Փաշինյանական իշխանությունն անհոգնել «կոկորդիլոսի արցունքներ» է թափում

Նիկոլ Փաշինյանի ԱԳ նախարարության մամուլի խոսնակ Անի Բադալյանը, հասկանալի է, իր ղեկավարության ցուցումով, մի երկարաշունչ հայտարարությամբ հանդես եկավ, ի պատասխան ՌԴ ԱԳՆ պաշտոնական ներկայացուցիչ Մարիա Զախարովայի հայտարարության: Հիշեցնենք. Մարիա Զախարովային հիմնական հայտարարություններից մեկն այն էր, որ ստեղծված իրավիճակը հետևանք է Նիկոլ Փաշինյանի կողմից Ադրբեջանի տարածքային ամբողջականությունը ճանաչելու: Ու դա այդպես է, ըստ որում, նման գնահատական կամ ավելի ճիշտ՝ մեղադրանք Նիկոլ Փաշինյանին ուղղում էին նրա քաղաքական հակառակորդները, դրա մասին խոսում էին և խոսում են փորձագետները, մեկնաբանները: Այսինքն, այնպես չէ, թե Մարիա Զախարովան ինչ-որ մի նոր կամ անհայտ բան էր ասել: Առավել ևս, որ Ռուսաստանի ԱԳՆ-ից էլ նա առաջին ներկայացուցիչը չէ, որ նման գնահատական է տալիս: Ավելի վաղ հենց Լավրովն է նման հայտարարություն արել, մասնավորապես, որ Փաշինյանի կողմից Ադրբեջանի տարածքային ամբողջականության ճանաչումը արմատապես փոխեց իրավիճակը:

Հիմա, Մարիա Զախարովայի վերջին հայտարարությունից հետո, Նիկոլ Փաշինյանը երևի որոշել է, որ Ռուսաստանի «պորտը տեղը դնելու ժամանակն է:

Եվ, եթե հակիրճ ամփոփելու լինեք Փաշինյանի ԱԳՆ պատասխան հայտարարությունը, ապա այն հանգում է այն բանին, թե որքան վատն է, որքան անհուսալի գործընկեր ու դավաճան դաշնակից է Ռուսաստանը, որ Ռուսաստանը հետամուտ չի եղել Արցախի կարգավիճակի հարցի լուծումը առժամանակ հետաձգելու մասին իր՝ Ադրբեջանի կողմից մերժված առաջարկությունը պնդելուն, որ Ռուսաստանը այս, որ Ռուսաստանը այն:

Կարճ ասած, այն ամենի համար, որ Նիկոլ Փաշինյանի կառավարման հետևանքով Հայաստանն այս ողորմելի վիճակին է հասել, Արցախն էլ՝ ցեղասպանության առավել քան իրական սպառնալիքի տակ, ըստ ՀՀ ԱԳՆ-ի, մեղավոր է Ռուսաստանը: Ու այնպես է ՀՀ ԱԳՆ-ն ներկայացնում, որ Ռուսաստանը Նիկոլ Փաշինյանին մենակ է թողել Ադրբեջանի ու Թուրքիայի դեմ, որից հետո նրան այլ բան չի մնում, քան ճանաչել Ադրբեջանի տարածքային ամբողջականությունը:

Մի խոսքով՝ «բա ինչ աներ խեղճ Նիկոլը...» գեղջկամիտ ինքնարդարացումների շարան՝ փաթեթավորված ոչ այնքան դիվանագիտական բառամթերքով ու ձևակերպումներով:

Մյուս կողմից, Փաշինյանի ԱԳՆ-ի մեղադրական պատասխան հայտարարության մեջ անընդհատ շեշտվում է Ալմա-Աթայի՝ 1991 թվականի հռչակագիրը: Այս հռչակագրով, ի դեպ, փաշինյանական իշխանություններն արդեն իսկապես լսելիք են կոշտուկում:

