արամ Խաչատրյան փողոցով երթևեկող մեքենան ու 4 կրակոց արձակել 35-ամյա վարորդի ուղղությամբ. ՔԿ Լիտվան աջակցություն է հայտնել Հայաստանի հետ ԵՄ կապերի ամրապնդմանը ՀՀ-ին ռազմական օգնություն ուղարկելու ԵՄ որոշումը վտանգավոր քայլ է, ծառայում է ՀՀ-ի հետ հարաբերություններում լարվածության սրմանը․ Ադրբեջանի ԱԳՆ «Իրանը Եվրոպայից սպասում է կամքի և կենսունակության ցուցիչ, որտեղից այն ստանա, հենց դա էլ «կհամարի» Եվրոպա»․ Հակոբ Բադալյան Ուկրաինայում շուրջ 3800 բանտարկյալ է ազատ արձակվել բանակում ծառայելու համար. Guardian Էլ քանի՞ նման դեպք պետք է լինի, որ արգելեն 30-ից 60-ամյա այս մեքենայի շահագործումը. Դավիթ Խաժակյան Վրաստանում հետերկրաշարժյան ցնցումներ են գրանցվել Քաղաքաշինության կոմիտեն պետական մասնակցությամբ ՍՊԸ-ից 30 միլիոն 780.000 դրամով հրատապ գնում է արել․ 168․am Մնում է մի քթկալ կապի ու ասի՝ չխոսկան եմ․․․ Դատարանն Ուսպենսկայային պարտավորեցրել է Կիրկորովին շուրջ 280․000 ռուբլի վճարել Խոշոր ավտովթար՝ Երևանում․ 3 հոգի տեղափոխվել է հիվանդանոց Գոնե ինքնակենսագրությունդ գրի, հասկանանք՝ ով ես, ինչացու ես․․․ Վթար՝ Նոր Գեղի-Արգել ավտոճանապարհին․ տուժածներ կան Օդի ջերմաստիճանը կբարձրանա Կիրանցի 7 բնակիչ հրաժարվել է դրամական փոխհատուցումից․ լրագրող
Ամենաընթերցվածները
Շուտով
Հուլիսի 23-ին՝ ժամը 16։30-ին, Հայելի ակումբի հյուրն է քաղաքագետ Ստեփան Հասան-Ջալալյանը Հուլիսի 23-ին՝ ժամը 15։00-ին, Հայելի ակումբի հյուրն է Կարապետ Մինասյանը Հուլիսի 23-ին՝ ժամը 14։00-ին, Հայելի ակումբի հյուրն է Բենիամին Մաթևոսյանը Հուլիսի 23-ին՝ ժամը 13։00-ին, Հայելի ակումբի հյուրն է Վոլոդյա Հովհաննիսյանը Հուլիսի 23-ին՝ ժամը 11։00-ին, Հայելի ակումբի հյուրն է Ռուզան Ադանալյանը Հուլիսի 22-ին՝ ժամը 16։00-ին, Հայելի ակումբի հյուրն է Հայկ Այվազյանը Հուլիսի 22-ին՝ ժամը 14։00-ին, Հայելի ակումբի հյուրն է Արամ Սարգսյանը Հուլիսի 22-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հուլիսի 22-ին՝ ժամը 12։00-ին, Հայելի ակումբի հյուրն է Մետաքսե Հակոբյանը Հուլիսի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Հետևեք մեզ Viber-ում https://cutt.ly/5wn8sJBS
Hayeli.am