«Կային զինատեսակներ, որոնք որևէ կերպ օրինական լինել չէին կարող». Արծրուն Հովհաննիսյան
Իրերն ու առարկաները, որոնք ուղիղ վերաբերում են ՊՆ-ին և արտադրվել են ԶՈՒ-ի համար, օրիանական կարգով փոխանցվել են ԵԿՄ-ին: Այսօր Կառավարությունում լրագրողների հետ ճեպազրույցում նման հայտարարություն արեց Պաշտպանության նախարարի մամուլի խոսնակ Արծրուն Հովհաննիսյանը: «Ապրիլյան պատերազմի ժամանակ և դրանից հետո՝ մի քանի ամսվա ընթացքում, եղել են կամավորական խմբեր, որոնք եղել են բանակում և ՊԲ-ի մատակարարման տակ են եղել ամբողջությամբ, այսինքն՝ ստացել են սնունդ, հագուստ և այլն: Հիմա այս երկու ճանապարհներից՝ ԵԿՄ-ին տրամադրված, թե ՊԲ-ի կողմից տրամադրված պիտույքների մասին է խոսքը, չեմ կարող ասել, դա ցույց կտա քննությունը»,- ասաց նա: Հարցին, թե հայտնաբերված զենքը օրինական էր, Հովհաննիսյան ասաց. «Իրավասու չեմ նման հարցերին պատասխանելու, քննությունը ցույց կտա, թե այդ ամենից որն էր օրինական, որն էր անօրինական, բայց կային զինատեսակներ, որոնք որևէ կերպ օրինական լինել չէին կարող»:
Հետևեք մեզ Viber-ում
