Վիշապ խեղդող, «նարկոտրաֆիկի ողնաշար» ջարդող, անհաղթ Փաշինյան Նիկոլ

Մեր կանխատեսումները, որ նախօրեին Իտալիայում բացահայտված կոկայինի խմբաքանակի պատմությունը դեռ ալիքներ է տալու, միանգամայն արդարանում են: Ասենք, դա դժվար էլ չէր կռահել: Ցանկացած դատողունակ մարդ հասկանում է, որ հենց այնպես մոտ 3 տոննա կոկայինի խմբաքանակը, որ շուրջ 800 միլիոն եվրոյի արժեք ունի, չեն դնում բանանի արկղերի մեջ և ուղարկում Հայաստան:

Ու հենց Իտալիայում այդ 2,7 տոննա կոկայինի խմբաքանակի պատմության մասին հայտնի դարձավ, Նիկոլ Փաշինյանի ԱԱԾ-ն էլ սկսեց «երգել»: Երևի մերօրյա սուպեր երաժշտագետ Սարգիսը կկարողանա բնորոշել՝ ԱԱԾ-ի «երգը» մուղա՞մ է, թե՞ բայաթի: Բայց այն հետաքրքիր է:

Այսպես, ի՞նչ է հայտարարում Նիկոլ Փաշինյանի անձնական օգտագործման ԱԱԾ-ն: Իսկ այն հաղորդում է, թե «մայիսի 13-ին նախաձեռնված և իրականացվող թիվ 58221423 քրեական վարույթի նախաքննության ընթացքում... պարզվել է, որ Հայաստանում գործող և մրգերի ներմուծմամբ զբաղվող ընկերության կողմից Էկվադորում գտնվող ընկերությունից պատվիրված ապրանքատեսակի հետ տարանցիկ երկրների՝ Պանամայի, Իտալիայի և Վրաստանի տարածքով Հայաստան է ներմուծվել «կոկային» տեսակի շուրջ մեկ տոննա քաշով թմրամիջոց (շուրջ 250 միլիոն եվրո արժողության), որը հայտնաբերվել և գտնվում է ՀՀ ազգային անվտանգության ծառայությունում»: Ու նշվում է, որ «մի տոննա» փորձաքննություն, հարցաքննություն, հարցում, օպերատիվ-հետախուզական միջոցառումներ են ձեռնարկվել:

Այս ամենի հետ կապված այնքան հարցեր են ծագում, որ ոչ թե մեկ, այլ մի քանի հարցաշարան կարելի է կազմել:

Առաջինը, ինչ միանգամից ուշադրություն է գրավում, այն է, որ Փաշինյանի ԱԱԾ-ն սկսեց «երգել» բացառապես այն բանից հետո, երբ Իտալիայում, կարելի է ասել՝ «պատահաբար» (չնայած նման գործերում պատահականություններ չեն լինում) հայտնաբերվեց կոկայինի աննախադեպ խմբաքանակը՝ Էկվադորից Հայաստան ուղարկվող բանանի կոնտեյներներում:

Այսինքն, եթե հանկարծ Իտալիայում ոչինչ չբացահայտեին, Փաշինյանի ԱԱԾ-ն շարունակելու էր լռել ու ոչինչ չէր ասելու:

Իսկ այն, որ Փաշինյանի ԱԱԾ-ն պարտիզանական լռության մեջ էր, էլ ավելի տարօրինակ է: Կարելի է կարծել, նրանք այնտեղ օրումեջ 1 տոննա կոկայինի խմբաքանակ են «բռնում»:

Ասվածը հաստատում է մեր նաև այն ենթադրությունը, որ Իտալիայում նախօրեին բացահայտվել է միայն 1 խմբաքանակի դեպք, մինչդեռ, հնարավոր է, դրանից առաջ էլ են խմբաքանակներ եղել, որոնք պարզապես չեն բացահայտվել:

Բացարձակապես հավատ չի ներշնչում նաև ԱԱԾ-ի հայտարարության մեջ նշված այն հանգամանքը, թե մայիսի 13-ին են ինչ-որ վարույթ նախաձեռնել ու 1 տոննա կոկային հայտնաբերել մրգի ներմուծմամբ զբաղվող ընկերության պատվիրած ապրանքի բեռնարկղերում:

Ի միջի այլոց, տեսնես այդ ի՞նչ ընկերություն է: Արդյոք դա այն ընկերություններից մե՞կը չէ, որը 2018-ին իշխանությունը վերցնելուց հետո Նիկոլ Փաշինյանին հարող շրջանակները, նրա անմիջական աջակցությամբ, «ռեյդերական զավթումով» իրենցով են արել:

