Հերթական անգամ չստացվեց հրադադարը պահպանել. Նիկոլ Փաշինյան
«Հիմա արդեն պարզ է, որ հերթական անգամ չստացվեց հրադադարը պահպանել: Չեմ կարող ասել, թե ինչպիսին կլինի ՄԽ երկրների նախագահների արձագանքը դրան, բայց պետք է իմանալ, որ հայկական կողմն ամեն ինչ արել է, որ հրադադարը պահպանվի: ՊԲ-ն առավոտից շատ զսպված է եղել, բայց, այնուամենայնիվ, օրվա երկորրդ կեսին հրադադարն արդեն երրորդ անգամ տեղի չի ունեցել», - ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը:
«ՌԴ, ԱՄՆ և Ֆրանսիայի նախագահների՝ Արցախում հրադադար հաստատելու ջանքերն ապարդյուն են անցնում, բայց որևէ մեկը չպետք է կասկածի նրանց անկեղծությանը Երեք նախագահներն ամենայն անկեղծությամբ ուզում են, որ հրադադար հաստատվի: Նրանք իրենց անունն ու պատասանատվությունն են դնում հրադադարի ջանքերի տակ: ԱՄՆ-ի դեպքում այս հարցն ավելի է սրվում, որովհետև հիմա այնտեղ նախընտրական արշավ է, և խոսքը գնում է միջազգային իրավիճակի վրա ազդելու նախագահ Թրամփի կարողությունների մասին», - նշեց վարչապետը:
Նիկոլ Փաշինյանի խոսքով՝ եթե երեք գերտերություն, այնուամենայնիվ, չի կարողանում հասնել հրադադարի ռեժիմի, նշանակում է՝ մենք բոլորս ապրում ենք լրիվ նոր, ուրիշ աշխարհում: