Ալիևը հզորացնում է զինանոցը. Ադրբեջանն ու Թուրքիան օդային ուժերի համատեղ զորավարժություն են սկսել

Ընդամենը մի քանի օր առաջ Ալիևը պատմում էր, թե մի քանի ամսում կարող են Հայաստանի հետ խաղաղության պայմանագիր մշակել ու ստորագրել, բնականաբար՝ Բաքվի պատկերացրած սկզբունքների հիմքով:

Այսօր արդեն Ալիևը ազդարարում է, թե կշարունակի ամրապնդել զինված ուժերն ու պաշտպանունակությունը...

Պաշտոնական Բաքուն գործակցում է ավելի քան հինգ տասնյակ երկրների առաջատար ընկերությունների հետ՝ հզորացնելու համար իր զինանոցը, հայտարարել է Ադրբեջանի նախագահ Իլհամ Ալիևը։ Ըստ Ալիևի՝ ռազմատեխնիկական ոլորտում աշխարհի առաջատար երկրների հետ փոխգործակցության զարգացումից բացի, Ադրբեջանը նաև հզորացնում է սեփական հնարավորությունները հայրենական պաշտպանական արդյունաբերության ոլորտում։

Ալիևն ընդգծել է, որ Ադրբեջանը կշարունակի ամրապնդել երկրի զինված ուժերն ու պաշտպանունակությունը՝ հատուկ ուշադրություն դարձնելով ժամանակակից զենքի, ռազմական տեխնիկայի, զինամթերքի, նյութատեխնիկական միջոցների և այլ նյութական ռեսուրսների արտադրության վրա։

Իսկ երեկ հայտնի դարձավ, որ Գյանջայում Ադրբեջանի և Թուրքիայի օդային ուժերը համատեղ զորավարժություն են մեկնարկել: Այս նպատակով օրերս Թուրքիայի ռազմաօդային ուժերի օդաչուների և տեխնիկական հարցերով անձնակազմի ու ինքնաթիռների առաջին խումբը մեկնել էր Ադրբեջան:

Ըստ «Ազատության» երեկ «TurAz Kartalı-2022» մարտավարական վարժանքների մեկնարկի միջոցառման ժամանակ Ադրբեջանի ռազմաօդային ուժերի գեներալ մայոր Զաուր Ռուստամովը ընդգծել է, որ նման զորավարժությունների անցկացումը կարևոր նշանակություն ունի համատեղ գործողությունների ծրագրման, փոխգործակցության և մարտական գործողություններում զինվորների միջև համագործակցության կատարելագործման, ինչպես նաև որոնողական ու փրկարարական առաջադրանքների կատարման տեսանկյունից:

Միջոցառմանը ներկա Գյանջայի քաղաքապետն էլ խոսել է թուրք-ադրբեջանական հարաբերությունների և համագործակցության հաջող ընթացքի ու զարգացման մասին: Վարժանքների մեկնարկի հանդիսությանը տեղեկություն է տրվել դրանց նպատակի վերաբերյալ, այն է՝ զինանձնակազմի մարտական պատրաստականություն, տեղաբաշխում, առաջադրանքների կատարում, ավիացիայի կիրառում:

Զորավարժություններում ներգրավված զինծառայողների, զինտեխնիկայի, օդանավերի տեսակի և քանակի մասին չի հաղորդվում։ Անցած տարի երկու երկրների ռազմաօդային ուժերի «TurAz Kartalı-2021» զորավարժությունները անցկացվել էին թուրքական Քոնիայում:

Միևնույն ժամանակ երեկ Բաքու է ժամանակ Թուրքիայի զինված ուժերի գլխավոր շտաբի պետ Յաշար Գյուլերը: Աշխատանքային այցի շրջանակներում Գյուլերը առաջիկա օրերին մասնակցելու է «ADEX 2022» միջազգային պաշտպանական տեխնոլոգիաների ցուցահանդեսին: Անցած շաբաթ էլ Թուրքիա էր մեկնել Ադրբեջանի պաշտպանության նախարար Զաքիր Հասանովը:

Նկատենք, որ Անկարայի ու Բաքվի ռազմական դաշնակցությունն է'լ ավելի ամրապնդվեց 44-օրյա պատերազմից հետո, որն ամրագրվեց 2021-ի հունիսին ստորագրված Շուշիի հռչակագրով, իսկ այսօր հերթական սերտ համագործակցության քայլերն են իրագործվում:

Թուրքիան մեծապես աջակցում է Ադրբեջանի բանակաշինությանը, ադրբեջանական զինուժի ու զինտեխնիկայի կատարելագործմանն ու զարգացմանը: Վերջին մի քանի տարում երկու երկրների ռազմավարական սերտ համագործակցության շրջանակներում թուրք-ադրբեջանական ցամաքային, ծովային ու օդային ուժերի համատեղ զորավարժությունները պարբերական բնույթ են կրում: Զուգահեռաբար, ամեն տարի Թուրքիա-Ադրբեջան ռազմավարական բարձր համագործակցության խորհրդի նիստեր են անցկացվում:

Հիշեցնենք, որ մեկ տարի առաջ էլ թուրք-ադրբեջանական լայնամասշտաբ մարտավարական վարժանքներ էին տեղի ունեցել Լաչինում, ապա Նախիջևանում:
Զուգահեռաբար ամրապնդելով բանակը, շարունակվել նորագույն տեխնիկայի ձեռքբերմանը՝ Բաքուն շարունակում է Հայաստանին մեղադրել իր երկրի դիրքերը գնդակոծելու մեջ:

Հայաստանի ԶՈւ ստորաբաժանումները սեպտեմբերի 4-ի լույս 5-ի գիշերը հայ-ադրբեջանական սահմանագոտու արևելյան ուղղությամբ տեղակայված ադրբեջանական դիրքերի ուղղությամբ կրակ չեն բացել, հայտնեց Հայաստանի ռազմական գերատեսչությունը՝ շեշտելով՝ Ադրբեջանի պաշտպանության նախարարությունը կրկին ապատեղեկատվություն է տարածել:

Բաքուն այսօր արդեն նման երկրորդ հաղորդում է տարածում` հայկական կողմին մեղադրելով Վարդենիսի շրջանից ադրբեջանական դիրքերը գնդակոծելու մեջ։ Նմանատիպ հաղորդագրություն Ադրբեջանի ռազմական գերատեսչությունը նաև երեկ էր տարածել։ Երևանը հերքել էր՝ այն որակելով ապատեղեկատվություն։

Բաքվի նմանօրինակ կեղծ տեղեկատվություններին սովորաբար հետևում է սահմաններից վատ լուրի մասին տեղեկություն: Ադրբեջանը նախօրոք կեղծ տեղեկատվություն է տարածում, թե իբր հայկական կողմն է լարվածության հիմքեր ստեղծում, ապա անցնում են «գործի»...

Երեկ երեկոյան հայ - ադրբեջանական սահմանագոտու արևելյան հատվածում տեղակայված մարտական դիրքում մահացու հրազենային վիրավորում է ստացել պարտադիր ժամկետային զինծառայող, կրտսեր սերժանտ Արման Գագիկի Սարգսյանը:

Պաշտպանության նախարարության հաղորդագրության համաձայն, նախնական տվյալներով` 20-ամյա զինծառայողը զոհվել է հակառակորդի արձակած կրակոցից: «Պաշտպանության նախարարությունը կիսում է կորստյան ծանր վիշտը և իր զորակցությունը հայտնում Արման Սարգսյանի ընտանիքի անդամներին, հարազատներին և ծառայակից ընկերներին», - ասված է հաղորդագրությունում:

