Մոսկվայի հիշաչարության աստիճանի վրա չկասկածել. ռեակցիան չուշացավ

«Իսկանդերների» մասին Փաշինյանի օրեր առաջ արած հայտարարությունը մեծ աղմուկ էր բարձրացրել Մոսկվայում, մինչ օրս այն քննարկվում է, Փաշինյանին ծաղրում են: Փաշինյանի մամլո խոսնակը փորձեց վերջակետ դնել, հայտարարելով, թե Նիկոլ Փաշինյանը և ՌԴ նախագահ Վլադիմիր Պուտինը վերջերս կայացած հեռախոսազրույցի ընթացքում ի թիվս այլ հարցերի քննարկել են նաև Հայաստանի կողմից «Իսկանդեր» համակարգի կիրառման վերաբերյալ վարչապետի հայտարարությունը:

«Հայաստանի վարչապետն առկա փաստերի և տվյալների համադրության արդյունքում եկել է եզրակացության, որ իրեն այս իրավիճակի առնչությամբ ճիշտ չի զեկուցվել», - ասել էր Մանե Գևորգյանը: Հիշեցնենք` նույն այս ձևակերպումն էր ավելի վաղ օգտագործել Ռուսաստանի պաշտպանության նախարարության ներկայացուցիչը` հայտարարելով, թե ՀՀ վարչապետին մոլորության մեջ են գցել, և իրականում պատերազմի ժամանակ «Իսկանդերներ» չեն օգտագործվել:

«Ավելին՝ վարչապետի հայտարարությունը ոչ մի կապ չունի ռազմական և ռազմարդյունաբերական համագործակցության ոլորտում հայ-ռուսական դաշնակցային հարաբերությունների բովանդակության ու որակի հետ: Կասկած չի հարուցում և այն հանգամանքը, որ ռուսական զենքը լավագույններից է աշխարհում: Հայաստանի Հանրապետությունը շարունակում է սերտ համագործակցությունը Ռուսաստանի Դաշնության հետ ռազմական արդյունաբերության և բարձր տեխնոլոգիաների ոլորտներում և մտադիր է քայլեր ձեռնարկել այն էլ ավելի խորացնելու ուղղությամբ»,- նշել էր Փաշինյանի մամլո խոսնակը:

«Շատ կարևոր է, որ ճշմարտությունն այս հարցում վերականգնվեց», իր հերթին պատասխանեց ՌԴ նախագահի մամուլի քարտուղար Դմիտրի Պեսկովը, ազդարարելով, որ Մոսկվան բավարարված է Հայաստանի պաշտոնական պարզաբանմամբ: Բայց արդյո՞ք Փաշինյանի հասցրած հարվածի նստվածքը չքվե՞ց... Իհարկե՝ ո՛չ:

Կրեմլի ամբողջական վերահսկողության տակ գտնվող դաշնային հեռուստաընկերությունները ռուսական «Իսկանդերների» մասին հայտարարությունից հետո խախտել են չեզոքությունը և մեղմ ասած` քննադատում են Հայաստանի իշխանություններին: Ռուսական դաշնային հեռուստաալիքները օրերս լրատվական ամփոփիչ ծրագրերում ծավալուն ռեպորտաժներով անդրադարձան Հայաստանում ստեղծված իրավիճակին` թե Առաջին ալիքը, թե Ռոսիա 24-ը շեշտեցին, որ հայաստանյան այսօրվա խորը ճգնաժամի հիմքում ռուսական «Իսկանդերների» մասին երկրի վարչապետի հայտարարությունն է: «Պետք է շատ տարօրինակ երևակայություն ունենալ` ասելու, թե այս հրթիռների արդյունավետությունը 10 տոկոս է: Սա ի՞նչ է նշանակում` այն թռչել է միայն 10 տոկոսո՞վ», - հեգնել էր Առաջին ՀԸ-ի մեկնաբանը` հավելելով, թե նման հայտարարությունը խորը զարմանք է առաջացնում, և խոսքը ոչ թե այն մասին է, որ բարձրաստիճան պաշտոնյան պետք է առողջ մտածելակերպ ունենա, այլ այն մասին, որ պետք է գոնե տիրապետեր դպրոցում անցած մաթեմատիկա առարկային:

Նույն տրամաբանությամբ էր նաև Ռոսիա 24-ի ռեպորտաժը: Հայաստանյան ճգնաժամին անդրադարձել է նաև ռուսական մամուլը: Ռուսաստանցի լրագրողները նկատում են, որ Երևանում ընթացող թե իշխանության, թե ընդդիմության կազմակերպած փողոցային ակցիաները մարդաշատ են, և հանգուցալուծումը հնարավոր չէ այս պահին կանխատեսել:
«Կոմերսանտը», սակայն, գրել էր. «Հիմա Նիկոլ Փաշինյանը, ում ռեյտինգը փլուզվեց Լեռնային Ղարաբաղի համար պարտված պատերազմի հետո, հույս ունի, որ փողոցը կերկարաձգի իր կյանքն իշխանության և քաղաքականության մեջ: Դա կարող է աշխատել այն պայմաններում, եթե վարչապետի ընդդիմախոսները չկարողանան փողոցային զանգվածով ճնշում գործադրել նրա վրա: Ընդդիմության հանրահավաքներն առայժմ սակավաթիվ են, ուստի իշխանության համար սպառնալիք չեն ներկայացնում»:

Այսինքն, առանց այն էլ երկուսուկես տարի Փաշինյանի նկատմամբ ռուսական իշխանությունների անվստահությանը գումարվեց արդեն պատերազմի ավարտից երեք ամիս հետո նոր հարվածը:

Սխալվում են բոլոր նրանք, ովքեր համարում են, թե Փաշինյանն իսկապես չի հասկանում, որ «Իսկանդերի» հրթիռը չի կարող 10 տոկոսով պայթել, նա դիտավորյալ է սրում մթնոլորտը, դիտավորյալ է քաղաքական օրակարգ նետում թեմաներ, այն «բովանդակությամբ» է լցնում, որպեսզի շեղի հասարակությանը ավելի լուրջ խնդիրներից: Ու ինչպես տեսնում ենք՝ նա հաջողում է:

Հայ-ռուսական հերթական ինտրիգն, այսպիսով, թվացյալ հարթված է, սակայն հետևանքները դեռ պարզ չեն: Ռուսները դեռ Սերժ Սարգսյանին չեն ներել՝ ԵՄ-ի հետ համաձայնագրի բանակցություններ ունենալու համար, կարելի է չկասկածել ռուսների հիշաչարության աստիճանի վրա: Նույնիսկ Ռուսաստանի հակառակորդ պետությունների ղեկավարներն իրենց թույլ չէին տվել ռուսական զենքի արդյունավետության վերաբերյալ կասկածներ հայտնել, ու հանկարծ Փաշինյանը հայաստանյան ներքաղաքական մթնոլորտի օրակարգը փոխելու համար որոշում է Իսկանդերին «հարվածել»:

Ամեն անգամ, երբ թվում է, որ Փաշինյանը գիտակցել է Ռուսաստանի կարևորությունն այսօր Հայաստանի անվտանգության ապահովման համար, բայց պարզվում է, որ ո՛չ: Նա չի ցանկանում, որպեսզի այդ համոզումը գերիշխի Հայաստանում, և անում է հակընդդեմ քայլ՝ հարվածում է Ռուսաստանի հեղինակությանը:

Իսկ ինչո՞ւ... Դրա միակ բացատրությունը հետևյալն է՝ Փաշինյանը ուղիղ սպառնալիք է տեսնում իր իշխանությանը, եթե Ռուսաստանը Հայաստանում ամուր լինի, երբ իրապես դաշնակցային հարաբերություններ գործեն Հայաստանի և Ռուսաստանի միջև:

Մետաքսյա Շալունց

դիտվել է 12244 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am