Եթե մեր իշխանությունները լավը լինեին, այսօր մենք կլինեինք վարչապետ ու գործադիր իշխանություն.Շարմազանով (video)
«Ցանկացած իրավախախտում մեր կուսակցության համար դատապարտելի է։ Նրանք, ովքեր բյուջեից մի կոպեկ գողացել են, թող օրենքի ողջ խստությամբ պատժվեն։ Եթե պարզվի, որ այն, ինչ հրապարակել է ԱԱԾ-ին, իրականություն է, սրան արդարացում չկա»,- լրագրողների հետ զրույցում հայտարարեց ՀՀԿ խոսնակ Էդուարդ Շարմազանովը՝ անդրադառնալով ԱԺ պատգամավոր, գեներալ Մանվել Գրիգորյանի հետ կապված աղմկահարույց բացահայտումներին։ Հարցին՝ նախկին իշխանությունները չե՞ն իմացել այս ամենի մասին, Շարմազանովը բացասական պատասխան տվեց։ Դիտարկմանը՝ դա նշանակում է, որ նրանք այնքան թույլ իշխանություն են եղել, որ չեն կարողացել բացահայտել նման դեպքերը, ՀՀԿ խոսնակն արձագանքեց․ «Եթե մեր իշխանությունները լավը լինեին, այսօր մենք կլինեինք վարչապետ ու գործադիր իշխանություն»։
Հետևեք մեզ Viber-ում