Ամենից առաջ, այդ հռչակագրին Հայաստանն ու Ադրբեջանը միացել են տարբեր ժամանակներում: Երկրորդ, Հայաստանը միանալիս արել է վերապահումներ, այդ թվում՝ ինքնորոշման իրավունքի հետ կապված: Երրորդ, այնպես չէ, որ 1991-ին գրված հռչակագրի մասին 1994-2018 թվականներին ոչ ոք ոչինչ չգիտեր, բայց Նիկոլ Փաշինյանն եկավ ու այն «հանկարծ» հայտնաբերեց:

Այդ հռչակագիրը կար այդ ամբողջ ընթացքում, բայց երբեք ու երբեք ոչ մի միջնորդի, ոչ մի գերտերության, այդ թվում՝ հռչակագրի նախաձեռնող Ռուսաստանի մտքով չանցավ մեկ անգամ, օրինակի համար, Արցախի խնդրի կարգավորման գործընթացը փոխկապակցել դրա հետ: Առավել ևս՝ ԵԱՀԿ ՄԽ եռանախագահները երբեք չհիշատակեցին կամ չվկայակոչեցին այդ հռչակագիրը՝ Արցախի հիմնախնդրի կարգավորման ամենատարբեր նախագծեր ու տարբերակներ ներկայացնելիս:

Այդ հռչակագիրը մի երկու անգամ թույլ փորձեր է արել հիշատակել ադրբեջանական կողմը, բայց շատ արագ էլ հասկացել են, որ այն խիստ խոցելի է: Այսինքն, դա այնքան «անպետք» փաստաթուղթ է, որ նույնիսկ մեր թշնամին չի փորձել այն կռվան դարձնել:

Բայց մեկ էլ, հո՛պ, առաջ է գալիս Նիկոլ Փաշինյանի նման մեկը, ու կաշվից դուրս է գալիս, որպեսզի «բավարարի ադրբեջանական ժողովրդին»: Եվ այդ ամենից հետո դեռ մի բան էլ համարձակվում է ընդհանրապես որևէ մեկի հասցեին ինչ-որ բան ասել, փրփրաբերան մեղադրել, այս, այն:

Ի դեպ, կառավարության նիստում էլի Արցախի վիճակին անդրադարձավ ու հայտարարեց. «Պետք է անհոգնել առաջ մղենք Լաչինի միջանցք և Լեռնային Ղարաբաղ միջազգային փաստահավաք առաքելություն գործուղելու գաղափարը, որովհետև հատկապես հիմա դա բացարձակ անհրաժեշտություն է»:

Այսինքն, դու ելնես ու անամոթաբար հայտարարես, թե հազարամյակներով հայկական ու հայաբնակ Արցախը «ադրբեջանական տարածքային ամբողջականության մեջ» է, դու ամեն ինչ անես, որ թշնամին շրջափակի ու պաշարի Արցախը, որ թշնամին Արցախի հայությանը ցեղասպանության մատնելու հնարավորություն ստանա, հետո դրա համար մեղադրես, օրինակ, Ռուսաստանին, մի բան էլ՝ Արցախի վիճակի վրա «կոկորդիլոսի արցունքնե՞ր» թափես:

