Իսրայելի վարչապետը հայտարարել է Իրանի միջուկային ծրագիրը զսպելու համար ուժ կիրառելու պատրաստակամության մասին
![Իսրայելի վարչապետը հայտարարել է Իրանի միջուկային ծրագիրը զսպելու համար ուժ կիրառելու պատրաստակամության մասին](/timthumb.php?src=/disc/09-06-23/99e50f62cc509f81e1a6623807d89c75.jpg&w=708)
Իսրայելի վարչապետ Բենիամին Նեթանյահուն հայտարարել է, որ երկրի իշխանությունները պատրաստ են ռազմական լծակներ օգտագործել Իրանի միջուկային ծրագրի զարգացումը կասեցնելու համար։ Այս մասին Նեթանյահուն ասել է Sky News-ին տված հարցազրույցում։
«Իրանը բացահայտորեն ձգտում է կրկնել Հոլոքոստը և Իսրայելում վեց կամ յոթ միլիոն հրեաների ոչնչացումը: Մենք չենք պատրաստվում ձեռքներս ծալած նստել և ոչինչ չանել և թույլ տալ, որ նրանք դա անեն: Ես չեմ կարծում, որ միայն դիվանագիտությունն ինքնին կարող է աշխատել: Կարծում եմ, որ դիվանագիտությունը կարող է աշխատել միայն իրական ռազմական սպառնալիքի կամ ռազմական տարբերակի դիմելու պատրաստակամության հետ զուգակցմամբ, եթե զսպումն անհրաժեշտ արդյունքներ չտա… Մենք անհրաժեշտ ամեն ինչ կանենք մեզ պաշտպանելու համար, բայց ես մանրամասներ չեմ հայտնի»,- ասել է Իսրայելի վարչապետը։