Ադրբեջանական զորքը մտավ Լաչին. Աչքդ լույս, Փաշինյան Նիկոլ

Ադրբեջանի զինված ուժերի ստորաբաժանումները այս գիշեր մուտք գործեցին Լաչինի շրջան: Ալիևն այսօր ասում է՝ Ղարաբաղյան հակամարտություն այլևս չկա, «Ղարաբաղում ապրող հայերը Ադրբեջանի քաղաքացիներ են»:

Նիկոլ Փաշինյա՛ն, աչդք լույս: Գտնվեց այն լուծումը, որ ընդունելի կլինի ոչ միայն Հայաստանի ու Արցախի, այլև Ադրբեջանի համար: Մեկ տարբերությամբ՝ Հայաստանի ու Արցախի համար այս լուծումը պարտվողական է, միայն Ադրբեջանի համար է ընդունելի:

Համաձայն Հայաստանի վարչապետի, Ռուսաստանի և Ադրբեջանի նախագահների կողմից նոյեմբերի 9-ին ստորագրված հայտարարության՝ Լաչինի շրջանից հայկական կողմը պետք է դուրս գար մինչև դեկտեմբերի 1-ը: Ավելի վաղ հայկական Զինված ուժերը լքել էին Աղդամի և Քելբաջարի շրջանները: Եռակողմ հայտարարության մեջ նշվում է նաև, որ Լաչինի միջանցքը՝ 5 կմ լայնությամբ, որը կապահովի կապը Լեռնային Ղարաբաղի և Հայաստանի միջև, մնում է Ռուսաստանի Դաշնության խաղաղապահ զորախմբի վերահսկողության տակ:

Ադրբեջանի նախագահ Իլհամ Ալիևն այսօր առաջարկել է բացել միջանցք, որը կմիավորի Նախիջևանը երկրի արևմտյան հատվածների հետ: «Մենք դուրս ենք բերում Նախիջևանը շրջափակումից, միաժամանակ բացում ենք նոր տրանսպորտային զարկերակ: Կարող եմ ասել, որ բոլոր երկրները կշահեն դրանից»,- ասել է Ալիևը այսօրվա իր ուղերձում՝ հավելելով, որ նոր միջանցքին կմիանան Ռուսաստանը, Թուրքիան, Իրանը և Հայաստանը:

Նա այնուհետև հավելել է, որ Լաչինի միջանցքը հանձնվել է ռուս խաղաղապահների վերահսկողությանը, համաձայնեցվել է կիլոմետրանոց լայնությունը: «Լաչինի շրջանի ռազմավարական նշանակությունը միաժամանակ նրանում է, որ շրջանի տարածքով և Լաչին քաղաքի միջով անցնում է Լաչինի միջանցքը: Ինչպես ձեզ հայտնի է, այդ միջանցքը հանձնվել է Ռուսաստանի խաղաղապահ ուժերի վերահսկողությանը: Երկար տարիներ միջանցքը գտնվել է հայկական զինված ուժերի, օկուպանտների հսկողության տակ: Կարող եմ ասել, որ նոյեմբերի 10-ին ստորագրված համատեղ համաձայնագրի նախնական տարբերակում եղել է դրույթ այդ միջանցքը հայկական զինված ուժերի վերահսկողության տակ պահելու մասին: Ես դեմ եմ հանդես եկել դրան, և արդյունքում այդ միջանցքը հանձնվել է ռուս խաղաղապահ ուժերին: Կարծում եմ, որ դա շատ մեծ ձեռքբերում է»,- նշել է Ալիևը ժողովրդին ուղղված իր ուղերձում:

Նրա խոսքով՝ «հայտարարության նախնական տարբերակի վրա ակտիվ աշխատանքներ են տարվել, հատկապես Շուշիի ազատագրումից կարճ ժամանակ հետո»: «Հայտարարության նախնական տարբերակում մեզ առաջարկվում էր, որպեսզի Լաչինի միջանցքը լինի 30կմ: Ես կտրականապես դեմ էի դրան և ասացի, որ հայկական կողմի այդ նկրտումները բացարձակապես հիմնավորված չեն: Միջանցքի շրջանակում անվտանգության միջոցառումների ապահովման համար այդպիսի լայն միջանցքի անհրաժեշտություն չկա: Ուստի ես դա համարեցի միանգամայն անընդունելի առաջարկ և հայտնեցի իմ կարծիքը: Հետո երկրորդ տարբերակում նախատեսվում էր, որ Լաչինի միջանցքի լայնությունը կազմի 10 կմ: Ես դրան համաձայնություն չտվեցի, արդյունքում համաձայնություն ձեռք բերվեց 5կմ լայնությամբ միջանցքի շուրջ: 5 կմ լայնությամբ միջանցքը ընդգրկում է բավականաչափ տարածություն և՛ մեզ, և՛ Լեռնային Ղարաբաղում ապրող հայերի, և՛ անվտանգության ապահովման համար»,- հայտարարել է Ալիևը:

Այսպես, Ալիևն արդեն Նախիջևանի Ինքնավար Հանրապետության և Ադրբեջանի միջև տրանսպորտային միջանցքը «նոր տրանսպորտային զարկերակ» է ներկայացնում:

«Եռակողմ հայտարարության (Լեռնային Ղարաբաղի վերաբերյալ) իններորդ կետն վկայում է բոլոր տնտեսական տրանսպորտային կապերի վերականգնման մասին: Երկու ուղղությամբ տրանսպորտային միջոցների և ապրանքների անխոչընդոտ տեղաշարժն ապահովելու համար Հայաստանը երաշխիքներ է տալիս Նախիջևանի և Ադրբեջանի արևմտյան շրջանների միջև տրանսպորտային կապերի անվտանգության ապահովման համար», - ասել է Ալիևն ադրբեջանական ժողովրդին ուղղված հեռուստատեսային ուղերձում:

Նրա խոսքով, տրանսպորտային կապի վերահսկողությունը կիրականացնի Ռուսաստանի Դաշնության սահմանապահ ծառայությունը, իսկ կողմերի միջև կնքված համաձայնագրի հիման վրա կապահովվի նոր տրանսպորտային հաղորդակցությունների կառուցում՝ Նախիջևանը կապելով Ադրբեջանի արևմտյան շրջանների հետ:

«Տրանսպորտային միջանցքի բացումը դուրս կբերի Նախիջևանը շրջափակումից, և միևնույն ժամանակ մենք բացում ենք նոր տրանսպորտային զարկերակ: Կարող եմ ասել, որ դրանից միայն կշահեն բոլոր երկրները: Ադրբեջանը միավորվելու է իր անբաժանելի մասի՝ Նախիջևանի հետ: Միավորվում են Ադրբեջանն ու Թուրքիան: Ռուսաստանը, Ադրբեջանը, Թուրքիան, Իրանը և, եթե ցանկանա, Հայաստանը կարող են միանալ այս միջանցքին: Այսպիսով, տարածաշրջանում կարող է ստեղծվել հնգակողմ համագործակցության հարթակ: Այս գաղափարը ես ներկայացրել եմ ինչպես Թուրքիայի նախագահի, այնպես էլ Ռուսաստանի նախագահին, և նրանք դրան դրականորեն են արձագանքել», - ասել է Ալիևը:

Նա նշել է, որ Ադրբեջանը ցանկանում է երկարաժամկետ խաղաղություն. «Դրան հասնելու համար անհրաժեշտ է, որ համագործակցությունը զարգանա անվտանգության միջոցառումների հետ միասին: Մենք պատրաստ ենք համագործակցության»:

Երկարաժամկետ խաղաղություն խոստացող Ալիևն անդրադարձել է նաև Ղարաբաղում գերիների և դիերի փոխանակման գործընթացը շարունակելու գործընթացին: Ալիևը հայտարարել է Բաքվի և Երևանի միջև Ղարաբաղում դիերի և գերիների փոխանակման գործընթացը շարունակելու մասին: «Ղարաբաղի մասին պայմանագրի ութերորդ կետը վկայում է ռազմագերիների, պատանդների և կալանավորված այլ անձանց, ինչպես նաև դիերի փոխանակման մասին: Այս գործընթացն արդեն ընթացքի մեջ է. դիերի, գերիների և պատանդների փոխանակում»:

Ալիևի ներկայացրած վերոնշյալ թեմաներով Փաշինյանն ասելիք չունի՞...

Թե՞ ամենն արդեն Ալիևն է թելադրում...

