Türkiye. Ռուսաստանը քայլ առ քայլ շրջափակում է Թուրքիան, և Ղարաբաղում տեղակայված ռազմակայանը այս ռազմավարության մի մասն է

Ըստ թուրք պրոֆեսոր Չանկիր Կարատեկինիի, ով հավատարիմ է ծայրահեղ ռուսաֆոբ դիրքորոշմանը, Ղրիմում և Սիրիայում Ռուսաստանի ամենամեծ ռազմակայանները պետք է դիտվեն որպես սպառնալիք Թուրքիայի համար: Ավելին, Բաշար Ասադի Մոսկվա կատարած այցը, որը մեծ աղմուկ բարձրացրեց, հերթական վերահաս վտանգ է Անկարայի համար: Այդ մասին գրում է թուրքական Türkiye-ն:

Ռուսաստանը փորձում է ռազմական ուժով շրջափակել Թուրքիային. Ղրիմի միջոցով՝ հյուսիսում և Սիրիայի միջոցով՝ հարավում, ինչպես նաև օգտագործում է երկկողմ առևտրային հարաբերությունները (բնական գազ, զբոսաշրջություն և գյուղատնտեսական արտադրանք) որպես զենք:

Ռուսաստանի Դաշնությունը՝ նախագահ Վլադիմիր Պուտինի գլխավորությամբ, ավելի քան 70 հազար զինծառայող է տեղակայել Թուրքիայի շրջակայքում տեղակայված հենակետերում: Այն ժամանակ, երբ Ղրիմում տեղակայված ամենամեծ ռազմաբազան, Սիրիան դարձավ երկրորդ գոտին, որտեղ Ռուսաստանն ամենահզոր ղաղացոշն է:

Իհարկե, երկու երկրներն էլ ունեն ռազմածովային, ցամաքային և օդային ուժեր, սակայն Ռուսաստանի ռազմական ուժերը Հարավային Օսիայում, Աբխազիայում, Հայաստանում, Ղարաբաղում, Մոլդովայում և Լիբիայում նույնպես շրջափակում և սպառնալիք են ստեղծում Թուրքիայի համար: Այս առումով ուշադրություն է հրավիրվում Ռուսաստանի կողմից Հարավային Կիպրոսի հետ համատեղ ձեռնարկած ռազմաքաղաքական գործողությունները: Մի կողմից, հունական վարչակազմը փորձում է կղզում տեղադրել Ռուսաստանից գնված С-300 հրթիռային համակարգերը, մյուս կողմից՝ ռուսական նավատորմի ռազմանավերը, մասնավորապես ռուսական ամենամեծ ռազմանավերից մեկը՝ «Адмирал Кузнецов»-ը, մտնում է Լիմասոլի նավահանգիստ:

Սառը պատերազմի ռազմավարությունը

Այս պատկերը նկարագրելով, որպես սառը պատերազմի ժամանակաշրջանի ռազմավարությանը անուղղակիորեն վերադառնալու միջոց՝ փորձագետը շարունակում է. «Ռուսաստանի կողմից իրականացվող ծրագիրը «սառեցված հակամարտության» մարտավարություն է: Մոսկվան օգտագործում է ոչ միայն ռազմական շրջափակումը, այլև երկկողմ առևտրային հարաբերությունները օգտագործում է որպես զենք ինչպես բնական գազի, այնպես էլ զբոսաշրջության և գյուղատնտեսական արտադրանքի ոլորտում: Մյուս կողմից, Լիբիայում եւ Լեռնային Ղարաբաղում Ռուսաստանը բացահայտ պայքարեց Թուրքիայի դեմ: Հատկապես Ղարաբաղում ձախողեց ոչ թե հայկական ճակատը, այլ ռուսական ռազմական մարտավարությունը: Այժմ նրանք ցանկանում են այս իրավիճակը հավասարեցնել Իդլիբի միջոցով»:

Zham.am