Կարելի է ամենևին չկասկածել, որ եթե հանկարծ այդ կոկայինային պատմությունը թեկուզ չնչին ու թեկուզ 0,1 տոկոս կապ ունենար հակաիշխանական որևէ շրջանակի հետ, ապա հիմա փաշինյանական քարոզչությունը, «հավաստի աղբյուրն» ու իր ժանտահոտ կոյուղահորերը լրահոսը հեղեղած կլինեին վայրիվերո աղաղակներով:

Մինչդեռ Փաշինյանի ԱԱԾ-ն բերանը ջուր էր առել, չնայած 250 միլիոն եվրոյի կոկային էր «բռնել»: Իսկ դրանից ուղղակիորեն հետևում է հիմնավոր ենթադրություն, որ այդ կոկայինային խմբաքանակները այս կամ այն կերպ, եթե ոչ ուղիղ գծով, առնչվում են Փաշինյանի իշխանությանը կամ նրա իշխանական շրջանակներին:

Այն Փաշինյանի, որը, նորից հիշեցնենք, իշխանազավթումից հետո հայտարարություններ էր անում, թե «նարկոտրաֆիկի ողնաշար» է ջարդել:

Չնայած, եթե հաշվի առնենք այն իրողությունը, որ Փաշինյանը միշտ ինչ ասում է, պետք է հակառակը հասկանալ, ապա ստացվում է, որ նրա նպատակներից մեկը Հայաստանը նարկոտրաֆիկի հանգույց դարձնելն էր:

Այդ դեպքում, գուցե հարցնողներ կլինեն, թե ԱԱԾ-ն ինչո՞ւ է այն 1 տոննան բռնել: Իսկ ո՞վ է ասում, որ ԱԱԾ-ն է «բռնել: Թմրանյութերի ապօրինի շրջանառության դեմ պայքարը համաշխարհային խնդիր է, շատ հնարավոր է, որ որևէ գերտերության հատուկ ծառայություն բացահայտել է կոկայինի «հայկական երթուղին» ու Փաշինյանի իշխանությանն ստիպել է դրան վերջ տալ: Նմանապես հնարավոր է, որ հիշյալ 1 տոննայի վերաբերյալ տեսնելով Հայաստանի իշխանությունների ինչ-ինչ անգործություն (և արդյոք 1 տոննա՞ է եղել), այդ գերտերության հատուկ ծառայությունն այս անգամ որոշել է չսպասել, որ բեռը հասնի Հայաստան ու իտալական ֆինանսական գվարդիային հուշել է, թե որտեղ ինչ փնտրեն:

Կրկնենք, նման, փաստորեն ավելի քան 1 միլիարդ եվրոյի թմրանյութային խմբաքանակներով կատակ չեն անում և չեն ուղարկում «պատահական» հասցեներով: Նման բաներ արվում են, եթե ուղարկողը վստահություն ունի, որ ստացման երկրի, այն է՝ Հայաստանի իշխանության հետ խնդիր չունի:

Արմեն Հակոբյան

7or.am

դիտվել է 497 անգամ
Լրահոս
Այս ընթացքը կասեցնել չի ստացվի` անկախ նրանից, թե իշխանությունը դա ճնշելու ճանապարհին քաղբանտարկյսլների շարքը կընդլայնի՞, թե՞ մարդկանց դեմ բութ գործիքներ կկիրառի. Տիգրան Աբրահամյան «Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով Ո՞ր դեղերը չեն մտնի էլեկտրոնային դեղատոմսերով վաճառվողների ցանկ Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Կրկին մեղադրում են ՌԴ-ին Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի ՀՀ սահմանային փոփոխություններից հետո Խնածախի ապարանքը հայտնվեց սահմանից 700 մ․ հեռավորության վրա Դժվարին որոշում եմ կայացրել. Վազգեն Ռշտունի Օգնության հասած ավտոմեքենան այրվել է, կրակը տարածվել է Վաղ առավոտյան խուզարկել են գնդապետ Վոլոդյա Ավետիսյանի տունը Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ Բեգլարյան «...կպատերազմենք»․ Սիմոնյան Ալեմ Սիմոնյանը կրկին կհանդիպի Ադրբեջանի Միլլի Մեջլիսի նախագահի հետ Քիրբին ու Զախարովան խոսել են Կրոկուսի ահաբեկչության մեղավորներից․ միմյանց վիրավորանքներ են հնչեցրել Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am