Մետաքսյա Շալունց

դիտվել է 7361 անգամ
Լրահոս
Նիկո՛լ, չերազես ու դեռ կտեսնես․․․ Աննա Մկրտչյան (video) Դու՞ ես Հայաստանի կառավարությունը, որ հիմա էլ սպառնում ես արցախցիներին․ Շարմազանովը՝ Նիկոլին (video) Կա՛մ Պուտինը կոնկրետ խփում է, կա՛մ ՌԴ-ում նոր ահաբեկչություններ կլինեն. Երվանդ Բոզոյան (video) Արա՛, ի՞նչ ես յալվար ընկել, ինչի՞ ես ծախում էդ գյուղերը. Հրանտ Բագրատյանը հունից դուրս եկավ (video) Էս ո՞վ եք դուք․ Չեմբեռլենին գովերգող փոսթ՝ ՀՀ ԱԺ հանձնաժողովի պաշտոնական էջում Ալիևը հունվարին շատ պարզ խոսել է իր նպատակների մասին, Փաշինյանն էլ տեղյակ է՝ միակողմանի զիջումը ոչ միայն չի կանխելու պատերազմը, այլև նաև արագացնելու է այն. Հայրապետյան «Փալասին խորհուրդ կտամ փնտրել ու գտնել մի հայ ճարտարապետ ու հարցնել՝ Ոսկեպարի Սուրբ Աստվածածին եկեղեցու մասին». Ռուբեն Մելիքյան Սիլվա Համբարձումյանը հիմա էլ ՔՊ-ականների դեմ է հաղորդում տալիս Փաշինյանը չի տիրապետում քարտեզներին և համաձայնագրերին. Լուսանկարներ «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Օդի ջերմաստիճանը հանրապետության ամբողջ տարածքում Toyota-ի խմած վարորդը դարձել է ավտովթարների հեղինակ. 12-ամյա տղան ու նրա մայրը հոսպիտալացվել են Նիկոլը Տավուշում պատերազմ է սկսում․ Արտակարգ և լիազոր դեսպան (video) Հայաստանը շուրջ 30 տոննա մարդասիրական բեռ կուղարկի Գազայի բնակիչներին Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար Փաշինյանը սպառնաց Սամվել Շահրամանյանին (video) Արտաշատում պարեկները «BMW»-ով բերման ենթարկված 2 քաղաքացիներից մեկի մոտ թմրամիջոցներ են գտել , նրանցից մեկն անչափահաս է Ինչո՞ւ Կառավարությունը 3 տարում չի կարողանում Շուռնուխում 10 տուն կառուցել․ հարց Սյունիքի մարզպետին (video) Այսօր ընտանիքի անդամների քանակով հավկիթ չեն եփում, չեն ներկում ու չեն մատուցում. Նոյեմ Անդրեասյան 2022-ի աշնանից նպաստից զրկված ընտանիքները կշարունակեն ստանալ իրենց նպաստները Ներկա վիճակում անիրատեսական է մտածել ադրբեջանցիների կողմից օկուպացված մեր տարածք վերադառնալու մասին. Շահրամանյան Հայաստան-Եվրամիություն-ԱՄՆ հանդիպումը մտահոգություն է առաջացրել Ռուսաստանում. Զախարովա Տավուշում մարդիկ զրկվելու են անվտանգ տեղաշարժվելու, հողեր մշակելու, եկամուտը վաստակելու հնարավորությունից. Թաթոյան Փաշինյանը պատրաստվում է Հայաստանի «հովանավոր» դարձնել Թուրքիային․ հետևանքը՝ ցեղասպանությունն է (video) Արցախցիների համար 40+10 ծրագրի ժամկետը երկարաձվեց մինչեւ տարեվերջ
Ամենաընթերցվածները
Շուտով
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը Մարտի 27-ին՝ ժամը 16:00-ին, Հայելի ակումբի հյուրն է Նարինե Դիլբարյանը Մարտի 27-ին՝ ժամը 14:00-ին, Հայելի ակումբի հյուրն է Սամվել Հակոբյան Մարտի 27-ին՝ ժամը 12:00-ին, Հայելի ակումբի հյուրն է Արմինե Ադիբեկյանը Մարտի 26-ին՝ ժամը 14։00-ին, Հայելի ակումբի հյուրն է Թաթուլ Պետրոսյանը
Հետևեք մեզ Viber-ում https://cutt.ly/5wn8sJBS
Hayeli.am