«Բնապահպաններին կոչ եմ անում թող գնան արջերին, առյուծներին տեր կանգնեն, որովհետև էլ մսի պահածո չկա». Արթուր Վանեցյան
ԱԱԾ տնօրեն Արթուր Վանեցյանը, անդրադառնալով Մանել Գրիգորյանի տարածքում կատարված հետախուզություններին, կես կատակ ասաց, որ բնապահպանները, թող գնան առյուծներին, վագրերին ու արջերին տեր կանգնեն: «Բնապահպաններին կոչ եմ անում թող գնան արջերին, առյուծներին տեր կանգնեն, որովհետև էլ մսի պահածո չկա, որ ուտեն, կարող է սովածանան», - ասաց նա: Վանեցյանը տեղեկացրեց, որ Մանվել Գրիգորյանի գործով քննությունը շարունակվում է, և ընթացքում պարզ կդառնա, թե ովքեր ինչ կապ ունեն այս գործի հետ, իսկ Մանվել Գրիգորյանն ազատ չի արձակվի: ԱԱԾ տնօրենը նշեց, որ այն դեպքերում, երբ հարցը վերաբերում է գումարները վատնելուն, տվյալ անձը կարող է վճարել այդ գումարները և ազատվել քրեական պատասխանատվությունից՝ ըստ քրեական օրենսգրքի, սակայն Մանվել Գրիգորյանի հետ կապված այս բացահայտումները չեն դասվում այդ շարքին:
Հետևեք մեզ Viber-ում
