Կրեմլից սարսափում են. ԱՄՆ-ի հետախուզության զեկույցը

Ռուսաստանը դադարեցրեց ղարաբաղյան պատերազմը, բայց և ընդարձակեց սեփական ռազմական ու տնտեսական ազդեցությունը Հարավային Կովկասում, հայտարարել է Պենտագոնի հետախուզական վարչության ղեկավար Սքոթ Բերրյերը։

Ամերիկյան Կոնգրեսում ներկայացնելով համաշխարհային սպառնալիքներին ու վտանգներին նվիրված տարեկան զեկույցը՝ գեներալ-լեյտենանտը, ըստ «Ազատության», փաստել է՝ Մոսկվան հիմա ստիպված է վերանայել իր ռազմավարությունը նախկին Խորհրդային Միության տարածքում` հաշվի առնելով այդ տարածաշրջանում իրենց ազդեցությունն ընդարձակելու Չինաստանի, Թուրքիայի և Արևմուտքի ջանքերը։

«Ռուսաստանի նախաձեռնությամբ ձեռք բերված հրադադարը կանգնեցրեց պատերազմը Լեռնային Ղարաբաղում, բայց, միաժամանակ, ամրապնդեց Մոսկվայի ռազմական ու տնտեսական ազդեցությունը տարածաշրջանում»,- փաստում է հետախուզական կառույցի զեկույցը, մանրամասնելով՝ այսօր Մոսկվան իր զորքերն ունի Հարավային Կովկասի բոլոր երեք երկրներում։

Ամերիկյան հետախուզությունը նշում է, որ ամենայն հավանականությամբ Ռուսաստանը կշարունակի իր ազդեցությունը գործի դնել՝ վերահսկողության տակ պահելով նաև Հայաստանի ու Ադրբեջանի միջև տրանսպորտային կապերի բացումն ու հաղորդակցությունը։

Փաստելով, որ իր հարևանությամբ գտնվող երկրներում Մոսկվայի տնտեսական ազդեցությունը գնալով թուլանում է՝ ֆինանսական առավել մեծ հնարավորություններ ունեցող խաղացողների, օրինակ, Չինաստանի կողքին, զեկույցն արձանագրում է՝ Ռուսաստանին հիմա թերևս առավել անհրաժեշտ է մնալ այդ տարածաշրջանի անվտանգության հիմնական երաշխավորը։ Դա, սակայն, այնքան էլ հեշտ չէ․ «Վրաստանի, Ուկրաինայի ու Ադրբեջանի համագործակցությունը ՆԱՏՕ-ի դաշնակիցների և արտաքին այլ աջակիցների հետ գնալով ավելի մեծ մարտահրավերներ է նետում անվտանգության ոլորտում Ռուսաստանի գերիշխանությանը»։

Որպես օրինակ, զեկույցը նաև ղարաբաղյան վերջին պատերազմն է վկայաբերում, արձանագրելով՝ 44-օրյա պատերազմին ուղղակի միջամտությունից խուսափելու Մոսկվայի որոշումը, ինչպես նաև Բելառուսի զանգվածային ցույցերին տրված զուսպ արձագանքը վկայում է, որ Կրեմլը փոխում է իր մարտավարությունը նախկին Խորհրդային Միության տարածքում։

Խոսելով ապագայի մասին՝ Պենտագոնի հետախուզական վարչությունը կանխատեսում է՝ Հարավային Կովկասում և Կենտրոնական Ասիայում իր առաջնորդությունը պահպանելու համար Մոսկվան ամենայն հավանականությամբ կզուգակցի մի քանի գործոններ՝ կպահպանի առաջնային դերը զենքի մատակարարման շուկայում, կամրապնդի գոյություն ունեցող երկկողմ ռազմական կապերը, կխթանի անվտանգության ոլորտում ինտեգրացիոն գործընթացները և չափավոր դեր կտա արտաքին ուժերին՝ իր իսկ թելադրած պայմաններով։

Ընդհանուր առմամբ, անդրադառնալով համաշխարհային անվտանգությանը` Պենտագոնի հետախուզական վարչության ղեկավարը նշել է. «Այժմ մենք գտնվում ենք ռազմավարական մրցակցության դարաշրջանում։ Չինաստանը, Ռուսաստանը հզորացնում են իրենց կարողությունները՝ նոր մարտահրավերներ նետելով Միացյալ Նահանգներին»:

«Չինաստանը մնում է ԱՄՆ երկարաժամկետ ռազմավարական մրցակից, որը նաև անվտանգության սպառնալիք է ներկայացնում։ Պեկինը տարբեր միջոցներ է ձեռնարկում, այդ թվում՝ դիվանագիտական, տնտեսական, լրտեսական ու ռազմական՝ իր մարտավարական նպատակներին հասնելու համար։ Ռուսաստանի զինուժը ևս մեծ սպառնալիք է Միացյալ Նահանգների համար․ Մոսկվան պատրաստ է իր ուժը ցուցադրել ժամանակակից կոնվենցիոնալ զինատեսակների և իր սահմաններից դուրս ռազմական գործողություններ ծավալելով»։

Բերրյերն ընդգծել է, որ Ռուսաստանը արդիականացրել է իր միջուկային զինանոցի 82 տոկոսը, բացի այդ տարեկան հարյուրավոր միջուկային մարտագլխիկներ է արտադրում և ի տարբերություն Միացյալ Նահանգների, չի հետևում միջուկային փորձարկումների արգելանքին։ «Կրեմլը Նահանգներն ու ՆԱՏՕ-ն համարում է իր սեփական անվտանգության, աշխարհաքաղաքական նկրտումների ու իշխող ուժի պահպանման սպառնալիք»,- ընդգծել է Պենտագոնի հետախուզական վարչության ղեկավարը։

Ամերիկյան հետախուզությունը, փաստորեն, ուշի-ուշով հետևում է Ռուսաստանի գործունեությանը, արձանագրում է Մոսկվայի ազդեցության մեծացումը նախկին խորհրդային հանրապետություններում: Պատահական չէ, որ առանձին ուշադրության է արժանանում 44-օրյա պատերազմը, որի արդյունքում ռուս խաղաղապահները հիմա Լեռնային Ղարաբաղում են:

Ու բոլորովին էլ պատահական չէ, որ ռուսական ազդեցության մեծացմանը զուգահեռ թե Հայաստանում, թե Ադրբեջանում հենց Ռուսաստանի հանդեպ դժգոհություն է սկսել արտահայտվել, Բաքվում անգամ բողոքի ցույցեր են ընթացան՝ ռուս խաղաղապահներին «վռնդելու» կոչերով: Արևմուտքը, փաստորեն, Բաքվում՝ ի դեմս Թուրքիայի, Հայաստանում՝ տարբեր ֆոնդերի միջոցով, հստակ աշխատում են ընդդեմ Կրեմլի:

Մետաքսյա Շալունց

դիտվել է 5107 անգամ
Լրահոս
Վաղը, ժամը 9:00-ից պողպատե մանդատը գործի կդնենք. Սուրեն Պապիկյան Թուրք-ադրբեջանական ցնծություն. Թուրքական երջանկության մեխանիկան՝ Նիկոլի հաղթանակի համար Թուրքական ռազմաբազան ՀՀ սահմանի մոտ ու Լավրովի «շշուկները». Շուշիի հռչակագրի առաջին «ծաղիկը» Արդյոք ներկա իշխանությունը շահագռգռվա՞ծ է փոխել կրթական համակարգը, եթե իր հենքը միջին և միջին-տեխ կրթությամբ մարդիկ են. Էլիբեգովա Ռուս դիրքապահները կտեղակայվեն Գեղարքունիքում․ և՛ թշնամին է զորքը հետ քաշելու, և՛ մենք. մարզպետ «Ախր նախիրն ու հոտը ինչի՞ պիտի իրավունք ունենան երկրի ճակատագիրը որոշելու…». Դավիթ Ամալյան Նիկոլը էն գոմիկների բազառից հետո մուռ ա պահել Շուռնուխի վրա Նրանք, ովքեր հայրենիքի համար են պայքարում, շարունակենք մեր պայքարը։ Հայրենիքի գինը քվեն չի, հայրենիքի գինը կյանքն ա Շնորհավոր կապիտուլյանտ, մեր ցեղախումբը արժանի է հենց քեզ Ինչ են գողացել ադրբեջանցիները. մանրամասներ Գարունը գալու է Հայաստան, եթե պետք է նույնիսկ մի ծաղկով կբերենք Եւ այդ մեկ հաջորդ պլյուս-մինուսը հենց դու ես Դաժան բան եմ ասում, բայց միշտ հիշեք... Գոռ Սեդրակյանին մեղադրանք է առաջադրվել. Փաստաբան Հայտնաբերվել է ևս 3 աճյուն Սա սխալը գիտակցած մարդու գրառում է և սեփական ժողովրդից ՆԵՐՈՂՈՒԹՅՈՒՆ խնդրել ես ՊԱՐՏԱՎՈՐ եմ Եթե ձեր մտահոգությունն ազնիվ է, ապա ԵԽԽՎ-ն պիտի կոնկրետ պատժամիջոցներ կիրառի Ադրբեջանի հանդեպ․ Ն.Զոհրաբյանը՝ ԵԽ-ում Ստեփանակերտում լարված իրավիճակ է « Արայիկ Հարությունյանը պետք է հեռանա». բողոքի ակցիա Ստեփանակերտում Երբ իշխանության համար պայքարը մատուցվում է «Հայրենիքի փրկության» շղարշի ներքո, ներկայացվում տարբեր սցենարներով.Ղարամյան Ընտրակաշառք տալու և ստանալու դեպքեր Արարատի մարզում. երկու քրգործով որպես կասկածյալ է ներգրավվել 9 անձ «Հայհոյել է ու սպառնացել, որը զուգորդվել է բացառիկ ցինիզմով». «Մանախին» մեղադրանք է առաջադրվել Գեղարքունիքում ավտովթարի հետեւանքով երեխա է մահացել «Վաղը, երբ 10 մետրից թուրք տեսնեք, հանեք 3 համարի թուղթ ցույց տվեք` օգնում է». Մհեր Մկրտչյան Ինչ որոշում ունի «Հայաստան» դաշինքը
Ամենաընթերցվածները
Շուտով
Հունիսի 22-ին, ժամը 16:00-ին Հայելի ակումբի հյուրն է Politik.am-ի գլխավոր խմբագիր Բորիս Մուրազին: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 12:00-ին Հայելի ակումբի հյուրն է փորձագետ Հայկազունի Ալվրցյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 14:00-ին Հայելի ակումբի հյուրն ՍԴ աշխատակազմի նախկին ղեկավար Էդգար Ղազարյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 13:00-ին Հայելի ակումբի հյուրն է Երկիր ծիրանի կուսակցության առաջնորդ Զարուհի Փոստանջյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 15:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, ամփոփում Հունիսի 18-ին, ժամը 11:00-ին Հայելի ակումբի հյուրերն են ազատամարտիկ Գառնիկ Առաքելյանը և նախկին պատգամավոր Արագած Ախոյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 12:30-ին Հայելի ակումբի հյուրն է քաղաքագետ, վերլուծաբան Մանուկ Սուքիասյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրերն են պատգամավոր Գևորգ Պետրոսյանը և «Paracelsus» ՀԿ հիմնադիր և ղեկավար, բժիշկ Նունե Ներսիսյանը։ Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 15:00-ին Հայելի ակումբի հյուրն է «Ազգային անվտանգություն» կուսակցության նախագահ Գառնիկ Իսագուլյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում
Հետևեք մեզ Facebook-ում https://www.facebook.com/hayeliclub