Արմեն Գեւորգյանը իրավիճակի վատթարացման դեպքում կդիմի միջազգային ատյաններ

ՀՀ նախկին փոխվարչապետ, ներկայումս պատգամավոր Արմեն Գեւորգյանը չի բացառում, որ իր իրավունքները պաշտպանելու համար կդիմի միջազգային ատյաններ։

Դատավոր Աննա Դանիբեկյանը մերժել է Գեւորգյանի փաստաբան Ալեքսանդր Կոչուբաեւի՝ ինքնաբացարկի միջնորդությունը։ Փաստաբանը կրկին պահանջել է ներկայացնել բոլոր նյութերն ու նիստերի ձայնագրությունները, ինչպես նաեւ խնդրել ժամանակ հատկացնել նյութերին ծանոթանալու համար։ Ստանալով հերթական մերժումը՝ փաստաբանը լքել է նիստերի դահլիճը։ Մեկնաբանելով փաստաբանի հեռացումը՝ դատախազ Գեւորգ Բաղդասարյանը հայտնել է, որ պաշտպանությունը չարաշահում է իր իրավունքները, ինչը կարող է հանգեցնել մեղադրյալ կարգավիճակի վատթարացման։

Գեւորգյանը նշեց, որ իրավիճակի վատթարացման դեպքում կդիմի միջազգային ատյաններ, ինչը թույլ է տալիս իր կարգավիճակը։ «Կարծում եմ՝ ըմբռնումով կմոտենան։ Եթե դատարանը մեկ ամիս առաջ ներկայացներ նյութերը, ինչպես խնդրել է դա անել փաստաբան Լուսինե Սահակյանը, ամեն ինչ կարգին կլիներ։ Եկեք փաստենք, որ իմ իրավունքները լավ են պաշտպանվել, սակայն դրանք չեն իրականացվել։ Ես կցանկանայի իմանալ՝ ինչպես դրանք կարող են վատանալ, որպեսզի եզրակացություններ արվեն եւ միջոցներ ձեռնարկվեն»,-նշեց Գեւորգյանը։