Դավաճանից փրկիչ կերտելու տեխնոլոգիան կամ ինչպես է նախապատրաստվում նոր տարածքային զիջումը

Հասարակության մեջ մի զանգված կա, որ սարսափած է նոր պատերազմի վտանգից և այս հանգամանքը նաև էական նշանակություն ունեցավ հունիսի 20-ի ընտրությունների ժամանակ։ Այսինքն՝ մենք ընդունել ենք մեր պարտությունը և չենք ուզում որևէ այլ քայլ անել։ Պարտվողական տրամադրությունները նաև նպաստավոր պայման են ստեղծում հայկական կողմից նոր զիջումների գնալու և նոր փաստաթղթիի ստորագրման համար։ Ըստ էության այն ինչ այժմ կատարվում է Երասխում, նպատակ ունի հասունացնել այն վիճակը, երբ հերթական տարածքային զիջման փաստաթուղթը ընկալվելու է ոչ թե դավաճանություն, այլ որպես փրկություն։ Նման հայտարարություն է արել ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը՝ 3 հեռուստաընկերությունների ներկայացուցիչներին տված հարցազրույցում։
Նրա խոսքով՝ նման վիճակ մենք մեկ անգամ արդեն տեսել ենք։ 2020 թվականի հոկտեմբերի 19-ին, երբ մերժվեց ՌԴ նախագահի առաջարկը, վարչապետի բացատրությունն այն էր, թե համաձայնվելու դեպքում իրեն կհամարեին դավաճան։ Մինչդեռ նոյեմբերի 9-ին, երբ ստարագրվեց կապիտուլացիայի ակտը, դավաճանը դարձավ փրկիչ։«Այսինքն՝ պետք էր ունենալ հազարավոր զոհեր, տարածքային կորուստներ, Շուշիի և Հադրութի հանձնում և դու հնարավոր դավաճանից դառնում են կոնկրետ փրկիչ։ Սա պլանավորված պարտության տեխնոլոգիա է։ Եվ մենք այսօր կրկին նման մի պրոցեսի մեջ ենք գտնվում։ Նման կարգի պրովոկացիաներից հետո նոր պատերազմի վտանգը տեսանելի է դառնում ժողովրդի համար, և ժողովուրդը մարսում է հերթական փաստաթղթի ստորագրումը և տարածքի զիջումը»,- նշել է Ռոբերտ Քոչարյանը։
Խոսելով Երասխի հատվածում վերջին օրերի սահմանային լարվածության մասին՝ նա նշել է, որ Ադրբեջանը հետևողականորեն առաջ է տանում իր օրակարգը, ինչն ամենևին էլ զարմանալի չէ։

«Մոռացել ենք, որ կա Սև լիճ, որ Հայաստանի տարածքում գտնվում են բազմաթիվ ադրբեջանական զինվորներ․․․․ սա տրամաբանական շարունակությունն է այն ամենի, ինչ կատարվում էր պատերազմի ժամանակ, նաև հետպատերազմյան իրավիճակում:Մենք ցույց ենք տվել, որ ատամներ այլևս չունենք, և պետությունը ցանկություն չունի արժանապատիվ պատասխան տալու, իսկ Ադրբեջանը առաջ է տանելու իր օրակարգը»,- նշել է նախագահ Ռոբերտ Քոչարյանը՝ ընդգծելով, որ Երասխում տիրող դեպքերից հետո կարծես, թե մոռացության են տրվել մյուս խնդիրները:
Ըստ Ռոբերտ Քոչարյանի՝ իշխանությունը դարձյալ կիրառելու է պլանավորված պարտության տեխնոլոգիա.«Ես հիմա ոչնչից չեմ զարմանա, այո, նախապատրաստվում է մի համաձայնագիր, որը չի կարող լինել առանց Հայաստանի կողմից Ադրբեջանի տարածքային ամբողջականության ճանաչման, ինչը կնշանակի խաչ քաշել Արցախի ապագայի վրա»,- շեշտել է Արցախի առաջին և Հայաստանի երկրորդ նախագահը։
Իշխանությունը այս ողջ ընթացքում քաղաքական մանիպուլացիա է իրականացրել՝ խաղարկելով ժողովրդի վախի գործոնը՝ հնարավոր նոր պատերազմի վտանգը մղելով առաջին պլան։
Նրա գնահատմամբ՝ բանակի մարտունակության բարձրացումն ու պետության անվտանգության ուժեղացումը այսօրվա իշխանության համար առաջնային խնդիր չեն։ Իսկ ԳՇ պետի տեղակալ Արշակ Կարապետյանին պաշտպանության նախարար նշանակելու հեռանկարի մասին խոսելիս՝ Քոչարյանն հեգնել է, ասելով․ <<Բռավո, մենք շուտով կունենանք մարտունակ բանակ>>։ Նա նաև հակադարձ հարց է ուղղել լրագրողներին․ <<Դուք լո՞ւրջ եք վերաբերում նման նշանակումներին>>։
Քոչարյանի դիտարկմամբ՝ Հայաստանում առկա հանրային տարանջատումը շատ խորն է, քանի որ դրա հիմքում ոչ թե սոցիալական խնդիրներն են, այլ պետության լինել-չլինելու հարցն է։ Այդ հարցը շարունակելու է մնալ այնքան ժամանակ, քանի դեռ հանրությունը չի ստացել սպառիչ պատասխան՝ արդյոք մեզ տարել են պլանավորվա՞ծ պարտության։ Այդ հարցի պատասխանը տրված չէ, հետևաբար տարանջատումը չի վերանալու։


