Հակոբ Արշակյանին Գագիկ Բեգլարյանի ճակատագիրն է սպասվում

Հակոբ Արշակյանը հեռանում է բարձր տեխնոլոգիաների արդյունաբերության նախարարի պաշտոնից։ Նա 2018-ից նախարարի պաշտոն է զբաղեցնում՝ սկզբում կապի եւ տրանսպորտի, ապա այն անվանափոխված ԲՏԱ նախարարության: Հեռանալու մասին լուրը հայտնել է ինքը՝ Արշակյանը՝ Facebook–յան իր էջում, բավականին սրտաճմլիկ մ տեքստով, որը ներկայացնում ենք ձեր ուշադրությանը.
«Սիրելի' հայրենակիցներ,
Այսօր իմ վերջին աշխատանքային օրն է որպես ՀՀ բարձր տեխնոլոգիական արդյունաբերության նախարար։
Որպես Հայաստանի Հանրապետության քաղաքացի անընդունելի եմ համարում պաշտոնյայի կողմից որևէ քաղաքացու նկատմամբ բռնության կիրառումը, մենք պարտավոր ենք շարժվել առանց բռնության հասարակություն ունենալու ճանապարհով։
Որպես բարձաստիճան պաշտոնյա, Հայաստանի Հանրապետությունը միջազգային ասպարեզում ներկայացնող անձ, առավել ևս, պարտավոր եմ սեփական փորձով ծառայել հանրությանը որպես օրինակ։ Այսպիսով իմ անհանդուրժողականություն եմ հայտնում բռնությանը, թե հոգեբանական, թե ֆիզիկական։ Հուսամ, որ կատարվածը որպես դաս կծառայի մեր հասարակության համար և մենք մի փոքր ավելի կսիրենք իրար ու կհարգենք յուրաքանչյուրի անձնական, ընտանեկան կյանքի անձեռնմխելիության իրավունքը։

Ցանկանում եմ առաջին հերթին շնորհակալություն հայտնել ՀՀ վարչապետ Նիկոլ Փաշինյանին՝ վստահության և այս բարձր պաշտոնում մեր Հայրենիքին ծառայելու հնարավորություն ընձեռելու համար։ Շնորհակալ եմ նաև կառավարության մեր գործընկերներին՝ համատեղ արդյունավետ աշխատանքի համար։

Շնորհակալություն եմ հայտնում մեր քաղաքացիներին, ովքեր վստահեցին, սիրեցին կամ ոչ այնքան, ովքեր գնահատեցին կամ քննադատեցին իմ պաշտոնավարման ընթացքում։ Հավատացնում եմ, որ յուրաքանչյուր քաջալերանքի ու քննադատության խոսքն իր տեղն է գտել մեր առօրյա աշխատանքում և հաջողություններում։

Շնորհակալություն եմ հայտնում նախարարության և ենթակա մարմինների հազարավոր աշխատակիցներին. ոչինչ այնքան կարևոր չէ, որքան ձեզանից յուրաքանչյուրի ամենօրյա նվիրված աշխատանքը։ Շարունակեք աշխատել սրտի թելադրանքով ու սիրով դեպի մեր երկիրը, միայն այդպես կարող եք գտնել հաջողության և զարգացման ճանապարհը, թե Ձեր, թե պետության համար», նշել է Արշակյանը ու այլ պաթոսախեղդ մտքերն ամփոփել է իր հետագա անելիքների մասին ամփոփ տեղեկատվությամբ, այն է՝ հետագա գործունեությամբ կշարունակի աշխատել հանուն մեր սիրելի հայրենիքի՝ Հայաստանի Հանրապետության զարգացման։ Արշակյանի այց լալահառաչ բացատրագրից պարզ է դառնում, որ հրաժարականի պատճառը կամ շարժառիթը լրագրող Փայլակ Ֆահրադյանի հետ միջադեպն է: Հիշեցնենք, որ շաբաթներ առաջ այդ միջադեպը մեծ աղմուկ բարձրացրեց, Արշակյանը իրեն հարց տալու համար հարձակվել էր լրագրողի վրա, հարվածներ հասցրել, կորտել նրա նոթբուքը:
Ուշագրավ է, որ այդ միջադեպից հետո Արշակյանի թիմակիցները դոշ տված պաշտպանում էին նրան, Ալեն Սիմոնյանն ամբիոնից հայտարարեց , որ Հայաստանում չկա իշխանությունը, որը բռնություն է գործադրում լրագրողների նկատմամբ: Թե ինչու, այդուհանդերձ, որոշում կայացվեց պաշտոնանկ անել Արշակյանին, շատ պարզ է: Ընտրություններից առաջ Նիկոլ Փաշինյանն ու իր թիմը այս քայլը փորձելու են փիառ քայլ ներկայացնել՝ այն համատեքստում, որ անպատժելություն չի լինելու, որ անգամ ամենահավատարիմները պատասխանատվության են ենթարկելու: Սա առնվազն ծիծաղելի, եթե չասենք աբսուրդ մոտեցում է: Քանի որ Հակոբ Արշակյանին ըստ էության պետք է ազատեին Աբու Դաբիում կայացած ռազմարդյունաբերական ցուցահանդեսին Հայաստանի ձախողված մասնակցությունից անմիջապես հետո, երբ հայկական տաղավարում ներկայացված էին միայն բուկլետներ, ոչ մի ցուցանմուշ չէր հասել Աբու Դաբի,թեեւ հազարավոր դոլարներ էին ծախսվել, ինչի համար նախարարության մի քանի աշխատակից նկատողություն ստացան: Իսկ Արշակյանը շարունակեց իր աշխատանքը : Տարիներ առաջ, երբ ՀՀԿ-ական Գագիկ Բեգլարյանը քաղաքապետի պաշտոնում ծեծեց նախագահի աշխատակազմի ղեկավարին, բարձրացած աղմուկը ստիպեց նրան էլ ազատել իր պաշտոնից, սակայն թե ինչ եղավ հետո, բոլորին է հայտնի: Բեգլարյանը մի քանի տարի հետո նորից բարձր պաշտոններ զբաղեցրեց: Այնպես որ Հակոբարշակյաններից ազատվելու համար պետք է ազատվել այս իշխանությունից, ոչ թե այս քայլը դիտարկել որպես առավելություն եւ քվե տալ այս իշխանությանը:

