ՍԴ-ն կատարում է Փաշինյանի հերթական պատվերը

Հրապարակը գրում է. Սահմանադրական դատարանը սեպտեմբերի 14-ին գրավոր ընթացակարգով պետք է քններ ՀՀ մի շարք համայնքների նախկին եւ գործող ղեկավարների դիմումների միասնական գործը, որի շրջանակներում վիճարկվում է գործադիր իշխանության կողմից տեղական ինքնակառավարմանը միջամտող օրենքների դրույթների սահմանադրականությունը։ 


Խոսքը Դիլիջանի նախկին համայնքապետ Արմեն Սանթրոսյանի, Թումանյանի նախկին համայնքապետ Լեւոն Զավարյանի, Գեղարքունիքի մարզի Զոլաքար համայնքի նախկին ղեկավար Արման Ղազարյանի, Տաշիր համայնքի գործող ղեկավար Էդգար Արշակյանի, Լոռու մարզի Ալավերդի համայնքի ղեկավար Սասուն Խեչումյանի, Արթիկի ղեկավար Մխիթար Վարագյանի դիմումի մասին է: Նրանք ՍԴ-ում վիճարկում են «Տեղական ինքնակառավարման մասին» ՀՀ օրենքի 27-րդ հոդվածի 2.1 կետի (համայնքի ղեկավարի լիազորությունների ժամկետը լրանալու դեպքում վարչապետի կամ մարզպետի կողմից համայնքի ղեկավարի պաշտոնակատարի նշանակումը) եւ 2020 թվականի հունիսի 18-ին ընդունված «ՀՀ ընտրական օրենսգիրք սահմանադրական օրենքում փոփոխություններ ու լրացումներ կատարելու մասին» ՀՀ օրենքի անցումային եւ եզրափակիչ դրույթների` 34-րդ հոդվածի 2-րդ մասի 2-րդ կետի (համայնքի ղեկավարի լիազորությունների ժամկետը լրանալու դեպքում համայնքի ղեկավարի ընտրություն չի նշանակվում, իսկ համայնքի ղեկավարի լիազորությունները մինչեւ ավագանու լիազորությունների ժամկետը լրանալն իրականացնում է համայնքի ղեկավարի պաշտոնակատարը) սահմանադրականությունը։

Եթե ավելի պարզ ասենք, ապա Սահմանադրությամբ՝ տեղական ինքնակառավարման մարմինների ղեկավարն ու ավագանին ընտրվում են համայնքների կողմից, մինչդեռ նախորդ տարի իշխանությունների թեթեւ ձեռքով փոփոխություններ կատարվեցին ԸՕ-ում՝ ամրագրվեց, որ 4 հազարից ավելի ընտրող ունեցող համայնքներում ավագանու ընտրություններն անցկացվում են համամասնական ընտրակարգով, այսինքն՝ ավագանին է ընտրելու համայնքի ղեկավար։ Նաեւ օրենքում, օրենքի անցումային դրույթներում կատարված փոփոխությամբ, ամրագրեցին համայնքապետերի ժամանակավոր պաշտոնակատարների ինստիտուտը: Այսինքն` իշխանությունն իրեն իրավունք վերապահեց ոչ թե ժամկետը լրանալուն պես ընտրություններ նշանակել, այլ իր ուզած անձին ԺՊ նշանակել եւ նրա միջոցով կազմակերպել ընտրությունը, որի դեպքում իշխանական ԺՊ-ի հաղթանակը գրեթե երաշխավորված է: Համայնքապետի ժամանակավոր պաշտոնակատարին էլ նշանակում է վարչապետը կամ մարզպետը։
ՍԴ դիմած համայնքապետերի կարծիքով՝ այսպիսով գործադիր իշխանությունը միջամտում է տեղական ինքնակառավարմանը, ինչը հակասում է Սահմանադրությանը։

