Ռուբեն Հայրապետյանի դեմ քրգործն ուղղորդելուց հետո Աննա Վարդապետյանը կհեռանա Լոնդոն

Վարչապետ Նիկոլ Փաշինյանի օգնական Աննա Վարդապետյանը պատրաստվում է մեկնել Մեծ Բրիտանիա, համենայն դեպս՝ տասն օր առաջ ուղևորության համար փաստաթղթերի հավաքման հարցերով է զբաղվել:

Yerevan.Today –ին աղբյուրը ավելին չհայտնեց, բայց երկրորդ աղբյուրից հաստատվեց Վարդապետյանի մեկնելու լուրը: Պաշտոնյան չպատասխանեց մեր զանգերին, որպեսզի այցի պատճառների մասին պարզաբանում ստանանք: Նկատենք, Նիկոլ Փաշինյանը այս ուղղությամբ այցի պլաններ չունի, գոնե առաջիկայում չի նախատեսվում:

Հետևաբար, խիստ տարօրինակ է վարչապետի օգնականի այցը Լոնդոն, այն էլ հիմա, երբ ԱԱԾ-ում սույն տիկնոջ առնչության փաստով ուսումնասիրվում են նյութեր, որպեսզի քրգործ հարուցեն:

Չմոռանանք՝ մարտի 12-ից սկսած՝ վարչապետի այս օգնականը լրահոսում գլխագրերի ամենակարդացվող հերոսներից մեկն է, նրա մասին սկանդալային լուրեր են տարածվում պարբերաբար, այդ թվում տեսանյութ հրապարակվեցր՝ Վարդապետյանի մասնակցությամբ հանցագործության փաստացի դրվագներով:

Խոսքը ՀՖՖ նախկին նախագահ Ռուբեն Հայրապետյանի և նրա որդու քր գործերը խմբագրելու տեսանյութի մասին է, որում սլաքները տանում էին դեպի վարչապետի կաբինետ:

Ճիշտ է՝ հաքերները ֆիքսել էին, որ նախկինների դեմ քրգործերի քննությունն ուղղորդվում է անձամբ Աննա Վարդապետյանի միջամտությամբ, բայց պարզից էլ պարզ է, որ 33-ամյա երիտասարդ աղջիկը «Նեմեց Ռուբոյին» և նրա որդուն չի ճանաչում, ուստի նրանց դեմ հարուցված քրգործերը քրքրելու, խմբագրելու անձնական մոտիվացիա չէր կարող ունենալ: Հետևաբար, տրամաբանությունը հուշում է այս սցենարը՝ Աննան միջամտել է, որովհետև ինչ որ մեկն է դա ցանկացել ու հրահանգել նրան, իսկ վարչապետի օգնականին հրահանգելու իրավունքը միմիայն ինքը՝ Նիկոլ Փաշինյանն ունի, ուրիշ ոչ ոք։

Ուստի հաշվի առնելով Աննա Վարդապետյանի մեկնելու և առաջիկայում սպասվող արտահերթ ընտրությունների ժամկետները, չի բացառվում, որ Վարդապետյանն փախուստի է դիմում և ուղղությունը վերցրել է դեպի Մեծ Բրիտանիա:

Կարծիք կա, որ Աննան Նիկոլ Փաշինյանի ամենանվիրված անձանցից մեկն է կառավարությունում: Ստացվում է՝ մասնագիտությամբ իրավաբան օգնականի նվիրվածությունը վերադասը շահագործել է այն աստիճան, որ նրան դրդել է ահա այսպիսի ծանր հանցագործությունների: Ու հիմա, որ ամեն ինչ ջրի երես է դուրս ելել, իսկ երկրում առկա ճգնաժամը գործող թիմի վերընտրվելը չի երաշխավորում, Փաշինյանին այլ ելք չի մնում, քան փախուստ իրավիճակից: Նիկոլը լավ է հասկանում, որ սույն երիտասարդ կնոջը առնվազն ընտրություններից հետո սպասվում է ամենասարսափելին՝ ազատազրկում: Եվ նա ունի ունի երկու ընտրություն. անկեղծանալ և պատմել իր վերադաս Փաշինյանի կողմից իջեցված հանձնարարականների մասին, բացահայտել ողջ հանցախմբի մյուս պաշտոնայներին կամ անձնազոհաբար ընդունել, որ ինքն է այս թեմայում թաթախված միակ պարագլուխը, և ազատազրկվել շեֆի քաղաքական մաղձի համար:

Մանրամասները՝ Yerevan.Today-ում: