Ռուս դեսպանը կանչվեց Թուրքիայի ԱԳՆ. ԱՄՆ-ը ու ՆԱՏՕ-ն պահում են Անկարային

Ֆրանսիական հեղինակավոր «Le Monde» պարբերականում մարտի 19-ին հրապարակվել է Հայաստան գործուղված թղթակից Ֆոստին Վենսանի ևս մեկ հոդված։ «Արմենպրես»–ի փոխանմամբ, լրագրողը հարցազրույցներ է անցկացրել ՀՀ արտաքին գործերի նախարար Արա Այվազյանի, ինչպես նաև Հայաստանի բնակիչների հետ։

Լրագրողն անդրադարձել է նոյեմբերի 9-ի հայտարարությանը, ինչպես նաև այդ համաձայնության շրջանակում 1960 ռուս զինվորի՝ Լեռնային Ղարաբաղում խաղաղության պահպանման նպատակով հինգ տարի ժամկետով տեղակայմանը: Նշվում է, որ ռուս զինվորականները տեղակայվել են նաև Հայաստանի հարավ-արևելքում` Սյունիքում: Ֆոստին Վենսանն անդրադարձել է ՀՀ պաշտպանության նախարար Վաղարշակ Հարությունյանի փետրվարի 22-ին արտահայտած այն մտքին, որ Երևանը հակված է 1995թ.-ից Գյումրիում տեղակայված ռուսական ռազմաբազայի ընդլայնմանը երկրի հյուսիս արևմուտքում, և, որ Ռուսաստանը նաև կօգնի բարեփոխել հայկական բանակը:

ՀՀ ԱԳ նախարարը նշել է, որ պետք է ուշադրությունը կենտրոնացնել տարածաշրջանում Թուրքիայի բացասական դերի վրա` ափսոսանքով հավելելով, որ չնայած դրա ակնհայտ լինելուն՝ ամբողջ աշխարհը աչք է փակում այդ հանգամանքի վրա։ Ռուսաստանի դերի կապակցությամբ Արա Այվազյանն ընդգծել է, որ Ռուսաստանը մեր ավանդական դաշնակիցն է, և նրա շնորհիվ է, որ աղետից խուսափեցինք: Եվ այսօր Ռուսաստանն է, որ թույլ է տալիս խուսափելու նոր լարվածությունից:

ՀՀ ԱԳ նախարարի արձանագրումն, անշուշտ կարևոր է, և վատ չէր լինի, եթե Փաշինյանի իմքայլականներն էլ են երբեմն խոսեին, արտահայատվեին Հայաստանի ու Արցախի թշնամիների գործունեության մասին, որոնց հետ նրանք հարևանություն անելու մտադրություն ունեն, առանց հասկանալու, որ գործ ունենք ամբողջովին այլ Թուրքիայի հետ:

Ոչ միայն աշխարհաքաղաքական, այլև տարածաշրջանային կտրվածքով Թուրքիան գնում է դեպքի զավթողականություն: Այսպես, պարզվում է, որ Թուրքիայի նախագահ Ռեջեփ Թայիփ Էրդողանի կառավարման օրոք թուրքական դպրոցական դասագրքերը, որոնք հիմնված են աշխարհիկ վարդապետության վրա, ավելի ու ավելի շատ են շեշտադրում անում կրոնական հասկացությունների վրա, գրում է վերլուծաբան Ջեյմա Դորսը Eurasiareview-ի համար 28 հոդվածների վերլուծության հիման վրա հոդվածում:

Իսրայելական հետազոտական խումբը և բրիտանական Հենրի Ջեքսոն հաստատությունը «Դպրոցական կրթության ոլորտում խաղաղության և մշակութային հանդուրժողականության մոնիթորինգի ինստիտուտի» զեկույցում պնդում են, որ Թուրքիայի ուսումնական ծրագիրը ներառում է հակաամերիկյան և հակահայկական տրամադրություններ, և «համակրում է ԻՊ-ի և Ալ Քաիդայի դրդապատճառներին», շեշտադրում է կատարում բացառապես սունիթական մուսուլմանական ուսմունքներին և այնպիսի առարկաները, ինչպիսին է քրդերենը, փոխարինում է կրոնական դասերով:
Դասագրքերն առաջ են տանում այնպիսի հասկացություններ, ինչպիսիք են «թյուրքական աշխարհի գերակայությունը» և թուրքական կամ օսմանյան «աշխարհակարգի իդեալը»: «Կրթությունը երկիրը շարիաթի թիկնոցով փաթաթելու Թուրքիայի նախագահ Ռեջեփ Թայիփ Էրդողանի հիմնական հիմնասյունն է...Կրթության նախարարությունը ճնշում է գործադրում քաղաքացիների վրա` պահպանելու պետական դպրոցներում իսլամական պրակտիկան»,-նշում է թուրք գիտնական Սոներ Չագաթայը: Քննադատները այս միտումը կապում են Էրդողանի իսլամիստական հակումների և «Մուսուլման եղբայրներին» աջակցելու հետ, ովքեր 2013-ին Եգիպտոսից վտարվելուց հետո իրենց տունը գտան Ստամբուլում: Էրդողանի՝ իսլամական գաղափարների գլխավոր պաշտպան հանդիսացող իր տեսակետը նրան մեծ հեղինակություն է բերել մուսուլմանական մեծամասնություն ունեցող տարբեր երկրների փողոցներում:

Հայաստանն այսպիսով, հայտնվել է թուրքական զավթողականության և Ռուսաստանի դաշնակցային հարաբերությունների արանքում, և կախված նրանից, թե ինչ հարաբերություններ կունենան Էրդողանն ու Պուտինը, կախված կլինի Հայաստանի ու Արցախի անվտանգությունը:

Իսկ վերջին օրերին լարվածության որոշակի հիմքեր են նկատվում Ռուսաստանի ու Թուրքիայի համար, թեև դրանք առայժմ պաշտոնապես չեն արտահայտվում:
Թուրքիայում Ռուսաստանի դեսպան Ալեքսեյ Երխովն Իդլիբում դեէսկալացման գոտում իրավիճակի սրման կապակցությամբ հրավիրվեց Թուրքիայի արտաքին գործերի նախարարություն: Թուրքիայի պաշտպանության նախարարությունը սիրիական բանակին մեղադրել է կիրակի Իդլիբի դեէսկալացման գոտում Դամասկոսի կողմից չվերահսկվող տարածքում հիվանդանոցի գնդակոծման հետևանքով հինգ խաղաղ բնակիչի մահվան, ինչպես նաև այդ գոտում բնակելի թաղամասի և բեռնատարների ավտոկայանատեղի վրա հարձակման մեջ, ինչի արդյունքում, ինչպես հաղորդվել է, յոթ խաղաղ բնակիչ է վիրավորվել:

Թուրքական աղբյուրների հաղորդմամբ՝ Երխովը կանչվել է ԱԳՆ, որտեղ նրան անհանգստություն են հայտնել հարձակումների հաճախականության աճի պատճառով տարածաշրջանում ծագած անվտանգության խնդրի կապակցությամբ: Նշվել է, որ հարձակումները տեղի են ունենում այն տարածքներում, որտեղ խաղաղ բնակիչներ են ապրում, ինչը սպառնում է կայունությանն ու անվտանգությանն Իդլիբի դեէսկալացման գոտում:

Իսկ ահա ՆԱՏՕ-ում Ռուսաստանին եվրատլանտյան անվտանգության սպառնալիք են համարում: Ռուսաստանի «ագրեսիվ» գործողությունները սպառնալիք են ներկայացնում եվրատլանտյան անվտանգության համար: Այս մասին ասվում է ՆԱՏՕ-ի անդամ երկրների ԱԳ նախարարների հայտարարության մեջ, որը հրապարակվել է կազմակերպության կենտրոնական գրասենյակում կայացած հանդիպումից հետո: «Մենք բախվում ենք աճող սպառնալիքների և համակարգային մրցակցության հետ: Ռուսաստանի ագրեսիվ գործողությունները սպառնալիք են ներկայացնում եվրատլանտյան անվտանգության համար, ահաբեկչությունն իր բոլոր ձևերով և դրսևորումներով շարունակում է մնալ մշտական սպառնալիք բոլորիս համար: Համառ և ավտորիտար տերությունները, ինչպես նաև ոչ պետական սուբյեկտները մարտահրավեր են նետում կանոնների վրա հիմնված միջազգային կարգին, այդ թվում` հիբրիդային և կիբեռսպառնալիքների, նոր տեխնոլոգիաների չարամիտ օգտագործման և այլ ասիմետրիկ սպառնալիքների միջոցով:
Ի դեպ, ԱՄՆ պետքարտուղար Էնթոնի Բլինքենը՝ ելույթ ունենալով Բրյուսելում «Անդրատլանտյան կապերի ամրապնդում» թեմայով վեբինարում շեշտել է ՆԱՏՕ-ի շահագրգռության մասին, որ Թուրքիան ալյանսից չհեռանա...

ՆԱՏՕ-ն չափազանց շահագրգռված է, որ Թուրքիան դաշինքից չհեռանա, չնայած Անկարայի հետ ունեցած տարաձայնություններին: «Թուրքիան վաղեմի և արժեքավոր դաշնակից է: Մենք անչափ շահագրգռված ենք, որ նրան ՆԱՏՕ-ում «ամրացնենք»: Եվ մենք կարծում ենք, որ դա նաև Թուրքիայի շահերի շրջանակում է»,- ասել է նա: Բլինքենի խոսքով՝ ՆԱՏՕ-ի անդամների միջև տարաձայնություններ կան, սակայն դաշինքը կարող է ավելի ուժեղանալ, եթե դրանք հաղթահարի:

Բլինքենը Թուրքիայի հետ հարաբերություններում գլխավոր խնդիրներից մեկն է անվանել 2017թ. Անկարային Ս-400 ԶԶՀ-ների Մոսկվայի մատակարարումների պայմանագիրը: Թուրքիան ՆԱՏՕ-ի երկրներից առաջինն է այդ համակարգերը Ռուսաստանից ձեռք բերել: Անկարայի որոշումը հարուցել էր ԱՄՆ և ընդհանուր առմամբ դաշինքի կտրուկ բացասական արձագանքը: Միացյալ Նահանգները չի դադարեցնում փորձերը՝ հասնելու ռուսական ԶՀՀ-ներից Թուրքիայի հրաժարվելուն: Այն հանգամանքով պայմանավորված, որ Թուրքիան չի ենթարկվում ճնշման և չի հրաժարվում Ս-400-ներից, Վաշինգտոնն Անկարային հանեց 5-րդ սերնդի F-35 կործանիչ-ռմբակոծիչների արտադրության ամերիկյան ծրագրից: 2020 թվականի դեկտեմբերին ԱՄՆ նախորդ վարչակազմը Թուրքիայի դեմ պատժամիջոցներ էր սահմանել Ս-400-ների գնման պատճառով:

Այսպես, չնայած տարաձայնություններին՝ ԱՄՆ-ը և ՆԱՏՕ-ն շահագրգռված են դաշինքում Թուրքիայի ներկայությանը. ՆԱՏՕ-ն համարում է, որ Թուրքիային պետք է պահի անդրատլանտյան հարաբերությունների կենտրոնում: Նման հայտարարությամբ է այսօր հանդես եկել ԱՄՆ պետքարտուղար Էնթոնի Բլինքենը Հյուսիսատլանտյան դաշինքի գլխավոր քարտուղար Ենս Ստոլտենբերգի հետ զրույցի ժամանակ:

Մետաքսյա Շալունց

դիտվել է 3594 անգամ
Լրահոս
Փաշինյանի միակ այլընտրանքը մնացել է երկրորդ նախագահ Ռոբերտ Քոչարյանը․Ղազինյան Վիճաբանություն-ծեծկռտուք Իջևանում գործող «Երիտասարդական» սրճարանում. 33-ամյա տղամարդը տեղափոխվել է հիվանդանոց Քոչարյանն ու Սարգսյանը Արցախը տալիս էին, Ալիեւը չէր վերցնում, իր մանկության երազանքն էր, որ Նիկոլը տա՞. Շարմազանով Դավաճանը բուծողին է խայթում, օձը՝ տաքացնողին Զոհրաբ Մնացականյանը կապտակեր Նիկոլ Փաշինյանին Ընտրությունների նոուհաուն. կարճաժամկետ աշխատատեղեր կբացվեն՝ քվեների դիմաց Անդրանիկ Քոչարյանի ղեկավարած հանձնաժողովից տեղեկություններ արտահոսե՞լ են Ադրբեջան. Politik.am Պետական գերատեսչություններում աշխատակիցների վրա ձայների որոշակի «պլան» է դրվել. Առանձին ցուցակում են «սվոյները» Սիսիանի քաղաքապետարանի պատն են փորել, որ չափեն գաջի հաստությունը, Գորիսում ասֆալտն են միլիմետրերով չափել Նախընտրական կրքեր ՔՊ-ում. Փաշինյանն ասել է «նեղանալ չլինի» Նիկոլ Փաշինյան․ քաղաքական փսիխոզի հիմնադիրը Ռուբեն Վարդանյանը լռում է կարեւորի մասին Երևանից` Բաքու. Որոշվում են Հայաստան պետության սահմանները Հունիսին թուրք-ադրբեջանական դաշինքին հարվածելու հույս կա Ադրբեջանցի զինվորները դեռ շարունակում են «կռվել» հայերի ունեցվածքի դեմ Ալիևի կողմից պարգևատրված ադրբեջանցի լեյտենանտն ինքնասպանություն է գործել Սերժ Սարգսյանի պատասխանը Լևոն Տեր-Պետրոսյանին Կարմիր կովը կաշին չի փոխում Իսպանացի ավելի քան 100 գործիչ գործադիրին խնդրել է միջամտել հայ գերիների ազատ արձակման հարցում Այս խաչը Ղազանչեցոցի գմբեթից հանող դավաճանը համարձակվում է մեղադրել այն տեղադրողներին. Լևոն Քոչարյան (տեսանյութ) Զինծառայող Արտյոմ Մելքոնյանի մահվան դեպքով ձերբակալվել է ծառայակիցը Վերջին իշխանության օրոք հանքերի անվերահսկելի թալանն անցել է բոլոր երևակայելի սահմանները. Բագրատյան Սերժ Սարգսյանը Արթուր Վանեցյանի կուսակցության գրասենյակում է «Դատապարտյալների հիվանդանոց» ՔԿՀ-ի նախկին պետը դատի է տվել Ռուստամ Բադասյանին Սերգեյ Լավրովի ավտոշարասյունը Երևանում (տեսանյութ)
Ամենաընթերցվածները
Շուտով
Մայիսի 5-ին, ժամը 14:00-ին Հայելի ակումբի հյուրն է գնդապետ, պատմաբան Վոլոդյա Հովհաննիսյանը: Թեմա՝ Նիկոլ Փաշինյանի անխիղճ թալանն ու կոռուպցիան: Մայիսի 5-ին, ժամը 15:00-ին Հայելի ակումբի հյուրն է երգչուհի-դերասանուհի Արմինե Գրիգորյանը: Թեմա՝ սպասվող արտահերթ ընտրություններ, ներքաղաքական զարգացումներ: Մայիսի 5-ին՝ ժամը 12։00-ին, «Հենարան» մամուլի ակումբում կհյուրընկալվի ՀՀԿ ԳՄ անդամ Գագիկ Մինասյանը։ ԹԵՄԱ՝ արտահերթ ընտրություններ․ ներքաղաքական զարգացումներ․ քաղաքական ուժերի դաշինքներ․ մայիսի 9-ին ընդառաջ, ադրբեջանցիները հանել են Սուրբ Ղազանչեցոց Ամենափրկիչ եկեղեցու գմբեթները Մայիսի 4-ին, ժամը 15:00-ին Հայելի ակումբի հյուրն է ԱԺ անկախ պատգամավոր Գևորգ Պետրոսյանըը: Թեմա՝ արձագանք Նիկոլ Փաշինյանի ԱԺ_ում հնչեցրած հայտարարություններին, սպասվող արտահերթ ընտրություններ, ներքաղաքական զարգացումներ: Վաղը` մայիսի 4-ին, ժամը 13:00-ին Երևան քաղաքի ընդհանուր իրավասության դատարանում (Շենգավիթի նստավայր) կշարունակվի ԵԴ/0253/01/19 գործով քննությունը։ Մայիսի 4-ին՝ ժամը 12։00-ին , «Հենարան» մամուլի ակումբում կհյուրընկալվի «Ընդդեմ իրավական կամայականությունների» ՀԿ նախագահ Լարիսա Ալավերդյանը։ ԹԵՄԱ՝ ըստ ՄԻԵԴ-ում գերիների ու ռազմագերիների շահերի ներկայացուցիչների՝ արցախյան պատերազմի ընթացքում գերության մեջ հայտնված անձանցից թվով 19-ը, խոշտանգվել ու սպանվել են ադրբեջանական զինծառայողների կողմից․ թշնամու կողմից հայ գերիների նկատմամբ նման մարդասիրության դեմ ոճրագործությունն ու ռազմական հանցագործությունը Մայիսի 4-ին, ժամը 14:00-ին Հայելի ակումբի հյուրն է Հայաստան համահայկական հիմնադրամի նախկին տնօրեն, քաղաքագետ Արա Վարդանյանը: Թեմա՝ պատերազմի օրերին հիմնադրամից անհետացած փողեր, ներքաղաքական զարգացումներ, սպասվող արտահերթ ընտրություններ: Մայիսի 4-ին, ժամը 12:00-ին Հայելի ակումբի հյուրն է ՀՀԿ անդամ, Առաջինը՝Հայաստան նախաձեռնության համահիմնադիր Աննա Մկրտչյանը: Թեմա՝ սպասվող արտահերթ ընտրություններ, ներքաղաքական զարգացումներ: Մայիսի 4-ին, ժամը 11:30-ին Հայելի ակումբի հյուրն է Երկիր Ծիրանի կուսակցության նախագահ Զարուհի Փոստանջյանը: Թեմա՝ սպասվող արտահերթ ընտրություններ, ներքաղաքական զարգացումներ: Մայիսի 3-ին, ժամը 14:30-ին Հայելի ակումբի հյուրերն են «Երևանի այլընտրանքային քաղաքապետարան» նախաձեռնության համահիմնադիրներ Սարգիս Տեր-Եսայանը, Սոնա Աղեկյանը և «Վրիժառուներ» գումարտակի հրամանատար, «Գյուտարար» հիմնադրամի տնօրեն Հրահատ Մխեյանը։ Թեմա՝ Ռազմատեխնիկական արդյունաբերության մասին։ 2. Սեպտեմբերի վերջին Ադրբեջանի սանձազերծած պատերազմի մասնակից աշխարհազորի զինվորականներին և կամավորականներին աշխատավարձ չվճարելու մասին։ 3. Երևանի քաղաքապետարանի անպատասխանատու գործունեության մասին։ 4. «Երևան...
Հետևեք մեզ Facebook-ում https://www.facebook.com/hayeliclub