Հայկ Դավթյան

 

դիտվել է 1633 անգամ
Լրահոս
Նոր կարգավորումներ Նոր Արեշի բարձրահարկ շենքերից մեկի բակում հայտնաբերվել է 39-ամյա տղամարդու դի Ինչ է սպասվում ԱԺ աշնանային նստաշրջանում Նոր ցեղասպանություն ու ոչինչ չասող մտքեր՝ Արևմուտքից Էրդողան-Ալիև համակարգված սադրիչ քաղաքականությանը դիմագրավող չկա Պատերազմից հետո պետական մակարդակով ներդրումներ չեն արել, ասել են՝ հանձնելու ենք․ օգնել են ընկերները, ամերիկահայերը․ Աղավնոյի գյուղապետ Բաքվի «մեծահոգությունը» Հայաստանի ուղղությամբ ու խորամանկ «տրյուկը» Ինչո՞ւ եք հեռացնում խաչքարերը, ի՞նչ է, վախենո՞ւմ եք թուրքին եկեղեցի թողնել Ամո՛թ ձեզ գեներալներ, իմ հող չհանձնող Դավիթի հողը հանձնում եք թուրքին, ձեզ անիծում եմ․ հերոսի մայր (video) Թուրքիայի ու Իրանի արտգործնախարարները հեռախոսազրույց են ունեցել Ականատես ենք հերթական հետնահանջի, որը ոչ այլ ինչ է, քան արտաքին քաղաքական ասպարեզում ձախողման հետևանք... Ավտովթար Արարատի մարզում. 31-ամյա վարորդը Opel Zafira-ով հայտնվել է դաշտում Պարզվել է՝ ինչու է այսօր մահացել զինծառայողը Ե՞րբ է Կարմիր խաչը վերջին անգամ այցելել Ադրբեջանում պահվող հայ գերիներին Բա թուրքն այդպես է խոսում Աղավնոյի ու Բերձորի բնակիչների հետ. Գագիկ Մինասյան (video) Արարատի մարզում բախվել են Mercedes-ն ու ВАЗ 2107–ը. կա վիրավոր Քաշաթաղից տարհանվում են հուշարձանները Հայաստանի շախմատի հավաքականի անդամները ժամանեցին Հայաստան Հստակ է՝ Հայաստանում «արյան գետեր են հոսելու, գլուխներ են թռնելու», կամ…Հովհաննես Շահինյան (video) Ստեփանակերտը կարող է և պիտի դառնա որոշում ընդունելու տեղ․ Գեղամ Բաղդասարյան Հայաստանը կառուցողական մոտեցումներ ունի. Բայրամով ԶԻԼ-ի վարորդը դարձել է 8 ավտոմեքենաների շղթայական վթարի պատճառ Թուրքիայի խորհրդարանի նախագահը արևմտահայերի մասին պատմական դրվագ է հիշեցրել
Ամենաընթերցվածները
Շուտով
Օգոստոսի 11-ին՝ ժամը 13:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ օգոստոսի 25-ից Սոս, Բերձոր և Աղավնո համայնքները կհայտնվել Ադրբեջանի վերահսկողության ներքո. հայերի տեղահանումը բնակավայրերից. ՀՀ և Արցախի սահմանների անվտանգությունը: Օգոստոսի 11-ին, ժամը 14:00-ին Հայելի ակումբի հյուրն է «Հայրենիք» կուսակցության անդամ Արսեն Նիկողոսյանը: Օգոստոսի 11-ին, ժամը 13:00-ին Հայելի ակումբի հյուրն է Տաթև Արցախը: Օգոստոսի 11-ին, ժամը 12:30-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Օգոստոսի 11-ին՝ ժամը 12:00-ին Հայելի ակումբի հյուրն է հոգեբան Կարինե Նալչաջյանը։ Օգոստոսի 11-ին՝ ժամը 11:00-ին Հայելի ակումբի հյուրերն են զոհվածների ծնողներ: Օգոստոսի 10-ին՝ ժամը 14:30-ին Հայելի ակումբի հյուրն է զոհված զինծառայողի մայր Լիդա Առուշանյանը: Օգոստոսի 10-ին, ժամը 14:00-ին Հայելի ակումբի հյուրն է ՀՀԿ-ական Գագիկ Մինասյանը։ Օգոստոսի 10-ին, ժամը 12:00-ին Հայելի ակումբի հյուրն է քաղաքական գործիչ Խոսրով Հարությունյանը Օգոստոսի 10-ին, ժամը 13:00-ին Հայելի ակումբի հյուրն է քաղաքան գործիչ Հովհաննես Շահինյանը:
Հետևեք մեզ Facebook-ում https://www.facebook.com/hayeliclub