Ինչո՞ւ է նախարար Ռոմանոս Պետրոսյանը ցանկանում խլել Իջեւանի դենդրոպարկի տարածքը

Ինչո՞ւ է նախարար Ռոմանոս Պետրոսյանը ցանկանում խլել Իջեւանի դենդրոպարկի տարածքը
Իջեւանի դենդրոպարկի երկարամյա տնօրեն Մեխակ Սայադյանին վերջերս ազատել են զբաղեցրած պաշտոնից ։ Նրա ընտանիքը երկարաժամկետ վարձակալությամբ տիրում է դենդրոպարկի տարածքի մի մասին։ Մ․ Սայադյանը պնդում է, որ Շրջակա միջավայրի նախարար Ռոմանոս Պետրոսյանը մտադիր է դենդրոպարկի այդ հատվածը վերցնել իրենց ընտանիքից։ Մ․ Սայադյանը հայտնում , որ 2018թ մայիսին Իջեւանի քաղաքապետարանը Իջեւանի գինու գործարանին է տրամադրել Աղստև գետի հունից մի հատված, փոփոխելով գլխավոր հատակագիծը։ Նույն թվականի հունիսին Մ․ Սայադյանը դիմել է վարչապետ Նիկոլ Փաշինյանին՝ ծավալուն նամակով, որտեղ կատարել է վերլուծություններ, հիմնավորումներ և առաջարկություններ անտառային համակարգի, ջրային ավազանի եւ մասնավորապես գետերի կարգավիճակի ու կառավարման վերաբերյալ։ 2020թ․ օգոստոսին դենդրոպարկի դիմաց, Աղստեւ գետի ձախ ափին Իջեւանի գինու, կոնյակի կոմբինատը բետոնե մեծ ամրություններ է կառուցել, որոնք նեղացրել են գետի հունը,սպառնալիք է առաջացել, որ հեղեղումների ժամանակ գետը կարող է պոկել-տանել դենդրոպարկի տարածքի վերին մասերը։ Մինչեւ քանդելը գետի հոսքն ու դենդրոպարկ մտնող առուն եղել են նույն մակարդակի վրա։ Դենդրոպարկը ոռոգելու նպատակով ջուր վերցնելու համար բնապահպանական տեսչական մարմինը դենդոպարկի տնօրինությանը տուգանել է 450 հազար դրամի չափով , իսկ իսկ գինու գործարանին ահռելի ժայռ վերացնելու(1870խմ) համար տուգանել է 216 հազար դրամի չափով, չարձանագրելով գործարանի կառուցած 200 մետրանոց պատը և 700մետր խորացված եւ այդ գրունտով նեղացված հունը։ Եվ այդ ստուգումը հիմք ընդունելով, վստահությունը կորցնելու հիմքով, «Արգելոցապարկային համալիր» ՊՈԱԿ –ի տնօրինությանը Մ․ Սայադյանին ազատել է աշխատանքից, անմիջապես հաշվարկել եւ նրա բանկային քարտին ուղարկել վերջնահաշվարկի գումարը , ցուցաբերելով անգործություն, դենդրոպարկին պատճառված վնասներն անտեսելով, վնաս տվողներին պատասխանատվության չկանչելով ու իրավապահ մարմինների չդիմելով։ Մ․ Սայադյանը տեղեկացնում է, որ 2021թ․ խորհրդարանական ընտրություններից հետո վարչապետ Նիկոլ Փաշինյանը դենդրոպարկ է այցելել, հարցրել է, թե ի՞նչ կա գինու գործարանի հետ։ Մ․ Սայադյանը ցույց է տվել գինու գործարանի կատարած շինարարությունը և ավերածությունները։ Ն․ Փաշինյանը հարցրել է, որ ինչքանո՞վ է ճիշտ պետական դենդրոպարկը վարձակալությամբ տալը կամ՝ վերցնելը։ Մ․ Սայադյանը հարց է տալիս ,թ ե ինչ նպատակով է նախարար Ռոմանոս Պետրոսյանը իր հոր հետ այցելել Իջեւանի գինու գործարան, նա դենդրոպարկի հետ կապված ձիաբուծարանի կամ ձիարշավարանի ի՞նչ պլաններ ունի։

Ոսկան Սարգսյանի գրառումը