Նրանց պահանջն այն է, որ լիազորությունների ավարտից հետո հենց իրենք էլ մնան ԺՊ-ի կարգավիճակում, մինչեւ կլինեն նոր ընտրություններ։ Իսկ սեփական ԺՊ-ն վարչական լծակներ է եւ ընտրություններում իրավիճակը տիրապետելու միջոց։ Հենց այդպես վարվեցին, դիցուք, Դիլիջանի նախկին համայնքապետ Արմեն Սանթրոսյանի հետ։ Փետրվարի 22-ին լրացավ նրա պաշտոնավարման ժամկետը, եւ իշխանությունը ԺՊ նշանակեց բենզալցակայանի նախկին աշխատակից ոմն Դավիթ Սարգսյանի, ով աշխատանքի ընդունման թերթիկում «սեռ»-ի դիմաց գրել էր «արու»։ Այդպես վարվեցին Սպիտակի եւ մյուս դիմումատու համայնքապետերի համայնքներում:

Իրավաբանների պնդմամբ՝ անկասկած է, որ ՍԴ-ն այլ վճիռ, քան հօգուտ քաղաքապետերի, չի կարող կայացնել, քանզի Սահմանադրությունն է երաշխավորում գործադիր իշխանության եւ ՏԻՄ մարմինների անկախությունը, եւ ՏԻՄ-երն ընտրված մարմիններ են, որոնց գործադիրն իրավունք չունի միջամտել։ Սակայն ամբողջ խնդիրն այն է, որ ՍԴ-ն արդեն երրորդ անգամ հետաձգում է հայցի քննությունը։ Հիշեցնենք, որ դիմումը ներկայացվել է մարտին, առաջին նիստը նշանակված էր ապրիլի 1-ին, այն տեղափոխվեց հունիսի 22, ապա՝ սեպտեմբերի 14, հիմա էլ, արդեն որերորդ անգամ, հետաձգում են նիստը․ այն տեղափոխվել է հոկտեմբերի 19։ Ուշագրավ է, որ հոկտեմբերի 17-ին մի շարք  համայնքներում, այդ թվում՝ Դիլիջանում, ՏԻՄ ընտրություններ են նշանակված, ուստի ՍԴ-ում քննությունն իմաստազրկվում է։ Հենց սրա համար էր, որ Նիկոլ Փաշինյանը պատերազմում էր ՍԴ-ի դեմ, որպեսզի ձեւավորեր իրեն կամակատար դատարան, որը ցանկացած պահի կկատարեր իր քաղաքական հրահանգները։

Երեկ փորձեցինք ՍԴ-ից մեկնաբանություն լսել, մասնավորապես, թե ովքեր են մասնակցել նիստին, քանի դատավոր է դեմ եղել, քանիսը՝ կողմ, եւ վերջապես՝ չե՞ն կարծում, որ հետաձգելը մերժելուն համազոր է, ու այլեւս իմաստազրկվել է այս հայցի քննությունը։

Դատարանի մամուլի խոսնակ Եվա Թովմասյանը մեզ փոխանցեց հետեւյալը․ «Հաշվի առնելով այն հանգամանքը, որ Սահմանադրական դատարանը որոշում է կայացրել Ձեր մատնանշած գործին միավորել նաեւ 22․07․2021թ․ քննության ընդունված՝ Զոլաքար համայնքի ղեկավարի դիմումը, ինչը ենթադրում է միավորված գործի նոր դիմումի մասով լրացուցիչ ուսումնասիրում անցկացնելու անհրաժեշտություն, որոշում է կայացվել հետաձգել  գործի դատաքննությունը՝ լրացուցիչ ուսումնասիրություն կատարելու նպատակով։ Միեւնույն ժամանակ հարկ է ընդգծել, որ տվյալ գործը քննվում է ՀՀ «Սահմանադրական դատարանի մասին» սահմանադրական օրենքի 68-րդ հոդվածի 8-րդ մասով սահմանված ժամկետների շրջանակներում»։
 

 

դիտվել է 314 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am