Ալիևի տհաճ անակնկալը` ԱՄՆ-ին. Կմարսի՞ Վաշինգտոնը ապտակը

Երեկ հետաքրքրական լուր ստացվեց Բաքվից: Ադրբեջանական կողմի խնդրանքով՝ մյուս շաբաթ Վաշինգտոնում նախատեսվող քննարկումների հերթական փուլը հետաձգվում է, հայտնեց Հայաստանի ԱԳՆ-ն: Հանդիպման նոր ժամկետների վերաբերյալ, ըստ արտգործնախարարության, հանրությունը պատշաճ կերպով կտեղեկացվի:
Ավելի վաղ արտգործնախարարությունը հաղորդել էր, որ Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովը կհանդիպեն հունիսի 12-ին Վաշինգտոնում։

Անդրադառնալով Վաշինգտոնում հունիսի 12-ին Ադրբեջանի և Հայաստանի արտաքին գործերի նախարարներ Ջեյհուն Բայրամովի և Արարատ Միրզոյանի հանդիպման հետաձգման հարցին, Ադրբեջանի արտաքին գերատեսչության մամլո խոսնակ Այխան Հաջիզադեն ասել է, որ հիմա քննարկվում է նոր ժամկետը: «Մենք հուսով ենք, որ այդ հանդիպումը տեղի կունենա մոտ ժամանակներս»,- ասել է խոսնակը: Նրա փոխանցմամբ, նոր ժամկետի մասին տեղեկությունը կհրապարակի հանդիպումը կազմակերպող կողմը:

Բաքուն, փաստորեն, խուսափում է Վաշինգտոնի հովանու ներքո կազմակերպվող հանդիպման գնալուց: Ինչո՞ւ... Մոսկվային, բնականաբար, դուր գալու նպատակով:
Փոխանակ գնալ բանակցությունների, Ադրբեջանը մեկ է ամիս Արցախի ու Հայաստանի սահմաններում լարվածություն է պահպանում:

Ըստ Բաքվի, բանակցությունների իմաստը ո՞րն է, եթե Ալիևը իր պահանջները կարող է ստանալ շարունակական շանտաժի ու ճնշումների պայմաններում: Իսկ ո՞վ է խանգարում նրան այդ գործում... Առայժմ, ցավոք, Մոսկվան, որտեղից 2020թ. 44-օրյա պատերազմից հետո առայժմ որևէ քննադատական խոսք չի լսել Ադրբեջանի ագրեսիվ, ծավալապաշտական հայտարարությունների վերաբերյալ:

Ըստ ամենայնի, Վաշինգտոնը այդպես հանգիստ չի թողնի Ալիևի` բանակցություններ ձախողելու խնդիրը, կհասնի այլ ժամկետում բանակցությունների կազմակերպման:
Երեկ մեկ այլ ուշագրավ տեղեկություն էլ հայտնի դարձավ:

Նախօրեին կայացել է Միացյալ Նահանգների պետքարտուղար Էնթոնի Բլինքենի և Թուրքիայի նորանշանակ արտգործնախարար Հաքան Ֆիդանի առաջին հեռախոսազրույցը, որի ընթացքում քննարկված հինգ թեմաներից երկուսը անմիջականորեն առնչվել են Հայաստանի Հանրապետությանը։

Թուրքիայի պետական հեռուստատեսությունը, երկրի ԱԳՆ տարածած մամուլի հաղորդագրությունը վկայակոչելով, տեղեկացնում է, որ հեռախոսազրույցի ընթացքում բարձրաստիճան դիվանագետները «քննարկել են Սև ծովով Ուկրաինայից հացահատիկի արտահանման շուրջ ձեռք բերված պայմանավորվածությունների կատարման ընթացքը, ՆԱՏՕ-ին անդամակցելու Շվեդիայի հայտը, Թուրքիայի և Հայաստանի, ինչպես նաև Հայաստանի և Ադրբեջանի միջև հարաբերությունների կարգավորման գործընթացները»։
Այսինքն, ԱՄՆ-Թուրքիա բանակցությունների օրակարգում երկու թեմա Վաշինգտոնը թեժ է պահում:

Ուշագրավ է, ի դեպ, որ ամերիկյան կողմը մինչ այս պահը Պետդեպարտամենտի պաշտոնական կայքում կամ էլ սոցիալական ցանցերի պաշտոնական օգտահաշիվներից որևէ մեկում հեռախոսազրույցի մասին տեղեկատվություն չի հրապարակել։

Ավելին, Բլինքենի և Թուրքիայի ԱԳՆ զրույցից մի քանի ժամ առաջ Պետքարտուղարության պաշտոնական ներկայացուցչի տեղակալ Վեդանտ Պատելը Վաշինգտոնում կայացած ասուլիսի ժամանակ հրաժարվում էր հստակեցնել, թե երբ է նախատեսված երկու դիվանագետների առաջին շփումը։ «Թուրքիան կարևոր գործընկեր է և ՆԱՏՕ-ում մեր դաշնակիցն է։ Ես գիտեմ, որ պետքարտուղարը անհամբերությամբ սպասում է իր նորանշանակ գործընկերոջ հետ զրույցին, սակայն ես որևէ ժամանակացույց այդ առումով ներկայացնել չեմ կարող, չեմ կարող ասել, թե երբ դա տեղի կունենա։ Կարող եմ միայն ասել, որ նա ցանկանում է, որ դա տեղի ունենա որքան հնարավոր է շուտ», - հայտարարում էր Պատելը։

 

Մետաքսյա Շալունց

դիտվել է 4772 անգամ
Լրահոս
Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն Պարզվել է 20-ամյա հղի կնոջ մահվան պատճառը. մեղադրանք է ներկայացվել 3 բժշկի Եվրո-2024-ն՝ առանց Հայաստան. վերլուծական Եղանակը կտաքանա Ադրբեջանի ՄԻՊ-ը հանդիպել է Ստեփանակերտում մնացած արցախցիների հետ Փաշինյանի ելույթն ադրբեջանական մամուլում լայքեր է հավաքում ՀՀ անվտանգության գլխավոր սպառնալիքը Փաշինյանն է, ոչ թե Արցախի պետական ինստիտուտները. Սաղաթելյան Հայաստանի մարդասիրական օգնությունը հասավ Գազա 300 հազար դոլար․ Հայաստանն օգնություն կտրամադրի Ճապոնիային Արարատի կոնյակի գործարանում վերահսկողություն կիրականացվի Հիմա մի անեկդոտ պատմեմ․ Նաիրի Հոխիկյան (video) Արա՛, դուք ո՞նց եք սրան հավատում․ հլը լսե՛ք՝ էս ճիվաղը Տավուշում ինչ է ասել․ Արշակ Զաքարյան (video) Անկախության բանակի փառապանծ էջերը հենց Տավուշում են գրվել․ Գագիկ Մինասյան (video) Ինչու՞ Հայաստանը մոսկովյան ահաբեկչության մասով ՀԱՊԿ հայտարարությանը չի միացել (video) ՔՊ-ականն ի՞նչ ռիսկով է այսպիսի հայտարարություն անում․ Նիկոլից վախեր չունի՞․․․ (video)
Ամենաընթերցվածները
Շուտով
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում https://cutt.ly/5wn8sJBS
Hayeli.am