«Նոր պատերազմ՝ նոր տարածքներ», «նոր հարցաքննություն՝ նոր նիկոլություն»

Փաշինյանական իշխանույթունն այսօր կազմակերպել էր հերթական շոուն ԱԺ այսպես կոչված «քննիչ հանձնաժողովում», որն ընդամենը 1 խնդիր է լուծում՝ պարտակել Նիկոլ Փաշինյանի ու նրա գործակիցների գործած ոճիրները կոնկրետ 2020 թվակաանի պատերազմի հետ կապված: Հիմնական խնդիրը, որ հետապնդում է բացառապես նիկոլականներով «գործող» հանձնաժողովը Նիկոլ Փաշինյանին «սպիտակ ու պուպուշ» ներկայացնելն է: Կարճ ասած՝ «ի՜նչ աներ խեղճ Նիկոլը...» փերֆեքթթիվիական մակարդակով:

Այսօր հանձնաժողով էր բերվել ավելի քան 1 տարի ու տասը ամիս կալանքի տակ գտնվող Դավիթ Տոնոյանը: Այո՛, այն անձնավորությունը, որ 2018-ին, լինելով բարձրաստիճան պաշտոնյա վազեվազ ճամբարափոխ եղավ ու շտապեց արագորեն իր ծառայությունները մատուցել «նոր տերերին»:

Արդեն պարզ է, թե Նիկոլ Փաշինյանին ինչու էր պետք «նախկիններից վերցրած» նման մեկը պաշտպանության նախարարի պաշտոնում: Պետք էր հենց նման ճամբարափոխված, անսկզբունք մեկը, ում հետո կարելի կլիներ հեշտությամբ «քավության նոխազ» դարձնել ու ներկայացնել:

Եվ ահա, պաշտպանության նախկին նախարար Դավիթ Տոնոյանն այսօր, Նիկոլ Փաշինյանի՝ Անդրանիկ Քոչարյանի անվան «քննիչ հանձնաժողովում» լիովին արդարացրեց բոլոր այն սպասելիքները, որ կարող էր ունենալ նրան մոտ 2 տարի բանտում պահող իշխանությունը:

Այստեղ էլ կարելի էր վերջակետ դնել, քանի որ պարզ է, չէ՞ թե ինչ արժեք կարող են ունենալ ինչ-որ մեկի հանձնաժողովային վկայությունները, եթե նա Նիկոլ Փաշինյանի կալանավորն է, եթե չասենք՝ պատանդը:

Այդ տեսանկյունից նույնիսկ թեթևակի ժպիտ են հարուցում մեր որոշ հայրենակիցների այն դիտարկումները, որ Դավիթ Տոնոյանը «քննիչ հանձնաժողովում» ինքնամոռաց, անձնուրաց կերպով պաշտպանում էր Նիկոլ Փաշինյանին:

Հետաքրքիր է, թե ո՞ւմ պետք է նա պաշտպաներ, եթե ոչ իր թիմակցին ու անմիջական վերադասին: «Թիմակցի» պահով էլ հետաքրքիր դրվագ եղավ: Տոնոյանն ասաց, թե ինքը Նիկոլ Փաշինյանի գլխավորած կառավարության անդամ է եղել, այլ ոչ՝ թիմակիցը: Ինչպիսի՜ նվիրվածություն:

Բայց կրկնենք՝ իսկ ո՞ւմ պիտի պաշտպաներ Դավիթ Տոնոյանը, եթե նա Նիկոլ Փաշինյանի թիմակիցն է, նրա գործակիցը՝ առնվազն 44-օրյա պատերազմի հրահրման և այդ պատերազմում կանխամտածված Հայոց բանակը պարտության տանելու ոճրագործություններում, և վերջապես՝ Նիկոլ Փաշինյանի կալանավորն է:

Մի՞թե պարզ չէր, որ նման վիճակում գտնվող, նման կախվածություն ունեցող մեկը, այն էլ՝ Դավիթ Տոնոյանի նման մեկը, որ երբեք էլ որպես քիչ թե շատ գնահատելի ֆիգուր առանձնապես աչքի չի ընկել, «քննիչ հանձնաժողովում» ընդամենը փորձելու է ա) պլստացնել Նիկոլ Փաշինյանին, բ) պլստալու տեղ ապահովել նաև իրեն համար: Ու պարզ է, որ Դավիթ Տոնոյանի հանձնաժողովային ելույթն ընդամենը կեղտոտ գործարք է փաշինյանական իշխանության հետ, բացահայտ առևտուր՝ բանտարկությունից ազատվելու ակնկալիքով:

Վերջին հաշվով, նա ավելի քան մեկուկես տարի բանտում է, այդ ի՞նչ են այդքան երկար քննում Նիկոլ Փաշինյանի «գերպրոֆեսիոնալ» քննիչները, որ այսքան ժամանակում Տոնոյանին վերաբերող գործը դատարան դեռ չի մտել:

Այնպես որ, թե այսօր նա ժամերով ինչ լոլոներ էր պատմում, ինչպես էր ինքն իրեն ու իր սիրելի Նիկոլ Փաշինյանի ասածներին հակասող բաներ ասում, միգուցե կարող է հետաքրքրել շոուների սիրահարներին կամ հայկական սերիալների գիտակներին: Ինչ վերաբերում է իրական քննությանը, ապա այդպիսին կարող է և լինել, բայց միայն այն բանից հետո, երբ Նիկոլ Փաշինյանը իշխանազրկված կլինի: Դավիթ Տոնոյանը, ի դեպ, այսօր շարունակ այն թեզն էր առաջ տանում, թե Հայաստանն անպատրաստ էր նման պատերազմի, հնարավորություններով զիջում էինք, որ իր ռազմադիվանագիտական գիտելիքներն ու կարողությունները չբավարարեցին, որ ինքը կարողանա թույլ չտալ այդ պատերազմը:

