Քաղաքացիները մտնում են ԱԺ պատգամավոր Մանվել Գրիգորյանի ազգականներին պատկանող տարածքներ եւ վնասում գույքը

Քաղաքացիները մտնում են ԱԺ պատգամավոր Մանվել Գրիգորյանի ազգականներին պատկանող տարածքներ, բնակարաններ եւ վնասում գույքը։ Այս մասին «Հրապարակ»-ի հետ զրույցում ասաց գեներալի շահերի պաշտպան Արսեն Մկրտչյանը՝ նշելով, որ այդ մասին իրեն տեղեկացրել էր իր պաշտպանյալի ազգականներից մեկը։ Փաստաբանի խոսքով՝ դեպք է եղել, երբ անգամ քաղաքացիները շփոթել են բնակարանը եւ հարեւանի տանն են վնաս հասցրել։ «Ազգականների տների վրա, ընտանքին պատկանող բիզնեսների վրա հարձակումներ են գործում էջմիածնում՝ գոյւյքը վնասելու նպատակով։ Իմ տեղեկություններով՝ մեկ անգամ շփոթել են եւ հարեւանի տարածք են ներխուժել... Ես հորդորել եմ դիմեն ոստիկանություն, մտնում են տուն, տունը խառնում են իրար, հայտնի չի դրանք քաղաքացի են, թե ովքեր են, ես հեռու եմ էն մտքից, որ ինչ-որ մեկին մեղադրում»։