Արթուր Դավթյան. Մանվել Գրիգորյանին կալանավորելու համաձայնություն տալ

ՀՀ գլխավոր դատախազ Արթուր Դավթյանը  ԱԺ արտահերթ նիստում  հրապարակեց ԱԺ պատգամավոր Մանվել Գրիգորյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու վերաբերյալ միջնորդագիրը: Մանվել Գրիգորյանին պատկանող առանձնատանը և այլ տարածքներում կատարված խուզարկության արդյունքները ընթերցեց ,նաև գեներալի ամառանոցում առկա պահածոների, խտացրած կաթի տուփերի միջից և արկղերի վրա հայտնաբերված` աշակերտների նամակներից մեկը: Գլխավոր դատախազը հայտարարեց, որ ձեռք բերված ապացույցները հիմք են տալիս Մանվել Գրիգորյանին գործով որպես մեղադրյալ ներգրավելու և մեղադրանք առաջադրելու` ապօրինի կերպով ռազմամթերք ձեռք բերելու և նրա կնոջ` Նազիկ Ամիրյանի, դստեր` Այծեմնիկ Գրիգորյանի, Էջմիածին քաղաքի բնակիչներ Սեյրան Ազարյանի, Արմեն Հակոբյանի և այլ անձանց հետ նախնական համաձայնությամբ իրեն պատկանող առանձնատներում պահելու համար, ինչպես նաև մի խումբ անձանց հետ նախնական համաձայնությամբ  յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար: Դատախազը միջնորդեց համաձայնություն տալ ԱԺ պատգամավոր Մանվել Գրիգորյանի նկատմամբ քրեական հետապնդում հարուցելուն, նրան որպես մեղադրյալ ներգրավելուն և մեղադրանք առաջադրելուն, նրա նկատմամբ որպես խափանման միջոց կալանավորումը կիրառելուն: