Սյունիքի մարզի Կապան համայնքում այսօր ավագանու արտահերթ նիստ է հրավիրվել, որի օրակարգում եղել է մեկ հարց՝ ուժը կորցրած ճանաչել Կապան համայնքի ավագանու 2003թ. սեպտեմբերի 11-ի «Մանվել Սեկտորի Գրիգորյանին Կապանի համայնքի պատվավոր քաղաքացու կոչում շնորհելու մասին» որոշումը եւ զրկել նրան Կապան համայնքի պատվավոր քաղաքացու կոչումից: Նման առաջարկով համայնքի ղեկավար Աշոտ Հայրապետյանին են դիմել ավագանու անդամները:
«Վերջին օրերին հանրության մեջ աղմուկ հանած դեպքերի արձագանքն էր այս պահանջը, քանի որ բացահայտումները խիստ հուզել են նաեւ կապանցիներին»,-հայտնեց մեր աղբյուրը։ Նիստին ներկա Կապանի ավագանու 10 անդամները միաձայն կողմ են քվեարկել: Ավագանու անդամները նշել են, որ նիստին բացակա իրենց ընկերները փոխանցել են, որ նույնպես կողմ են ընդունվելիք որոշմանը։ Նախօրեին էլ Կապանի համայնքապետարանում կայացել է համայնքի ղեկավարին կից հանրային խորհրդի նիստ, որին մասնակցում էին տարբեր տարիների ավագանու անդամներ, համայնքի նախկին ղեկավարներ, երկրապահ կամավորակաների միության, «Ազատամարտ» կոմիտեի անդամներ:
Այդ քննարկման ժամանակ էլ որոշում էր կայացվել արտահերթ նիստ հրավիրել եւ գեներալին պատվավոր քաղաքացու կոչումից զրկել: 1986-2015 թվականներին Կապանում նման կոչում ստացել է 45 անձ: Նշենք, որ Մանվել Գրիգորյանը 2006-ից նաեւ Էջմիածնի պատվավոր քաղաքացի է:
Մայիսի 8-ին՝ ժամը 12։30-ին, Հայելի ակումբի հյուրն է Ձյունիկ Աղաջանյանը
Մայիսի 8-ին՝ ժամը 13։30-ին, Հայելի ակումբի հյուրն է Խոսրով Հարությունյանը
Մայիսի 8-ին՝ ժամը 11։00-ին, Հայելի ակումբի հյուրն է Հայկ Նահապետյանը
Մայիսի 8-ին՝ ժամը 14։30-ին, Հայելի ակումբի հյուրն է Վոլոդյա Հովհաննիսյանը
Մայիսի 6-ին՝ ժամը 12։00-ին, Հայելի ակումբի հյուրն է Անաստաս Իսրայելյանը
Մայիսի 6-ին՝ ժամը 14։00-ին, Հայելի ակումբի հյուրն է Հրանտ Բագրատյանը
Մայիսի 6-ին՝ ժամը 15։30-ին, Հայելի ակումբի հյուրն է Հայկ Այվազյանը
Մայիսի 6-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Մայիսի 5-ին՝ ժամը 11։00-ին, Հայելի ակումբի հյուրն է Աշոտ Անդրեասյանը
Մայիսի 5-ին՝ ժամը 13։30-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում
