Սերժ Սարգսյանի անհավատալի արդարացումները, և Նիկոլ Փաշինյանի՝ դժոխքի հակառակ կողմը նոր գրքի ուրվապատկերը

ՀՀ 3-րդ նախագահ Սերժ Սարգսյանը կինոռեժիսոր Մհեր Մկրտչյանի հետ հարցազրույցում անդրադարձել է 2018 թվականի հայտնի իրադարձություններին, որոնց արդյունքում ինքը իշխանությունը հանձնեց Նիկոլ Փաշինյանին։

Ի վերջո ի՞նչ էր նշանակում՝ Նիկոլը ճիշտ էր, ես սխալվեցի արտահայտությունը։ Սերժ Սարգսյանը պատմել է, որ հրաժարականի տեքստը, բնականաբար ցույց է տվել Կարեն Կարապետյանին, և նրա առաջարկով այնտեղից հանվել են որոշ նախադասություններ։ Ըստ այդմ՝ ամբողջական միտքը եղել է հետևյալը․ <<Նիկոլը ճիշտ էր, երբ ասում էր՝ պատրաստ է ցանկացած քայլի՝ իշխանության հասնելու համար։ Ես սխալ էի, երբ մտածում էի, թե Նիկոլ Փաշինյանի համար թանկ է ՀՀ յուրաքանչյուր քաղաքացու կյանքը։ Կարապետյանի առաջարկով՝ տեքստից հանվել է նաև իրեն ուղղված բարեմաղթանքի հատվածը։ 
Սերժ Սարգսյանը փորձել է բացատրել՝ ինչո՞ւ ռադիոտունը գրավելու օրը Փաշինյանը չձերբակալվեց, փոխարենը ձերբակալվեց Մարիոթ Արմենիա հյուրանոցում իր հետ հանդիպումից հետո՝ ապրիլի 22-ին։ Հիմնավորումը, թե ռադիոտան միջադեպի օրը փողոցը դեռ սակավաթիվ էր, իսկ հետո արդեն կալանքը պետք էր՝ իրավիճակը հանդարտեցնելու համար, այդ պատճառով էլ, Սերժ Սարգսյանի խոսքով, ինքը չի ընդդիմացել իրավապահների որոշմանը, մեղմ ասած աբսուրդային է։ Տպավորություն է, թե Սերժ Սարգսյանն սպասել է, մինչև փողոցում հավաքվի կրիտիկական զանգված, և գործողությունների թելադրողը դառնա ոչ թե իշխանությունը, այլ փողոցը։ Իսկ հետո արդեն Փաշինյանն ազատ է արձակվել, քանի որ այդպես Կարեն Կարապետյանի դիրքերն ավելի ամուր կլինեին։ Սերժ Սարգսյանի այս բացատրությունը ևս անհավանականության տեսությունների ժանրից է, որովհետև բանտից դուրս գալուց երկու օր անց Նիկոլ Փաշինյանը հայտարարեց․ <<Կա՛մ ես կդառնամ ՀՀ վարչապետ, կա՛մ ՀՀ-ն վարչապետ չի ունենա>>։

Մի տեսակ դժվար է հավատալ, որ Սերժ Սարգսյանն այդ աստիճանի չէր ճանաչում այն անձին, ում հանձնեց իշխանությունն ու երկիրը։ Խոսքը, չմոռանանք, այդ նույն Սերժ Սարգսյանի մասին է, որն իր կառավարման 10 տարվա ընթացքում սեփական թիմից այդպես էլ հստակ իրավահաջորդի չգտավ, այն դեպքում, երբ ՀՀԿ-ի թիմում կային բավականին խելացի և փորձված գործիչներ, որոնց կարողությունների մասին ինքը՝ Սեր- Սարգսյանը, նույն հարցազրույցում խոսել է բարձր վստահությամբ։ Ի դեպ, ժառանգորդ դառնալու առաջարկ, պարզվում է, Ազատիչն արել է Կարեն Կարապետյանին, դեռևս 2016 թվականին, երբ վերջինը ստանձնեց վարչապետի պաշտոնը։

<< Երբ ես Կարեն Կարապետյանին 2016 առաջարկեցի ստանձնել ՀՀ վարչապետի պաշտոնը, իրեն ասել եմ, որ եթե այդ պաշտոնում իրեն լավ դրսևորի, իմ համոզմամբ, պետք է հանդիսանա իմ իրավահաջորդը՝ առանց ժամկետ նշելու։ Լավ արդյունքներ կային, 2017-ին այդ արդյունքները շատ ավելի տեսանելի էին։ 2017-ին տեղի ունեցան ընտրություններ, մենք հաջողություն ունեցանք և շարունակեցինք աշխատել։ 2018-ին լրանում էր նախագահական ժամկետը և պետք էր որոշում կայացնել։ Առաջին խոսակցությունը մենք ունեցել ենք 2017-ի կամ ամռան վերջին կամ աշնան սկզբին, շատ պարզ, անկեղծ խոսակցություն էր։ Մենք քայլում էինք կառավարական ամառանոցում, ես Կարեն Կարապետյանին ասացի հետևյալը, Կարե՛ն, արդեն որոշում ընդունելու պահն է, շուտով նախագահի իմ լիազորություններն ավարտվում են, պատրա՞ստ ես ստանձնել վարչապետի պարտականությունները, նա ասաց՝ իսկ դուք ի՞նչ եք կարծում։ Ասացի՝ ես համոզված եմ, որ եթե փոխվեն գլխավոր բանակցողները, համանախագահները կարող են փորձել այլ տարբերակներ առաջարկել, մենք 10 տարի աշխատել ենք, և համանախագահների դիրքորոշումները չեն տարբերվել մեր դիրքորոշումից, մենք եղել ենք կառուցողական կողմը, Ադրբեջանը՝ ապակառուցողական, մեր քաղաքականության արդյունքում է դա եղել։ Ասացի՝ ես կարծում եմ, որ եթե քեզ որևէ կերպ չի նեղացնի, մենք որոշ սահմանափակ ժամանակ աշխատենք այսպես՝ ես վարչապետի պաշտոնում, դու՝ փոխվարչապետի, զբաղվելու ես տնտեսության խնդիրներով, իմ կողմից նվազ միջամտությամբ, ես փորձեմ իմ ասած խնդիրները բերել այնպիսի ռելսերի վրա, որ հետո չունենանք մեծ պրոբլեմներ։ Ասաց՝ միանշանակ այդպես ճիշտ կլինի»,- պատմել է Սերժ Սարգսյանը։

Սերժ Սարգսյանը նաև արդարացել է՝ ասելով, թե իր նախորդ անգամվա հայտարարությունը՝ <<Ես իշխանությունը տվել եմ Կարեն Կարապետյանին>>,- ամենևին չի նշանակում, որ «իշխանափոխությունը գցում եմ Կարեն Կարապետյանի գրպանը»։ Իրականում, Ազատիչի պնդմամբ, դա այդպես չէ։ «Ես կարող էի առաջարկել անցկացնել խորհրդարանական նոր ընտրություններ>>,- ի պատասխան հրաժարականից բացի այլ լուծումների գնալու մասին հարցի՝ ասել է Սերժ Սարգսյանը, ապա ավելացրել․ «Կարող էի նաև հրաժարական չտալ, դրանք լուծումներ են, չէ՞։ Բայց ես դրանցից ոչ մեկին չգնացի, որովհետև ինձ համար այլևս անհնարին էր թվում այն առաքելությունը, որ ես պետք է ունենայի վարչապետի պաշտոնում»։

Ստվերային հանդիպումների ու պայմանավորվածությունների մասին տարաբնույթ վարկածներն ու խոսակցությունները Սերժ Սարգսյանը որակել է բամբասանքներ՝ ասելով, որ ինքը միայն մեկ հանդիպումից է տեղյակ, որ տեղի է ունեցել Երևանում, քննչական ժամանակավոր մեկուսարանում Կարեն Կարապետյանի և Նիկոլ Փաշինյանի մասին․ << Ես ճիշտ չեմ համարում հրապարակավ ասել այն, ինչը Կարեն Կարապետյանն ինձ է ասել, վստահ եմ, որ ինչ-որ մի պահի Կարեն Կարապետյանը այդ մասին կխոսի>>,- ասել է էքսնախագահը՝ չբացելով փակագծերը։ Փոխարենը նա պնդել է, որ ինքը պարտվել է ոչ թե Նիկոլ Փաշինյանին, այլ ավելի հզոր ուժերի, բայց ոչ սորոսականներին։ Ըստ Սերժ Սարգսյանի՝ սորոսականներն իրականում աջակցել են Նիկոլ Փաշինյանի հեղափոխությանը, սակայն իրականացնողը իրենք չեն եղել։

Այնուամենայնիվ, ո՞վ էր այն հզոր ուժը, որին Սերժ Սարգսյանը այդքան թեթևությամբ տվեց իշխանությունը։ Երևի մենք այս հարցի պատասխանը կհասկանանք այն ժամանակ, երբ Նիկոլ Փաշինյանը գրի իր նոր <<Դժոխքի հակառակ կողմը>> գիրքը, որի սցենարը արդեն ուրվագծված է։

 

Հայկ Դավթյան

 

դիտվել է 3407 անգամ
Լրահոս
Վաղը, ժամը 9:00-ից պողպատե մանդատը գործի կդնենք. Սուրեն Պապիկյան Թուրք-ադրբեջանական ցնծություն. Թուրքական երջանկության մեխանիկան՝ Նիկոլի հաղթանակի համար Թուրքական ռազմաբազան ՀՀ սահմանի մոտ ու Լավրովի «շշուկները». Շուշիի հռչակագրի առաջին «ծաղիկը» Արդյոք ներկա իշխանությունը շահագռգռվա՞ծ է փոխել կրթական համակարգը, եթե իր հենքը միջին և միջին-տեխ կրթությամբ մարդիկ են. Էլիբեգովա Ռուս դիրքապահները կտեղակայվեն Գեղարքունիքում․ և՛ թշնամին է զորքը հետ քաշելու, և՛ մենք. մարզպետ «Ախր նախիրն ու հոտը ինչի՞ պիտի իրավունք ունենան երկրի ճակատագիրը որոշելու…». Դավիթ Ամալյան Նիկոլը էն գոմիկների բազառից հետո մուռ ա պահել Շուռնուխի վրա Նրանք, ովքեր հայրենիքի համար են պայքարում, շարունակենք մեր պայքարը։ Հայրենիքի գինը քվեն չի, հայրենիքի գինը կյանքն ա Շնորհավոր կապիտուլյանտ, մեր ցեղախումբը արժանի է հենց քեզ Ինչ են գողացել ադրբեջանցիները. մանրամասներ Գարունը գալու է Հայաստան, եթե պետք է նույնիսկ մի ծաղկով կբերենք Եւ այդ մեկ հաջորդ պլյուս-մինուսը հենց դու ես Դաժան բան եմ ասում, բայց միշտ հիշեք... Գոռ Սեդրակյանին մեղադրանք է առաջադրվել. Փաստաբան Հայտնաբերվել է ևս 3 աճյուն Սա սխալը գիտակցած մարդու գրառում է և սեփական ժողովրդից ՆԵՐՈՂՈՒԹՅՈՒՆ խնդրել ես ՊԱՐՏԱՎՈՐ եմ Եթե ձեր մտահոգությունն ազնիվ է, ապա ԵԽԽՎ-ն պիտի կոնկրետ պատժամիջոցներ կիրառի Ադրբեջանի հանդեպ․ Ն.Զոհրաբյանը՝ ԵԽ-ում Ստեփանակերտում լարված իրավիճակ է « Արայիկ Հարությունյանը պետք է հեռանա». բողոքի ակցիա Ստեփանակերտում Երբ իշխանության համար պայքարը մատուցվում է «Հայրենիքի փրկության» շղարշի ներքո, ներկայացվում տարբեր սցենարներով.Ղարամյան Ընտրակաշառք տալու և ստանալու դեպքեր Արարատի մարզում. երկու քրգործով որպես կասկածյալ է ներգրավվել 9 անձ «Հայհոյել է ու սպառնացել, որը զուգորդվել է բացառիկ ցինիզմով». «Մանախին» մեղադրանք է առաջադրվել Գեղարքունիքում ավտովթարի հետեւանքով երեխա է մահացել «Վաղը, երբ 10 մետրից թուրք տեսնեք, հանեք 3 համարի թուղթ ցույց տվեք` օգնում է». Մհեր Մկրտչյան Ինչ որոշում ունի «Հայաստան» դաշինքը
Ամենաընթերցվածները
Շուտով
Հունիսի 22-ին, ժամը 16:00-ին Հայելի ակումբի հյուրն է Politik.am-ի գլխավոր խմբագիր Բորիս Մուրազին: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 12:00-ին Հայելի ակումբի հյուրն է փորձագետ Հայկազունի Ալվրցյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 14:00-ին Հայելի ակումբի հյուրն ՍԴ աշխատակազմի նախկին ղեկավար Էդգար Ղազարյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 13:00-ին Հայելի ակումբի հյուրն է Երկիր ծիրանի կուսակցության առաջնորդ Զարուհի Փոստանջյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 15:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, ամփոփում Հունիսի 18-ին, ժամը 11:00-ին Հայելի ակումբի հյուրերն են ազատամարտիկ Գառնիկ Առաքելյանը և նախկին պատգամավոր Արագած Ախոյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 12:30-ին Հայելի ակումբի հյուրն է քաղաքագետ, վերլուծաբան Մանուկ Սուքիասյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրերն են պատգամավոր Գևորգ Պետրոսյանը և «Paracelsus» ՀԿ հիմնադիր և ղեկավար, բժիշկ Նունե Ներսիսյանը։ Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 15:00-ին Հայելի ակումբի հյուրն է «Ազգային անվտանգություն» կուսակցության նախագահ Գառնիկ Իսագուլյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում
Հետևեք մեզ Facebook-ում https://www.facebook.com/hayeliclub