Անի Սահակյան

դիտվել է 4946 անգամ
Լրահոս
Ոսկեպար, Բաղանիս․․․ Ադրբեջանը Հայաստանի ներսից պատերազմ է սկսում․․․ Տիրան Լոքմագյոզյան (video) Այսօր աշխատանքից ազատվելու դիմում եմ ներկայացրել․ «Երևան ավտոբուս» ՓԲԸ տնօրեն Հորը բռնության ենթարկելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեբուժարանում ՌԴ-ն զանգվածային հարված է հասցրել Ուկրաինայի էներգետիկ օբյեկտներին՝ կիրառելով մոտ 100 անօդաչու, «Իսկանդեր» և «Կինժալ» հրթիռ Հռոմի պապն այցելել է բանտ և լվացել 12 կնոջ ոտքերը. առաջին անգամ ծեսին մասնակցել են միայն կանայք (լուսանկարներ) Փորձ է արվել Հայաստան ներմուծել առանց հայտարարագրման 40 հատ iPhone Ի՞նչ է պատասխանել Պուտինը Փաշինյանի՝ ինչու է ղարաբաղցիներին թողել բախտի քմահաճույքին, հարցին Հալեպի վրա Իսրայելի հարձակման հետևանքով զոհվել է 36 մարդ. Al Hadath «Ալենը ստում է, ստում է, ստում է, ստում է…». Համբարյան «Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել է «Կապիտալ պլյուս»-ի տնօրենին Ալե՛ն, եթե այդքան փխրուն ես, բա ասելիք չունե՞ս, երբ քեզ ասացին՝ «անբարոյականի վաստակ»․ Աննա Մկրտչյան (video) «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են Արցախի ղեկավարների հարցազրույցները եթեր չեն գնացել Մենք իշխանություն ճանկռելու, գրկելու, կրծելու խնդիր չունենք. Նիկոլ Փաշինյանը խաբել է. մաս 191 Փաշինյանն այս անգամ էլ գնացել է գնդապետ Վոլոդյա Ավետիսյանի հետևից․․․ խուզարկություններ են անում (video) Ելք ՀԱՊԿ-ից և ԵԱՏՄ-ից. Հայաստանի ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը. Լավրով Քանի՞ մարդ է թունավորվել Հայաստանում Ի՞նչ կլինի, եթե իշխանությունն իրականացնի Ադրբեջանի ցանկությունը Տավուշում (video) Երևանում թալանել են «Տոյոտա Երևան»-ի վաճառքի բաժնի ղեկավարի «Toyota»-ները Այս ընթացքը կասեցնել չի ստացվի` անկախ նրանից, թե իշխանությունը դա ճնշելու ճանապարհին քաղբանտարկյսլների շարքը կընդլայնի՞, թե՞ մարդկանց դեմ բութ գործիքներ կկիրառի. Տիգրան Աբրահամյան «Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am