Ալիևի ուզածը Կրեմլի տանիքն է

Փաշինյանի հետ դեկտեմբերի 7-ին նախատեսված հանդիպումը չի կայանա, այսօր ազդարարեց Ալիևը` ելույթ ունենալով Բաքվում ընթացող միջազգային համաժողովում: «Բրյուսելի հանդիպումը պետք է կայանար դեկտեմբերի 7-ին։ Բայց Հիքմեթ Հաջիևը երեկ ինձ տեղեկացրեց, որ իր հետ կապ են հաստատել Շառլ Միշելի գրասենյակից ու տեղեկացրել, որ Հայաստանի վարչապետ Նիկոլ Փաշինյանը համաձայն է հանդիպել միայն Ֆրանսիայի նախագահ Մակրոնի մասնակցությամբ։ Դա նշանակում է, որ հանդիպումը տեղի չի ունենա», - ասել է Իլհամ Ալիևը:

Նրա պնդմամբ՝ նման քայլերով Հայաստանը փորձում է բանակցային գործընթացն անվերջ դարձնել, ինչը, իր հերթին, նշանակում է, որ խաղաղության պայմանագիրը չի ստորագրվի, և որ խաղաղություն չի լինի: «Բայց դա Հայաստանի ընտրությունն է», - հայտարարել է Ալիևը՝ Փաշինյանի առաջ քաշած պայմանը որակելով խաղաղ գործընթացի տապալման փորձ:

Պաշտոնական Երևանը հերքում է Ալիևի պնդումները, թե հայկական կողմը փորձում է խաթարել հանդիպման անցկացումը և խաղաղության գործընթացը։ Դրանք իրականության հետ որևէ աղերս չունեն, «Արմենպրես»-ին ասել է արտգործնախարարության խոսնակ Վահան Հունանյանը: Հայաստանը պատրաստ է դեկտեմբերի 7-ի հանդիպմանը՝ Պրահայում ձեռք բերված պայմանավորվածության և ձևաչափի համաձայն։

Պարզաբանելով Բաքվի դիրքորոշումը Ֆրանսիայի նախագահի միջնորդությունը մերժելու հարցով՝ Ալիևը հիշեցրել է Պրահայի հանդիպմանը հաջորդած Մակրոնի հարցազրույցի, Ֆրանսիայի Սենատի, Ազգային ժողովի ընդունած «հակաադրբեջանական» բանաձևերի մասին, պնդել, որ նաև Ֆրանկոֆոնիայի գագաթնաժողովի շրջանակում է «փորձ արել Ադրբեջանի վրա հարձակվել»։ «Հաշվի առնելով բոլոր այս հանգամանքները, հստակ է, որ Ֆրանսիան չի կարող լինել միջնորդ Հայաստանի և Ադրբեջանի միջև խաղաղ գործընթացում։ Այդ մենք չենք նրանց դուրս մղել, Ֆրանսիան ինքն է իրեն կտրել տվյալ գործընթացից։ Մինսկի խմբի մյուս անդամները՝ Միացյալ Նահանգները և Ռուսաստանը, նման միակողմանի քայլեր չեն արել», - պնդել է Իլհամ Ալիևը:

Այժմ, ինչպես Ալիևն է ասել, փնտրվում է միջնորդ և համապատասխան հարթակ հետագա բանակցությունների համար։

Կրեմլն արդեն արձագանքել է՝ ոչ միայն պատրաստ է, այլև մշտապես հայտարարում է աշխատանքը շարունակելու պատրաստակամության մասին՝ աջակցելու երկու պետություններին իրավիճակի կարգավորման և խաղաղության համաձայնագրի ստորագրման հարցում: Այդ մասին ասել է Ռուսաստանի նախագահի խոսնակ Դմիտրի Պեսկովը:

Բաքվում է նաև հայ-ադրբեջանական հարաբերությունների կարգավորման գործընթացի մյուս միջնորդ՝ Եվրամիության հատուկ ներկայացուցիչ Տոյվո Կլաարը։ Այսօր նա առանձնազրույց է ունեցել Ալիևի հետ և քննարկել Հայաստանի ու Ադրբեջանի միջև հարաբերությունների կարգավորման հարցեր, խաղաղության պայմանագրի կնքման շուրջ բանակցությունների գործընթացը, փոխանցում է Ադրբեջանի նախագահի գրասենյակը։ Այլ մանրամասներ չեն հաղորդվում։

Մինչ եվրոպացի դիվանագետի հետ Հայաստանի և Ադրբեջանի միջև խաղաղություն հաստատելու գործընթացի քննարկումը, Ալիևը հարկ է համարել հերթական վիրավորական արտահայտությունները հնչեցնել միջազգային լրագրողների և փորձագետների հետ հարցուպատասխանի ընթացքում՝ «չզարգացած, Ռուսաստանից կախված, Ռուսաստանի ստրուկ», ասել է, թե հայերը հոգեբանական օգնության կարիք ունեն, Հայաստանի պատմությունը որակել է կեղծ, հորինված , Հայաստանի նախկին նախագահ Սերժ Սարգսյանին էլ անվանել «պատերազմական հանցագործ»։

Ինչ վերաբերում է Փաշինյանին, Ալիևը պատմել է, որ նրա իշխանության գալուց հետո մի քանի հանդիպումներ է ունեցել և զգուշացրել՝ Բաքուն չի համակերպվի օկուպացիայի հետ, «մենք ձեզ ոչնչացնելու ենք», - իր խոսքերն է վկայակոչել Ադրբեջանի նախագահը և պնդել, թե դա ոչ ինչ-որ խիզախություն, ոչ էլ քարոզչություն էր․ - «Պարզապես մենք գիտենք՝ ինչ կարող ենք անել մենք և ինչ կարող են անել իրենք»։ Ըստ Ալիևի առաջնորդի՝ Փաշինյանը միայն պատերազմից հետո է փոխել հռետորաբանությունը, պարզապես ինքը չգիտի՝ որքանով են այդ հայտարարություններն անկեղծ: «Գուցե ևս մեկ սառը ցնցուղի կարիք ունեն», - հեգնել է Ալիևը։

Հերթական այս ելույթի ընթացքում էլ նա չի շրջանցել այսպես կոչված «Զանգեզուրի միջանցքի» թեման: Թեև պաշտոնական Երևանը շարունակաբար հակադարձում է` Հայաստանի և Ադրբեջանի առաջնորդների մասնակցությամբ ընդունված որևէ հայտարարությունում «Զանգեզուրի միջանցքի» մասին որևէ խոսք չկա, Ալիևը շարունակում է պատմել այդ ճանապարհի գրավչության մասին՝ պնդելով, թե Երևանը չի կարող արգելափակել Ադրբեջանի այդ պահանջը, ընդ որում, ըստ նրա, իրենց մյուս հարևանը՝ Իրանը ևս չի խոչընդոտի այդ ճանապարհի գործարկմանը: Ադրբեջանի նախագահը հայտարարել է, որ «Զանգեզուրի միջանցքի» գործարկման թեման այժմ Ռուսաստանի հետ է քննարկում, քանի որ, նրա խոսքով, «Հայաստանի Ռուսաստանի սաթելիթն է», և ինքը չի պատրաստվում այլևս ժամանակ վատնել Հայաստանի հետ այդ հարցով բանակցությունների համար: «Ինչ վերաբերում է Իրանին, ապա կարծում եմ, որ նա նույնպես դա չի անի՝ հաշվի առնելով իր հետաքրքրությունը տարածաշրջանային հաղորդակցության նախագծերի նկատմամբ։ Այդ նախագծերը որևէ մեկի դեմ ուղղված չեն, ընդհակառակը, դրանք կգործեն միայն ի շահ բոլոր կողմերի»», - նշել է Ալիևը:
Ադրբեջանի նախագահը հավաստիացրել է՝ Բաքուն ոչ տարածքներ, ոչ էլ պատերազմ չի ուզում, եթե ցանկանար, կաներ, նաև հավելել է. - «Մենք ցանկանում ենք, որպեսզի նրանք հասկանան, որ որևէ ընդհանրություն չունեն Ղարաբաղի հայերի հետ։ Մենք ցանկանում ենք Զանգեզուրի միջանցք և մենք ձգտում ենք դեպի սահմանների դելիմիտացիա պատմական քարտեզների հիման վրա, այլ ոչ թե այն քարտեզների , որոնք նրանք փորձում են ներկայացնել»: Նա չի հստակեցրել, թե ինչ քարտեզներ են ներկայացնում Բաքվին, և ինչ տարբերություններ ունեն դրանք:

Ի դեպ, Ալիևը դժգոհել է, որ միջնորդ երկրները նախկինում՝ ԼՂ հակամարտության խաղաղ կարգավորման բանակցային գործընթացում, երբեք չեն պաշտպանել Ադրբեջանի «տարածքային ամբողջականությունը»

Ադրբեջանը միշտ հանդես է եկել բոլոր երկրների տարածքային ամբողջականության օգտին և այժմ էլ հավատարիմ է մնում այդ դիրքորոշմանը, ասել է Իլհամ Ալիևը։ «Ադրբեջանի դեպքում մենք երբեք միջնորդ երկրներից նման բաց մոտեցում չենք տեսել և այդպիսի հայտարարություն չենք լսել։ Մեզ միայն ասում էին՝ դուք պետք է համաձայնության գաք»,- դժգոհել է Ալիևը, ապա հավելել, որ իրենք «ուժով են փոխել իրականությունը»։

Ալիևն այս համատեքստում կրկին ընդգծել է ուժի դիրքից հանդես գալու իր մոտեցումը։ «Պարզ է, թե մենք ինչ արեցինք։ «Տարածքային ամբողջականության» վերականգնման մեր մոտեցումը նույնպես հայտնի է։ Այսինքն, պետք է ուժեղ լինենք»,- ասել է նա։
Իսկ վերջում էլ նա հիշեցրել է, որ Թուրքական բանակը ոչ միայն Թուրքիայինն է, այլև իրենցը...

«Բոլոր նրանք, ովքեր թշնամական քայլեր են ծրագրում Ադրբեջանի և Թուրքիայի դեմ, պետք է իմանան, որ թուրքական բանակը ոչ միայն Թուրքիայինն է, այլև մերը, և հակառակը․ մեր բանակը նաև Թուրքիայի բանակն է։ Եվ բոլոր նրանք, ովքեր սադրանքներ են ծրագրում մեր սահմաններին՝ փորձելով վախեցնել մեզ, չպետք է մոռանան այդ մասին»,- նշել է Ալիևը։

Ալիևի խոսքերի տողատակերում միայն մեկ նպատակ կա՝ բանակցություններ միայն Մոսկվայի հովանու ներքո: Հիմա Արևմուտքի ներգրավվածությանն, Ալիևի մոտ ոչ բացահայտ, թաքնված վերաբերմունքը նկատելի է:

Մետաքսյա Շալունց

դիտվել է 1339 անգամ
Լրահոս
Սասու՛ն, հարբած կլոուն, քոնը մահապատիժն է․ զոհվածի մայր (video) Սասուն Միքայելյան, մարդիկ քեզ ներել են հանուն բանակի, ո՞վ ես դու… Սոս Հակոբյան (video) Դավաճանն, իր նույնպես դավաճանական շքախմբով, շրջապատված հազարավոր ոստիկաններով՝ իր այցով պղծեց մեր նահատակների հիշատակը Էս ցավը դու ստանաս ու չճղճղաս․ Զոհվածի մոր պատասխանը՝ ՔՊ-ականին (video) Խայտառակություն․ Քյարամյանը Նիկոլի դիմաց տվեց 15 զոհված զինվորների գործով դատավճիռը․ Սոս Հակոբյան (video) Անամոթությունն ու Սասուն Միքայելյանը (video) Չենք դուրս գալու մեր հայրենիքից՝ անկախ դժվարություններից. Արցախի պետնախարարի հանդիպումները Մարտունու երեք համայնքներում Ծնողների ամենավերջին հայհոյանքների ներքո Նիկոլը նորից պղծեց Եռաբլուրը (video) Դավաճանն, իր նույնպես դավաճանական շքախմբով, շրջապատված հազարավոր ոստիկաններով, իր այցով պղծեց մեր նահատակների հիշատակը. Ավետիք Իշխանյան Ահաբեկչություն՝ Երուսաղեմում․ կա 7 զոհ, 10 վիրավոր․ video Փաշինյանը Եռաբլուրում էր․ պատգամավորները փախչում էին Լսե՛ք, Նիկոլի պահած բանակում տղերքը վառվում են, հերի՛ք է․․․ զոհվածի մայր (video) Թողե՛ք ընկերոջս շիրիմին մոտենամ․ քաղաքացին՝ ոստիկանին (video) Պետություն է վարկաբեկվում․․․ Ձայնս բարձրացել եմ առ Աստված, ասել եմ՝ տար էս կեղտաջրերին․ զոհված զինծառայողի մայր (video) Ներքին Հանդում մտահոգված են․ թշնամին գերեզմանատնից քիչ է հեռու Թուրքի կաթ կերածը խի՞ ա գալիս մեր երեխեքի տուն. զոհվածի ծնող (video) Ապազգային ուժերի ազգակործան հանձնառությունների թիրախում կազմաքանդվում է Հայոց Բանակը. ՀՅԴ Հայաստանի ԳՄ Էդգար Ղազարյանի LIVE-ը Հանրապետության հրապարակից (video) Ադրբեջանի հատուկ ծառայությունները ստեփանակերտցիներին տարհանելու մասին հերթական կեղծ փաստաթուղթն են տարածում. ԱՀ ԱԱԾ Անամոթի մեկը․ զոհվածի ծնողը՝ Հովիկ Աղազարյանին (video) Երևանի փոխոստիկանապետը՝ զոհվածների ծնողներին բռնության ենթարկելու մասին (video) Դատախազները դիմումներ են գրում՝ հեռանում Ադրբեջանում այս պահի դրությամբ հաստատված ու նույնականացված 33 հայ ռազմագերի է պահվում Ապարատը գտել է դեպի Փաշինյանի սիրտը տանող ճանապարհը
Ամենաընթերցվածները
Շուտով
Հունվարի 27-ին՝ ժամը 11:30-ին, Հայելի ակումբի հյուրն է Գևորգ Գևորգյանը Հունվարի 27-ին, ժամը 15:00-ին Հայելի ակումբի հյուրն է Էդգար Ղազարյանը Հունվարի 27-ին՝ ժամը 12:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Տիգրան Վարդանյանը: ԹԵՄԱ՝ շրջափակված Արցախ. պատերազմից հետո բանակաշինության պատկերը. հունվարի 28-ը «Հայոց բանակի» հիմնադրման օրն է: Հունվարի 27-ին՝ ժամը 12:00-ին, Հայելի ակումբի հյուրն է Վոլոդյա Հովհաննիսյանը Հունվարի 27-ին՝ ժամը 13:00-ին, Հայելի ակումբի հյուրն է Զարւհի Փոստանջյանը Հունվարի 27-ին՝ ժամը 11:00-ին, Հայելի ակումբի հյուրն է Սոնա Աղեկյանը Հունվարի 27-ին՝ ժամը 16:00-ին, Հայելի ակումբի հյուրն է Հակոբ Ավետիքյանը Հունվարի 27-ին՝ ժամը 14:00-ին, Հայելի ակումբի հյուրն է Վան Համբարձումյանը Հունվարի 26-ին՝ ժամը 16:30-ին, Հայելի ակումբի հյուրն է Էլեոնորա Մանանդյանը Հունվարի 26-ին՝ ժամը 15:30-ին, Հայելի ակումբի հյուրն է Գևորգ Գևորգյանը
Հետևեք մեզ Facebook-ում https://www.facebook.com/hayeliclub