Ու ահա այդ անձնավորությունը, հիշեցնենք, գործնականում գրեթե հայտարարված օրով պատերազմի նախօրեին նստում է օդանավ բուլղարիենարում մտերիմի ծննդյան քեֆի մասնակցելու համար: Իսկ երբ վերադառնում է, խրոխտ հարցազրույց է տալիս ու հոխորոտում, թե «Նոր պատերազմ՝ նոր տարածքներ»: Այսել է թե՝ Ադրբեջանը նոր տարածքներ է կորցնելու: Դավիթ Տոնոյանն ամբողջ պատերազմի ընթացքում ծպտուն չի հանում այն մասին, որ այդ թվում իր ցուցումով իր ենթակաները կանխամտածված խաբում ու մոլորության մեջ են պահում հանրությանը, բոլոր հայերին:

Արթուր Խայթ

Աղբյուր` 7or.am

դիտվել է 240 անգամ
Լրահոս
«BMW»-ի 36-ամյա վարորդը մահացել է Բագրատ Սրբազանը պետք է շնորհակալություն հայտնի քայլիստներին ձայնագրության համար Ավտովթար՝ Սյունիքի մարզում․ «ՎԱԶ 2107»-ը կողաշրջված հայտնվել է ձորում․ կա վիրավոր 1-ին հրաժարականը՝ Հանրային հեռարձակողի խորհրդում ՌԴ-ի համար ռազմավարական պարտությունը կնշանակի նրա պետականության ավարտն․ ավելի լավ է գնալ մինչև վերջ․ Պուտին Իշխան Գևորգյանի և նրա 4 ընկերների ձերբակալումները ճանաչվել են ոչ իրավաչափ. փաստաբան Շարժումը չի կարող մարել, քանի կա ու կլինի մեր Հայ Առաքելական եկեղեցին. Արսեն Բաբայանը՝ Սուրեն Պետրոսյանին Ուժեղ քամին վնասներ է պատճառել Երեւանում և մարզերում The New York Times «Президентские самолеты Путина: что мы знаем» Առաջիկա ժամերի ընթացքում սպասվում են ինտենսիվ տեղումներ. Լեւոն Ազիզյան Ադրբեջանում ընտրությունները մի քանի ամիս շուտ անելու իմաստը 2020-ին արդեն պարզ էր, իսկ ա՞յս անգամ... «Հարսի աչքերին նյութ են փչել ու հափշտակել վզնոցը». ահազանգել է սկեսուրը Ծառի ընկնելու հետևանքով գազամատակարարումը ժամանակավորապես կդադարեցվի Վանաձորում վնասվել են շենքերի պատուհաններ Ամպային զանգվածները շարժվում են Վանաձորի և Դիլիջանի ուղղությամբ Պուտինը կարծում է, որ Արևմուտքը Զելենսկիին կփոխի 2025 թվականի առաջին կեսին Կիևում զինվորականների գերեզմաններն անարգելու կասկածանքով 60-ամյա կին է ձերբակալվել «Ավտոբուսի գործով» հաջորդ դատական նիստին փաստաբանը միջնորդություն կներկայացի ՍԴ Լոռու մարզի Վանաձոր քաղաքում այս պահին ուժգին քամի է եւ հորդառատ անձրեւ. Քամին արամատախիլ է արել հսկայական եղեւնիներ Քաջարանի քաղաքապետ Փարամազյանը, նրա կինն ու հայրը հրավիրվել են դատախազություն Սարսափելի մանրամասներ․ հունիսի 12-ին ԱԺ բերված զենքերը կիրառում են մահապարտ ահաբեկիչների դեմ (video) Կրակոցներ՝ Երևանում․ տղամարդը «Range Rover»-ով հարվածել է քաղաքացու մեքենային, կրակել և հեռացել Արարատ լեռան վրա իրանցի լեռնագնացի դի է հայտնաբերվել ՔՊ-ին աջակցող մոդելը ներխուժել է Oragir.News-ի խմբագրություն և վնասել գույքը Բայց ինչու՞ միայն աջակիցը....
Ամենաընթերցվածները
Շուտով
Հունիսի 21-ին ՝ ժամը 12։00-ին, Հայելի ակումբի հյուրն է Գառնիկ Դավթյանը Հունիսի 21-ին ՝ ժամը 13։00-ին, Հայելի ակումբի հյուրն է Թորգոմ Տեր_Մկրտչյան Հունիսի 21-ին ՝ ժամը 14։00-ին, Հայելի ակումբի հյուրն է Հայկ Այվազյանը Հունիսի 20-ին ՝ ժամը 12։00-ին, Հայելի ակումբի հյուրն է Գառնիկ Դանիելյանը Հունիսի 20-ին ՝ ժամը 15։30-ին, Հայելի ակումբի հյուրն է Սոկրատ Հովսեփյանը Հունիսի 20-ին ՝ ժամը 14։00-ին, Հայելի ակումբի հյուրն է Լիդա Առուշանյանը Հունիսի 20-ին ՝ ժամը 13։00-ին, Հայելի ակումբի հյուրն է Նաիրա Զոհրաբյանը Հունիսի 19-ին ՝ ժամը 15։00-ին, Հայելի ակումբի հյուրն է Կարապետ Մինասյանը Հունիսի 19-ին ՝ ժամը 13։00-ին, Հայելի ակումբի հյուրն է Խաչիկ Մանուկյանը Հունիսի 19-ին ՝ ժամը 14։00-ին, Հայելի ակումբի հյուրն է Միկա Բադալյանը
Հետևեք մեզ Viber-ում https://cutt.ly/5wn8sJBS
Hayeli.am