Լավրովը՝ Երևան-Մոսկվա-Բաքու եռակողմ հայտարարությունների գաղտնի հավելվածի ամսին
2020 թվականի ՌԴ դիվանագիտական տարվա առցանց ամփոփիչ ասուլիսի ընթացքում ՌԴ ԱԳ նախարար Սերգեյ Լավրովը՝ պատասխանելով հայ լրագրողի դիտարկմանը, թե իրականում տեղի ունեցող գործընթացները եռակողմ հայտարարություններից հետո դուրս են գալիս դրանց շրջանակից, հայտարարեց, որ բոլոր պայմանավորվածություններն իրականացվում են արդյունավետ:
«Անկեղծորեն չեմ հասկանում, թե իրականում ինչ է տեղի ունենում, որը չի տեղավորվում նոյեմբերի 9-ի և հունվարի 11-ի պայմանավորվածությունների շրջանակում: Նոյեմբերի 9-ի հայտարարությունն իրականացվում է բավականին արդյունավետ, դա նաև նախագահ Ալիևի, վարչապետ Փաշինյանի գնահատականն է՝ բացառությամբ գերիների հարցի, որը առաջացել է դեկտեմբերի սկզբին՝ նոյեմբերի 9-ի հայտարարության ստորագրումից մեկ ամիս անց:
Մնացած բոլոր պայմանավորվածություններն իրականացվում են արդյունավետ, լուծվում է խաղաղապահների մանդատի հարցը, այն պետք է եռակողմ պայմանավորվածությունների առարկա լինի, այդ մասին խոսվել է հունվարի 11-ի հանդիպմանը, գաղտնի ոչ մի հավելված չկա:
Չեմ տեսնում, թե ինչ թեմաներ կարող են լինել գաղտնիքների առարկա»,- ասաց Լավրովը: