Փաշինյանը հաստատում է՝ Մովսես Հակոբյանի՝ իր հասցեին ուղղված բոլոր մեղադրանքները ճիշտ են

ԶՈւ գլխավոր շտաբի նախկին պետ, գեներալ-գնդապետ Մովսես Հակոբյանն ՀՀ ազգային անվտանգության ծառայությունում հարցաքննվել է. նրան մեղադրանք է առաջադրվել՝ ՀՀ ՔՕ 306-րդ հոդվածի հատկանիշներով (պետական գաղտնիք պարունակող տեղեկություններ հրապարակելը): Տեղեկությունը լրատվամիջոցների հետ զրույցում հաստատել է Հակոբյանը՝ չմանրամասնելով, թե խոսքն ինչի մասին է:
Հիշեցնենք` ՀՀ պաշտպանության նախարարության ռազմական վերահսկողության ծառայության նախկին պետ Մովսես Հակոբյանը նոյեմբերի 18-ին «Հայելի» ակումբում կազմակերպված ասուլիսի ժամանակ մի շարք փաստեր էր ներկայացրել պատերազմի ընթացքի ու հետևանքների մասին։ Նախ՝ նա նշեց, որ սպառազինության ձեռքբերման ռազմական պլանը գործող Կառավարությունը 2018 թվականին փոխել է: Ապա հավելեց, որ զինված ուժերի մարտավարական օղակը կրճատվել է, օպերատիվ օղակը՝ ավելացվել, գլխավոր շտաբի ու նախարարության անձնակազմի թվաքանակը 95%-ով աճել է, փոխարենը կրճատվել է մարտավարական օղակը` սկսած վաշտից, ավարտած՝ գնդերով, կրճատվել է հինգ գունդ, նաև՝ ջոկատի կազմն է կրճատվել` 11-ից դառնալով 9: Հակոբյանը այդ ժամանակ հայտնեց, որ պատերազմի ընթացքում զորահավաք չի իրականացվել. սեպտեմբերի 30-ի դրությամբ Արցախի բանակի համալրման պլանն իրականացվել է 78%-ով, Հայաստանինը` 52%-ով: Ի դեպ, Մովսես Հակոբյանն առաջին բարձրաստիճան զինվորականն էր, որը հրապարակային հայտնեց` պատերազմի ժամանակ Իսկանդեր է կիրառվել:
2020թ. նոյեմբերի 19-ին ասուլիսի տեսաձայնագրությունը ՀՀ գլխավոր դատախազն ուղարկել էր ՀՀ հատուկ քննչական ծառայություն` նյութեր նախապատրաստելու համար:
Հակոբյանի հայտարարությունների հիման վրա ՀՀ գլխավոր դատախազությունում հարուցվել է քրեական գործ` ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ): Այս գործի շրջանակում մեղադրյալի դատավարական կարգավիճակ ունեցող անձ չկա: Մինչդեռ ենթադրվում էր, որ հազարավոր զոհերի գնով, նման դավաճանական գործողություններով Արցախը հանձնած գլխավոր գերագույն հանցագործը պետք է անմիջապես կանչվեր հարցաքննության, ապա հաջորդեր քրեական գործի հարուցումը:
Գեներալ Մովսես Հակոբյանը բառացիորեն շեշտել էր, որ իր կարծիքով, տեղի է ունեցել հանցագործություն, քանի որ երկրի ղեկավարը պատերազմի երրորդ օրը կանգնեցրել է լրահամալրումը, ինչի մասին տեղեկացել է այն պաշտոնատար անձանցից, որոնք լրահամալրման և զորահամալրման գործընթացը կազմակերպելու պարտականություն են ունեցել։ Նա նաև ասել էր, որ ՀՀ վարչապետի կողմից լրահամալրման և զորահամալրման գործընթացը դադարեցնելու վերաբերյալ առկա է ձայնագրություն, և կարծում է, որ այն կատարվել է այդ գործընթացի համար օրենքի ուժով պատասխանատու անձանց կողմից:
Ավելի ուշ Դատախազությունը հայտարարություն տարածեց, որում նշվում էր, որևէ ձայնագրություն Հակոբյանի կողմից քննությանը չի ներկայացվել։
