ՀՀ դաշնակիցները մեզ են դատապարտում. ՀԱՊԿ-ականները չեն դատապարտում Ադրբեջանի ագրեսիան, քանի որ չգիտեն ՀՀ սահմանները

Թուրք-ադրբեջանական տանդեմի հարձակումը ոչ միայն Հայաստանի տարածքում է, այլև՝ քարոզչական դաշտում: Գրեթե երկու շաբաթ է թուրք-ադրբեջանական միասնությունը շարունակում է կեղծիքի ու ապատեղեկատվության շքերթը...

Պաշտոնական Անկարան Երևանին է մեղադրում սահմանային լարվածության համար և հորդորում վերադառնալ բանակցությունների սեղան: Թուրքիայի ԱԳ նախարարն այսօր պնդել է, թե Հայաստանը խաղաղության հնարավորությունից օգտվելու փոխարեն սադրում է: «Հայաստանը պետք է դասեր քաղի և խաղաղություն ուզի: Ադրբեջանը խաղաղության պայմանագիր է առաջարկել, որին մենք աջակցում ենք: Պետք է որոշել սահմանները, դրա համար համատեղ հանձնաժողով է ստեղծվել: Սրա վրա կենտրոնացեք, դուրս եկեք Ղարաբաղից», - նշել է նախարարը:

Չավուշօղլուն կրկին Անկարայի անվերապահ աջակցությունն է հայտնել Բաքվին՝ ասելով՝ «Ադրբեջանը մենակ չէ»: Այսօր ավելի վաղ Թուրքիայի արտգործնախարարը հեռախոսազրույց էր ունեցել ադրբեջանցի պաշտոնակցի հետ, հետո Թվիթերում գրել է, թե Ջեյհուն Բայրամովի հետ քննարկել են՝ «հայկական սադրանքները հայ-ադրբեջանական սահմանին»: Ջեյհուն Բայրամովն իր հերթին գրել է, որ Չավուշօղլու հետ հեռախոսազրույցում «ընդգծվել է Հայաստանի կողմից ստանձնած պարտավորությունների կատարման և ագրեսիայի դադարեցման կարևորությունը»։

Ու մինչ երեկ օր է, ինչ Երևանը հաղորդում է ադրբեջանական բանակի կողմից ծանր զինատեսակներով ռազմական և քաղաքացիական ենթակառուցվածքների թիրախավորման, տասնյակ զոհերի մասին, լուսանկարներ ու տեսանյութեր է հրապարկում, Բաքուն նորից կեղծիք է տարածում. «Վերջին ամսվա ընթացքում Հայաստանը սադրանքների է դիմել պետական սահմանին, տարբեր տրամաչափի զինատեսակներից պարբերաբար կրակել ադրբեջանական բանակի դիրքերի ուղղությամբ...»։

Ի դեպ, Ադրբեջանի արտաքին գերատեսչությունն այսօր հրապարակել է դեռ օգոստոսի 25-ին նախարար Ջեյհուն Բայրամովի՝ ՄԱԿ-ին հասցեագրած նամակը, որտեղ ներկայացված է «Հայաստանի անօրինական գործողությունները, այդ թվում՝ ադրբեջանական տարածքների ականապատումը»: Նամակում նաև նշվել է, թե Հայաստանը դուրս չի բերել իր անօրինական զինված միավորումները ադրբեջանական տարածքներից և չի դադարեցրել ռազմական գործողությունները, ընդհակառակը, նոր զորամիավորումներ է կազմավորել ու ամրացել ռուս խաղաղապահների վերահսկողության տակ գտնվող տարածքներում: Այսինքն, Բաքուն սահմանին լարվածությունից ավելի քան երկու շաբաթ առաջ միջազգային հանրությանը բողոք է հղել Երևանի հասցեին, որը միայն այսօր է հրապարակել:

Այն, որ Բաքուն ու Անկարան Երևանին մեղադրում է «սահմանային սադրանքների մեջ», դրանում նորություն չկա, դա նրանց հայտնի ձեռագիրն է: Նրանք գրեթե 2 շաբաթ հող էին նախապատրաստում Հայաստանի դեմ ռազմական գործողություններ վերսկսելու համար:

Իսկ ի՞նչ են մտածում Հայաստանի դաշնակից՝ ՀԱՊԿ-ական երկրները, որոնց դիմել է Հայաստանը:

ՀԱՊԿ գլխավոր քարտուղարը, միացյալ շտաբի պետը, Կազմակերպության անդամ երկրների ներկայացուցիչները կգործուղվեն Հայաստան՝ իրավիճակը գնահատելու համար, տեղեկանում ենք ՀԱՊԿ քարտուղարությունից: ՀԱՊԿ Հավաքական անվտանգության խորհրդի արտահերթ նիստին, որն անցկացվել է Հայաստանի նախաձեռնությամբ և տեղի է ունեցել տեսակոնֆերանսի ձևաչափով, որոշվել է ՀԱՊԿ գլխավոր քարտուղարի նախագահությամբ առաքելություն ուղարկել Հայաստան՝ գնահատելու հայ-ադրբեջանական սահմանին իրավիճակը, հայտարարել է ՀԱՊԿ քարտուղարությունը։ «ՀԱՊԿ Հավաքական անվտանգության խորհրդի արտահերթ նիստի ընթացքում պայմանավորվածություն է ձեռք բերվել ՀԱՊԿ գլխավոր քարտուղար Ստանիսլավ Զասի գլխավորությամբ, ՀԱՊԿ միացյալ շտաբի ղեկավար, գեներալ-գնդապետ Անատոլի Սիդորովի և ՀԱՊԿ անդամ երկրների ներկայացուցիչների մասնակցությամբ առաքելություն ուղարկել Հայաստանի Հանրապետություն՝ առկա իրավիճակը գնահատելու, Հավաքական անվտանգության խորհրդի հերթական նիստում (որը նախատեսված է անցկացնել աշնանը՝ Երևանում) տարածաշրջանում տիրող իրավիճակի և առաջացած լարվածության թուլացման առաջարկների վերաբերյալ պետությունների ղեկավարներին մանրամասն զեկույց ներկայացնելու համար»,- նշված է ՀԱՊԿ քարտուղարության հաղորդագրությունում։

Նիստում որոշվել է նաև ստեղծել աշխատանքային խումբ՝ կազմված ՀԱՊԿ քարտուղարության աշխատակիցներից և միացյալ շտաբի զինվորական անձնակազմից՝ ՀԱՊԿ-ի պատասխանատվության գոտում իրավիճակի մշտադիտարկման համար։ «Հայ-ադրբեջանական սահմանին իրադրության սրման պատճառով Հայաստան ղազախ խաղաղապահներ ուղարկելու հարցը առայժմ չի քննարկվում», - իր հերթին Նուր-Սուլթանում բացված կրոնական համաժողովի մեկնարկին, լրագրողների հետ զրույցում, նշել է Ղազախստանի արտգործնախարար Մուխտար Տլեուբերդին։

Հիմա ամենակարևոր արձանագրումը՝ «հայ - ադրբեջանական սահմանը դեմարկացված չէ, ուստի խոսել սահմանի որևէ խախտման մասին շատ դժվար է»:

Այսինքն, ՀԱՊԿ երկրները չեն դատապարտում ադրբեջանական ագրեսիան, որովհետև չգիտե՞ն Հայաստանի սահմանները...

Այսպես, ՀԱՊԿ խորհրդի հեռավար գագաթնաժողովի ընթացքում պայմանավորվածություն է ձեռք բերվել ստեղծված իրավիճակը գնահատելու համար Հայաստան ուղարկել ՀԱՊԿ առաքելությունը՝ գլխավոր քարտուղար Ստանիսլավ Զասի ղեկավարությամբ, Միացյալ շտաբի պետ, գեներալ-գնդապետ Անատոլի Սիդորովի և կազմակերպության անդամ պետությունների ներկայացուցիչների մասնակցությամբ, տեղեկացնում է ռազմական դաշինքը։

Ըստ հաղորդագրության` առաքելությունը պետք է տարածաշրջանում տիրող իրավիճակի և առաջացած լարվածության թուլացման առաջարկների մշակման վերաբերյալ զեկույց պատրաստի աշնանը Երևանում նախատեսվող Հավաքական անվտանգության խորհրդի հաջորդ գագաթնաժողովին ներկայացնելու համար։ Այցի ժամկետների մասին չի հաղորդվում:

Հաղորդվում է, որ hեռավար կարգով անցկացված փակ նիստին ռազմական դաշինքի անդամ երկրների ներկայացուցիչները համաձայնության են եկել նաև Քարտուղարության աշխատակազմից և Միացյալ շտաբի զինվորականներից աշխատանքային խումբ ստեղծելու շուրջ՝ Հավաքական անվտանգության պայմանագրի կազմակերպության պատասխանատվության գոտում իրավիճակի մշտական մոնիտորինգի նպատակով։
Ռուսաստանի նախագահ Վլադիմիր Պուտինը Հավաքական անվտանգության խորհրդի անդամներին տեղեկացրել է ստեղծված լարվածության թուլացմանն ուղղված ռուսական կողմի գործնական քայլերի մասին:

Ի դեպ, պաշտոնական Երևանը հերթական անգամ Մոսկվայի գլխավորած ռազմական դաշինքին է դիմել Ադրբեջանի զինված ուժերի կողմից Հայաստանի դեմ հարձակողական գործողությունների ֆոնին։

Թե ինչ խնդրանքով է դիմել հայկական կողմը, հայտնի չէ. Հայաստանի իշխանությունները, ինչպես նաև ՀԱՊԿ ղեկավարությունը չեն հստակեցրել՝ ինչ է կոնկրետ խնդրել Երևանն իր դաշնակիցներից՝ ռազմական օգնությո՞ւն, թե՞ խորհրդատվական աջակցություն։

Հայաստանի և Ադրբեջանի միջեւ լարվածությունը պահպանվում է։ ՀԱՊԿ առաքելությունը դեռևս չի ժամանել Հայաստան, այն դեռ պետք է ձևավորվի, այսօր ասել է ՌԴ նախագահի խոսնակ Դմիտրի Պեսկովը:

Ու մինչ հայ հասարակությունը սպասում է ՀԱՊԿ-ական աջակցության, այս նույն դաշինքի անդամները՝ մեկ այլ կազմակերպության շրջանակներում, Թյուրքական պետությունների կազմակերպության, դատապարտել են «Հայաստանի ռազմական սադրանքը Ադրբեջանի դեմ»։

Թուրքական պետությունների կազմակերպությունը ցավակցական ուղերձ է հղել ադրբեջանցի զինվորների համար: Ըստ Թուրքական պետությունների կազմակերպության տարածած հայտարարության՝ գլխավոր քարտուղար Բաղդադ Ամրեևը հայտարարել է, որ «անհանգստացած է Հայաստանի զինված ուժերի ռազմական սադրանքներով» Ադրբեջանի և Հայաստանի սահմանի երկայնքով և դատապարտել է այն։

Վերահաստատելով իրենց աջակցությունը Ադրբեջանի միջազգայնորեն ճանաչված սահմանների տարածքային ամբողջականությանն ու անձեռնմխելիությանը, Ամրեևը Հայաստանին կոչ է արել՝ «պահպանել երկու հարևան երկրների միջև առկա պայմանավորվածությունները»։

Ահա, Հայաստանի ՀԱՊԿ-ականներ գործընկերների իրական դիրքորոշումը: Հայաստան ուղարկված ՀԱՊԿ առաքելությունից էլ ի՞նչ դիրքորոշում պետք է ակնկալել:

Մետաքսյա Շալունց

դիտվել է 5589 անգամ
Լրահոս
Արտակարգ դեպք՝ Երևանում Ադրբեջանի ԶՈւ ստորաբաժանումները կրակ են բացել հայկական դիրքերի ուղղությամբ․ ՀՀ ՊՆ Պենտագոնը Ուկրաինայում թունավոր նյութեր է փորձարկում զինվորականների և հոգեկան հիվանդների վրա. ՌԴ ՊՆ Ղազախստանի ոստիկանությունը բերման է ենթարկել չարտոնված ցույցի մասնակիցներին (տեսանյութ) Թուրքիայի պաշտպանության նախարարը շտապ խորհրդակցություն է հրավիրել Հասան սերվիզին․․․ Վարդենյաց լեռնանցքում ձնախառն անձրեւ է տեղում Հանրապետության ողջ տարածքում առատ տեղումներ են անձրևի և ձյան տեսքով Մունդիալ-2022. Լևանդովսկին հավասարվեց Պելեին Արցախի ԱԱԾ-ի նախկին ղեկավար Կամո Աղաջանյանի վերաբերյալ հրապարակման կապակցությամբ նախաձեռնվել է քրեական վարույթ «Մի բանի մասին 6 կարծիք՝ նույն մարդուց». Սևակ Հակոբյան Վրաստանում կանխվել Է Հայաստանից թանկարժեք զարդերի մաքսանենգությունը Սորոսի հիմնադրամը լքում է Տաջիկստանը Ավտովթար Երևանում․ բախվել են Mercedes-ն ու BYD-ը. կա վիրավոր Փակ կլինի Մաշտոցի պողոտայի՝ Պուշկին փողոցից մինչև Ամիրյան փողոցի հատվածի երթևեկությունը Լոռիում պարեկների եւ քաղաքացիներին միջեւ տեղի ունեցած միջադեպով ՄԻՊ–ը պարզաբանում է պահանջել ոստիկանությունից ՀԱՊԿ-ն ընկավ Ադրբեջանի և Հայաստանի ծուղակը. Կոնստանտին Զատուլին Ալիեւի խարաբ լակոտն ամուսնացել է ... Մեր նախկինների թալանը, Պուտինի Loro Pianа-ի բաճկոնը տեսնում են, բայց Աննա-Էրատոյի Roger Dubuis-ի ժամացույցը չեն տեսնում... Մասիս Մայիլյանը Մոսկվայում մի շարք հանդիպումներ է ունեցել Լոռիում 30 պարեկ ծեծել են քաղաքացուն և նրա անչափահաս տղային, կոտրել են կողոսկրերը, թոքը ջուր է լցված. տուժածի ազգական Փաշինյանի շարասյան համար ճանապարհ ազատելիս պարեկները ծեծի են ենթարկել տարեց մարդու և նրա որդուն․ պատգամավոր Մանրամասներ Լիճք գյուղի վարչական տարածքում տեղի ունեցած ավտովթարից․ կա 4 զոհ, 2 վիրավոր․ մահացածներից 3-ը ՀՀ ՊՆ ծառայողներ են «Բարսելոնան» անգամ եվրո չունի, բայց նրանք պայմանագիր են կնքել Լևանդովսկու հետ: Միայն նրանք կարող են դա անել». Մատեուս Մահացել է Վլադիմիր Մակեյը
Ամենաընթերցվածները
Շուտով
Նոյեմբերի 25-ին, ժամը 15:30-ին Հայելի ակումբի հյուրն է ոստիկանության գնդապետ Թաթուլ Պետրոսյանը: Նոյեմբերի 25-ին, ժամը 11:00-ին Հայելի ակումբի հյուրն է փաստաբան Զարուհի Փոստանջյանը Նոյեմբերի 25-ին, ժամը 11:00-ին Հայելի ակումբի հյուրն է իրանագետ Հարութ Արթին Առաքելյանը Նոյեմբերի 25-ին, ժամը 14:00-ին Հայելի ակումբի հյուրն է ադրբեջանական հարցերով փորձագետ Արմինե Ադիբեկյանը: Նոյեմբերի 25-ին, ժամը 12:00-ին Հայելի ակումբի հյուրն է զոհվածի մայր Նաիրա Մելիքյանը: Նոյեմբերի 25-ին, ժամը 13։00-ին Հայելի ակումբի հյուրն է քաղտեխնոլոգ Կարեն Քոչարյանը: Նոյեմբերի 24-ին, ժամը 16:00-ին, Հայելի ակումբի հյուրն է Սարգիս Ավետիսյանը Նոյեմբերի 24-ին, ժամը 15:00-ին Հայելի ակումբի հյուրն է ռեժիսոր Հովհաննես Գալստյանը: Նոյեմբերի 24-ին , ժամը 14:00-ին, Հայելի ակումբի հյուրն է ռեժիսոր Դավիթ Սահակյանցը։ Նոյեմբերի 24-ին, ժամը 13:00-ին, Հայելի ակումբի հյուրն է Դեմոկրատական կուսակցության նախագահ Արամ Գասպարի Սարգսյանը:
Հետևեք մեզ Facebook-ում https://www.facebook.com/hayeliclub