Մետաքսյա Շալունց

դիտվել է 817 անգամ
Լրահոս
Արտակարգ դեպք Սյունիքի մարզում Եղանակը կցրտի Միայն անուղեղ մարդը չի վախի...ադրբեջանցին այն ազգն է, որից ամեն ինչ սպասելի է. Շուռնուխի գյուղապետ Լեռնային Ղարաբաղում տեղակայված խաղաղապահները խախտումներ են արձանագրել Արտակարգ դեպք՝ Երևանում Ադրբեջանի ԶՈւ ստորաբաժանումները կրակ են բացել հայկական դիրքերի ուղղությամբ․ ՀՀ ՊՆ Պենտագոնը Ուկրաինայում թունավոր նյութեր է փորձարկում զինվորականների և հոգեկան հիվանդների վրա. ՌԴ ՊՆ Ղազախստանի ոստիկանությունը բերման է ենթարկել չարտոնված ցույցի մասնակիցներին (տեսանյութ) Թուրքիայի պաշտպանության նախարարը շտապ խորհրդակցություն է հրավիրել Հասան սերվիզին․․․ Վարդենյաց լեռնանցքում ձնախառն անձրեւ է տեղում Հանրապետության ողջ տարածքում առատ տեղումներ են անձրևի և ձյան տեսքով Մունդիալ-2022. Լևանդովսկին հավասարվեց Պելեին Արցախի ԱԱԾ-ի նախկին ղեկավար Կամո Աղաջանյանի վերաբերյալ հրապարակման կապակցությամբ նախաձեռնվել է քրեական վարույթ «Մի բանի մասին 6 կարծիք՝ նույն մարդուց». Սևակ Հակոբյան Վրաստանում կանխվել Է Հայաստանից թանկարժեք զարդերի մաքսանենգությունը Սորոսի հիմնադրամը լքում է Տաջիկստանը Ավտովթար Երևանում․ բախվել են Mercedes-ն ու BYD-ը. կա վիրավոր Փակ կլինի Մաշտոցի պողոտայի՝ Պուշկին փողոցից մինչև Ամիրյան փողոցի հատվածի երթևեկությունը Լոռիում պարեկների եւ քաղաքացիներին միջեւ տեղի ունեցած միջադեպով ՄԻՊ–ը պարզաբանում է պահանջել ոստիկանությունից ՀԱՊԿ-ն ընկավ Ադրբեջանի և Հայաստանի ծուղակը. Կոնստանտին Զատուլին Ալիեւի խարաբ լակոտն ամուսնացել է ... Մեր նախկինների թալանը, Պուտինի Loro Pianа-ի բաճկոնը տեսնում են, բայց Աննա-Էրատոյի Roger Dubuis-ի ժամացույցը չեն տեսնում... Մասիս Մայիլյանը Մոսկվայում մի շարք հանդիպումներ է ունեցել Լոռիում 30 պարեկ ծեծել են քաղաքացուն և նրա անչափահաս տղային, կոտրել են կողոսկրերը, թոքը ջուր է լցված. տուժածի ազգական
Ամենաընթերցվածները
Շուտով
Նոյեմբերի 25-ին, ժամը 15:30-ին Հայելի ակումբի հյուրն է ոստիկանության գնդապետ Թաթուլ Պետրոսյանը: Նոյեմբերի 25-ին, ժամը 11:00-ին Հայելի ակումբի հյուրն է փաստաբան Զարուհի Փոստանջյանը Նոյեմբերի 25-ին, ժամը 11:00-ին Հայելի ակումբի հյուրն է իրանագետ Հարութ Արթին Առաքելյանը Նոյեմբերի 25-ին, ժամը 14:00-ին Հայելի ակումբի հյուրն է ադրբեջանական հարցերով փորձագետ Արմինե Ադիբեկյանը: Նոյեմբերի 25-ին, ժամը 12:00-ին Հայելի ակումբի հյուրն է զոհվածի մայր Նաիրա Մելիքյանը: Նոյեմբերի 25-ին, ժամը 13։00-ին Հայելի ակումբի հյուրն է քաղտեխնոլոգ Կարեն Քոչարյանը: Նոյեմբերի 24-ին, ժամը 16:00-ին, Հայելի ակումբի հյուրն է Սարգիս Ավետիսյանը Նոյեմբերի 24-ին, ժամը 15:00-ին Հայելի ակումբի հյուրն է ռեժիսոր Հովհաննես Գալստյանը: Նոյեմբերի 24-ին , ժամը 14:00-ին, Հայելի ակումբի հյուրն է ռեժիսոր Դավիթ Սահակյանցը։ Նոյեմբերի 24-ին, ժամը 13:00-ին, Հայելի ակումբի հյուրն է Դեմոկրատական կուսակցության նախագահ Արամ Գասպարի Սարգսյանը:
Հետևեք մեզ Facebook-ում https://www.facebook.com/hayeliclub