Բացի այդ, նախաքննական մարմինը ՀՀ ՊՆ զորակոչային և զորահավաքային համալրման ծառայությունից ստացվել են զորքերի լրահամալրման և զորահամալրման վերաբերյալ անհրաժեշտ փաստաթղթերը, որոնց զննությամբ, ըստ դատախազության, պարզվել է, որ ՀՀ զինված ուժերի զորահամալրումը և լրահամալրումը ռազմական գործողությունների ողջ ընթացքում, նաև դրանից հետո երբեք չի դադարեցվել։
:Սակայն Հակոբյան իր հերթին հայտարարեց, թե պնդում է իր ասածները.«Զինված ուժերը ժամանակին չեն համալրվել, ինչի մասին առնվազն 2000 սպա գիտի: Այսօր այդ երկու հազար սպաները հասկացան, որ վարչապետը ստում է»,- ապա հավելեց. «Ես ասել եմ՝ այն պաշտոնատար անձն է ձայնագրել, որը պատասխանատու է: Այսօր ինքն այդ ձայնագրությունը ջնջել է, չգիտեմ՝ ինչ պատճառներով, բայց դրանից զատ՝ կան նաև գրավոր փաստաթղթեր, որը ևս ապացուցում է ասվածը: Եվ քննիչն իր աշխատանքը պատշաճ չի կատարել, որովհետև այդ ձայնագրությունը, ի դեպ, լսել են ևս երեք հոգի, ես հայտարարել եմ այդ մարդկանց մասին, սակայն նրանք չեն հարցաքննվում:
Կան փաստաթղթեր, որոնք ապացուցում են, որ Զինված Ուժերը համալրում չի կատարել: Մարդիկ, ովքեր հասկանում են՝ ինչ է լրահամալրում, ինչ է զորահամալրում, կհասկանան. ցավոք, մեր իշխանավորները չգիտեն՝ դրանք ինչեր են, որ դրանք տարբեր գործընթացներ են և տարբեր ժամանակացույցով պլանավորված միջոցառումներ են:
Գոնե մեր բանակում 2000 սպա, որոնք պատասխանատու են, հաշվառում են իրականացնում լրահամալրման, իրենց մոտ այդ տվյալները բացակայում են (կոնկրետ մարդիկ՝ անուն-ազգանուններով չեն գնացել բանակ և չեն համալրել մեր բանակի շարքերը)»,- լրատվամիջոցների հետ զրույցում ասել էր ՀՀ ՊՆ ռազմական վերահսկողության ծառայության նախկին պետը: Ստացվում է՝ Նիկոլ Փաշինյանի գրպանի ուժային կառույցները փոխանակ հայտնաբերեն հանցագործին եւ պատասխանատվության ենթարկեն, մեղադրանք են առաջադրում Հակոբյանին՝ պետական գաղտնիք բացահայտելու համար: Այսինքն կարելի է հայրենիք հանձնել, կարելի է հազարավոր մարդկանց զոհել, բայց չի կարելի խոսել այդ մասին: Ռեժիմն, իսկապես, խուճապի մեջ է եւ ընտրություններից առաջ որոշել են ռեպրեսիաներով անկյուն մղել իրենց անխնա քննադատներին:

Իսկ Մոսիին առաջադրած մեղադրանքը խոսում է այն մասին, որ նրա հայտնած բոլոր տեղեկությունները ճիշտ են, միգուցե պետակա գաղտնիք են, բայց ճիշտ են:

Անի Սահակյան

դիտվել է 1425 անգամ
Լրահոս
Վաղը, ժամը 9:00-ից պողպատե մանդատը գործի կդնենք. Սուրեն Պապիկյան Թուրք-ադրբեջանական ցնծություն. Թուրքական երջանկության մեխանիկան՝ Նիկոլի հաղթանակի համար Թուրքական ռազմաբազան ՀՀ սահմանի մոտ ու Լավրովի «շշուկները». Շուշիի հռչակագրի առաջին «ծաղիկը» Արդյոք ներկա իշխանությունը շահագռգռվա՞ծ է փոխել կրթական համակարգը, եթե իր հենքը միջին և միջին-տեխ կրթությամբ մարդիկ են. Էլիբեգովա Ռուս դիրքապահները կտեղակայվեն Գեղարքունիքում․ և՛ թշնամին է զորքը հետ քաշելու, և՛ մենք. մարզպետ «Ախր նախիրն ու հոտը ինչի՞ պիտի իրավունք ունենան երկրի ճակատագիրը որոշելու…». Դավիթ Ամալյան Նիկոլը էն գոմիկների բազառից հետո մուռ ա պահել Շուռնուխի վրա Նրանք, ովքեր հայրենիքի համար են պայքարում, շարունակենք մեր պայքարը։ Հայրենիքի գինը քվեն չի, հայրենիքի գինը կյանքն ա Շնորհավոր կապիտուլյանտ, մեր ցեղախումբը արժանի է հենց քեզ Ինչ են գողացել ադրբեջանցիները. մանրամասներ Գարունը գալու է Հայաստան, եթե պետք է նույնիսկ մի ծաղկով կբերենք Եւ այդ մեկ հաջորդ պլյուս-մինուսը հենց դու ես Դաժան բան եմ ասում, բայց միշտ հիշեք... Գոռ Սեդրակյանին մեղադրանք է առաջադրվել. Փաստաբան Հայտնաբերվել է ևս 3 աճյուն Սա սխալը գիտակցած մարդու գրառում է և սեփական ժողովրդից ՆԵՐՈՂՈՒԹՅՈՒՆ խնդրել ես ՊԱՐՏԱՎՈՐ եմ Եթե ձեր մտահոգությունն ազնիվ է, ապա ԵԽԽՎ-ն պիտի կոնկրետ պատժամիջոցներ կիրառի Ադրբեջանի հանդեպ․ Ն.Զոհրաբյանը՝ ԵԽ-ում Ստեփանակերտում լարված իրավիճակ է « Արայիկ Հարությունյանը պետք է հեռանա». բողոքի ակցիա Ստեփանակերտում Երբ իշխանության համար պայքարը մատուցվում է «Հայրենիքի փրկության» շղարշի ներքո, ներկայացվում տարբեր սցենարներով.Ղարամյան Ընտրակաշառք տալու և ստանալու դեպքեր Արարատի մարզում. երկու քրգործով որպես կասկածյալ է ներգրավվել 9 անձ «Հայհոյել է ու սպառնացել, որը զուգորդվել է բացառիկ ցինիզմով». «Մանախին» մեղադրանք է առաջադրվել Գեղարքունիքում ավտովթարի հետեւանքով երեխա է մահացել «Վաղը, երբ 10 մետրից թուրք տեսնեք, հանեք 3 համարի թուղթ ցույց տվեք` օգնում է». Մհեր Մկրտչյան Ինչ որոշում ունի «Հայաստան» դաշինքը
Ամենաընթերցվածները
Շուտով
Հունիսի 22-ին, ժամը 16:00-ին Հայելի ակումբի հյուրն է Politik.am-ի գլխավոր խմբագիր Բորիս Մուրազին: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 12:00-ին Հայելի ակումբի հյուրն է փորձագետ Հայկազունի Ալվրցյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 14:00-ին Հայելի ակումբի հյուրն ՍԴ աշխատակազմի նախկին ղեկավար Էդգար Ղազարյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 13:00-ին Հայելի ակումբի հյուրն է Երկիր ծիրանի կուսակցության առաջնորդ Զարուհի Փոստանջյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 15:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, ամփոփում Հունիսի 18-ին, ժամը 11:00-ին Հայելի ակումբի հյուրերն են ազատամարտիկ Գառնիկ Առաքելյանը և նախկին պատգամավոր Արագած Ախոյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 12:30-ին Հայելի ակումբի հյուրն է քաղաքագետ, վերլուծաբան Մանուկ Սուքիասյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրերն են պատգամավոր Գևորգ Պետրոսյանը և «Paracelsus» ՀԿ հիմնադիր և ղեկավար, բժիշկ Նունե Ներսիսյանը։ Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 15:00-ին Հայելի ակումբի հյուրն է «Ազգային անվտանգություն» կուսակցության նախագահ Գառնիկ Իսագուլյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում
Հետևեք մեզ Facebook-ում https://www.facebook.com/hayeliclub