Արմեն Հակոբյան

7or.am

դիտվել է 902 անգամ
Լրահոս
Հեռացնենք Նիկոլին, որ Հայաստանը մնա․ Վահագն Չախալյանը ազատվեց տնային կալանքից Իշխան Սաղաթելյանը Բելգիայում բարձրացրել է արցախահայության վերադարձի իրավունքի հարցը Ադրբեջանական զինված ծառայողները որոշ հատվածներում Հայաստանի տարածքում են․ ՀՀ նախկին ՄԻՊ-ի ահազանգը Հայաստանը ոչ մի խոսք չունի ասելու միջազգային ասպարեզում, ամեն ինչ ասում են մեզ. Բագրատ սրբազան Իրանում հայտարարել են միջուկային գործարքը վերսկսելու պատրաստակամության մասին Մարտի 1-ը և հունիսի 12-ը ունեն մեկ ընդհանրություն. երկու դեպքում էլ մեղավորը Փաշինյանն է. Մամիջանյան Իսրայելը Գազայի հումանիտար գոտու մի մասից մարդկանց տարհանման հրահանգ է տվել 2024թ. 1-ին կիսամյակում ՀՀ ներքին պետական պարտքն առաջին անգամ գերազանցել է արտաքին պարտքը Նեթանյահուն մեկնել է Վաշինգտոն Հանրապետության 47 հասցեում գտնվող շենքի վարձակալության համար հայտարարվել է մրցույթ Երևանում տղամարդը կանգնեցրել է Արամ Խաչատրյան փողոցով երթևեկող մեքենան ու 4 կրակոց արձակել 35-ամյա վարորդի ուղղությամբ. ՔԿ Լիտվան աջակցություն է հայտնել Հայաստանի հետ ԵՄ կապերի ամրապնդմանը ՀՀ-ին ռազմական օգնություն ուղարկելու ԵՄ որոշումը վտանգավոր քայլ է, ծառայում է ՀՀ-ի հետ հարաբերություններում լարվածության սրմանը․ Ադրբեջանի ԱԳՆ «Իրանը Եվրոպայից սպասում է կամքի և կենսունակության ցուցիչ, որտեղից այն ստանա, հենց դա էլ «կհամարի» Եվրոպա»․ Հակոբ Բադալյան Ուկրաինայում շուրջ 3800 բանտարկյալ է ազատ արձակվել բանակում ծառայելու համար. Guardian Էլ քանի՞ նման դեպք պետք է լինի, որ արգելեն 30-ից 60-ամյա այս մեքենայի շահագործումը. Դավիթ Խաժակյան Վրաստանում հետերկրաշարժյան ցնցումներ են գրանցվել Քաղաքաշինության կոմիտեն պետական մասնակցությամբ ՍՊԸ-ից 30 միլիոն 780.000 դրամով հրատապ գնում է արել․ 168․am Մնում է մի քթկալ կապի ու ասի՝ չխոսկան եմ․․․ Դատարանն Ուսպենսկայային պարտավորեցրել է Կիրկորովին շուրջ 280․000 ռուբլի վճարել Խոշոր ավտովթար՝ Երևանում․ 3 հոգի տեղափոխվել է հիվանդանոց Գոնե ինքնակենսագրությունդ գրի, հասկանանք՝ ով ես, ինչացու ես․․․ Վթար՝ Նոր Գեղի-Արգել ավտոճանապարհին․ տուժածներ կան Օդի ջերմաստիճանը կբարձրանա Կիրանցի 7 բնակիչ հրաժարվել է դրամական փոխհատուցումից․ լրագրող
Ամենաընթերցվածները
Շուտով
Հուլիսի 23-ին՝ ժամը 16։30-ին, Հայելի ակումբի հյուրն է քաղաքագետ Ստեփան Հասան-Ջալալյանը Հուլիսի 23-ին՝ ժամը 15։00-ին, Հայելի ակումբի հյուրն է Կարապետ Մինասյանը Հուլիսի 23-ին՝ ժամը 14։00-ին, Հայելի ակումբի հյուրն է Բենիամին Մաթևոսյանը Հուլիսի 23-ին՝ ժամը 13։00-ին, Հայելի ակումբի հյուրն է Վոլոդյա Հովհաննիսյանը Հուլիսի 23-ին՝ ժամը 11։00-ին, Հայելի ակումբի հյուրն է Ռուզան Ադանալյանը Հուլիսի 22-ին՝ ժամը 16։00-ին, Հայելի ակումբի հյուրն է Հայկ Այվազյանը Հուլիսի 22-ին՝ ժամը 14։00-ին, Հայելի ակումբի հյուրն է Արամ Սարգսյանը Հուլիսի 22-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հուլիսի 22-ին՝ ժամը 12։00-ին, Հայելի ակումբի հյուրն է Մետաքսե Հակոբյանը Հուլիսի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Հետևեք մեզ Viber-ում https://cutt.ly/5wn8sJBS
Hayeli.am