Նիկոլ Փաշինյանի քավոր մարզպետը ապօրինի կառուցված հյուրանոցի համար վախեցել է Փաշինյանից

Աճարկուտը Իջեւանի տարածաշրջանի փոքր համայնքներից է: Աճարկուտից սերված, Ռուսաստանում բնակվող գործարար Գեւորգ Հարությունյանը հայրենի գյուղում ինքնակամ կերպով ռեստորանա-հյուրանոցային համալիր է կառուցում, նա դրա համար քանդել է տվել այդ համալիրի մոտակա կառույցը ։ Աճարկուտի համայնքի ավագանու անդամ Կարեն Ղազարյանը լրագրողիս է տրամադրել 2020թ․ հունիսի 15-ին համայնքի ղեկավարի պաշտոնակատար նշանակված Հարություն Հարությանյանի(ով Գեւորգ Հարությունյանի եղբոր որդին է) 2021թ․ օգոստոսի 16-ի որոշումը։ Այնտեղ նշված է, որ հաշվի առնելով Տավուշի մարզի առաջին ատյանի ընդհանուր իրավասության դատարանի 2021թ․ մարտի 24-ի վճիռը, Տավուշի մարզպետարանի պարզաբանումները, վարչական գործի փաստական հանգամանքների բազմակողմանի,լրիվ եւ օբյեկտիվ քննության արդյունքում ձեռք բերված ապացույցները,վարչական մարմինը հաստատված է համարում, որ Աճարկուտ համայնքի 1-ին փողոցի 23 հասցեի համայնքային սեփականություն հանդիսացող հողամասում ինքնակամ կառուցված անասնաշենքը կառուցված է սանիտարահիգիենիկ նորմերի խախտումներով, ինչպես նաեւ խախտում է կից հողամասերի եւ դրանցում առկա շինությունների սեփականատերերի իրավունքները։ Համայնքի ղեկավարի ժամանակավոր պաշտոնակատարը որոշել է Աճարկուտի 1-ին փողոցի 23 հասցեի համայնքային սեփականություն հանդիսացող հողամասում ինքնակամ կառուցված բետոնյա հիմքով եւ քարե շարվածքով շինությունն ապամոնտաժել եւ անօրինական տիրապետումից ազատել համայնքային սեփականություն հանդիսացող հողամասըԼ Կ․ Ղազարյանը հայտնեց, որ այդ շինությունը վաղուց է կառուցված, ինքը երկար ժամանակ այն օրինական կարգով օգտագործում է, այնտեղ են պահվում իր 9 կովերը, ոստիկանները շրջապատել են տարածքը, անասնագոմը քանդել են ։ Նա հայտնեց,որ ինքը խնդրի վերաբերյալ զանգահարել է Տավուշի մարզպետ Հայկ Ղալումյանին(նա վարչապետ Նիկոլ Փաշինյանի հարսանիքի քավորն է ), մարզպետն ասել է, որ եթե ինքը դեմ գնա Գեւորգ Հարությունյանի շահերին,Նիկոլն իր լավը․․ եւ որպես այդ նախադասության շարունակություն սեռական հայհոյանք է ասել։
«Հայանտառ» ՊՈԱԿ-ը դիմել է Տավուշի մարզի առաջին ատյանի դատարան, հայտնելով, որ Աճարկուտի համայնքի 1-ին փողոցի 13 հասցեում Գեւորգ Հարությունյանը ինքնակամ կառուցել է հյուրանոցային համալիր, նա ապօրինի ապամոնտաժել է « Հայանտառ» ՊՈԱԿ-ին պատկանող 264,8 քմ մակերեսով ճաշարանի շենքը եւ հիշյալ համալիրի մի մասը կառուցել նշված հողատարածքի վրա։ Դեպքի կապակցությամբ Տավուշի քննչական վարչությունում հարուցվել է քրեական գործ։ «Հայանտառ» ՊՈԱԿ-ը հետո դատարանին հայտնել է, որ Գ․ Հարությունյանը «Հայանտառին» վճարել է ճաշարանի քանդման հետեւանքով պատճառված վնասի գումարը՝ 1 միլիոն 258 հազար դրամ եւ խնդրել է գործի վարույթը կարճել։ Տավուշի մարզի առաջին ատյանի դատարանի դատավոր Արման Կուրեխյանը 2021թ․ հուլիսի 28-ին կարճել է վարույթը։ Կ․ Ղազարյանը հայտնեց, որ պայքարելու է իր խախտված իրավունքները վերականգնելու համար։
Հարցի վերաբերյալ պարզաբանումներ ստանալու համար զանգահարեցի մարզպետ Հ․Ղալումյանի եւ համայնքի ղեկավարի պաշտոնակատար Հ․ Հարությունյանի բջջային հեռախոսահամարներին, սակայն նրանք չպատասխանեցին։

Ոսկան Սարգսյանի գրառումը